Свет
(Видео) Потрага по жртви откако траект се заби во мост во Бразил и автомобили паднале во реката
Траект се забил во мост во државата Пара на северот од Бразил, по што дел од мостот во должина околу 200 метри, паднал во реката Моју.
Би-би-си објави дека во реката паднале два автомобила. Екипажот на траектот преживеал, а нуркачите ја пребаруваат реката во потрага по настрадани.
Гувернерот на државата Пара, Хелдер Барбало, прогласи вонредна состојба по несреќата. На „Твитер“ објави видео од урнатиот мост.
Мостот е изграден на патот кон Белем, едно од најфреквентните бразилски пристаништа и е долг вкупно 860 метри.
Во моментов властите организираат транспорт за локалното население, сè додека мостот не се поправи.
Како што пишуваат локалните медиуми, инспекција направена годинава открила корозија на столбовите на мостот, поради што владата побарала вонредни средства за поправка, но и покрај тоа било утврдено дека нема причина мостот да се затвори за сообраќај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.