Македонија
Мустафа за Светскиот ден на Ромите: Време е да ја тргнеме историската дамка од нас
Деновиве 12 милиони Роми низ целиот свет се подготвуваат да го одбележат Светскиот ден на Ромите, 8 април, истакнува Неждет Мустафа, лидер на Обединета партија за еманципација на Ромите (ОПЕР), кој во свое пишано обраќање изразува благодарност за протагонистите на првиот Ромски конгрес.
„Сега сметам дека е морално и коректно, секој од нас да си го постави прашањето: го оправдавме ли и дали го заслужуваме овој историски датум?“, го почнува Мустафа својот текст.
„Првите децении од 1971 година, по овој значаен конгрес, поминаа неприметно, лицемерно, со голема доза на страв од тогашните општествени владеења и меѓусебните лидерски сплетки и недоразбирања, негирање и потиснување на движењето на оваа елита наречена Интернационална Ромска Унија – ИРУ. Од 2000 година, новите генерации ставија акцент на ова движење, потврдувајќи ги темелните национални вредности: знаме, јазик, химна и идентитет. Ромски организации, музичари, фоклористи сосема мала група на еманципатори, ги следат демократските промени во Европа и интересот фокусиран кон ромската еманципација. Чекор по чекор, од децениска темнина влегуваат во фокусот на европското внимание“, нагласува Мустафа кој исто така е и Мисионер на Балканската унија на Ромите (БАРОМ).
За новите генерации тој вели дека го афирмираат одбележувањето на конгресните вредности.
„Ги осветлуваат имињата на основачите на ИРУ, на претседателот, големиот мудрец и научник, визионер, филозоф, храбар оратор, Рајко Џуриќ, генералениот секретар Гратан Пуксон, Осман Балиќ, Станислав Станкиевиќ, Марсел Куртијаде, Орхан Галјуш, Фаик Абди, Шаип Јусуф, Николај Георге, Емил Шчука, Хуан де деиос Рамирез Хердиа, Кенриг Доналд и Јан Цибула“, пишува Мустафа.
Според него, Ромите кои се познати по фолклористиката, повторно на многу места низ светот со музика и песна, говор и протест уште еднаш ќе ги пренесат своите пораки на овој ден, но лидерот на ОПЕР воедно прашува и дали е сето тоа доволно за покрупни промени.
„Веќе со децении Европската унија, Советот на Европа, фондации, невладини организации и политички партии, не потсетуваат дека Ромите сѐ уште остануваат најзагрозена и најранлива, етничка заедница. Низ цела Европа, основните права на Ромите се уште се прекршуваат редовно. Има чести настани со расистичко насилство и говори на омраза кон оваа ранлива зедница. Ромите сѐ уште се предмет на недоверба, пропаст, лажни надежи. Тие сѐ уште живеат без европски вредности како етничка заедница. Во континуитет само се охрабрени со препораки од највисоките европски лидери“, истакнува Мустафа во својот текст.
Според него, загрижува забелешката колку мал напредок е постигнат од 1990 година до сега во подобрување на животниот стандард на Ромите.
„Ги искористивме ли рационално милионските буџетски ставки од страна на ЕУ и комисиите задолжени за афирмирање и унапредување на ромската инклузија, интеграција, образование, здравство, вработување? Сметаме ли дека имавме доволно интерес и стратегии на европските пријатели во имплементација на чувствителните рани на ромската општествена изолација во обид да не извлечат од децениската сиромаштија? Дали мислиме дека заслужува внимание војната во бивша СФРЈ и дека треба да се осветли егзодусот на Ромите на Косово, во Босна и Херцеговина, Србија и дека стотици илјади Роми сѐ уште се расфрлени низ Европа и Балканот и дека ова прашање никако да дојде на дневен ред кај европските парламентарци: Имаше ли злосторство врз ромската заедница во војната на бившата СФРЈ? Или и тоа ќе остане во темница, како од времето на фашизмот и генoцидот врз Ромите. Да, ние сме мизерно пасивни. Не се посветуваме на суштинските нешта за нашиот народ. Очекуваме некој друг да се жртвува за она што секој ден му се случува на овој народ без водач. Затоа немаме јунаци, револуционери, идеолози, лидери кои ги спомнуваат во историјата, затоа сме таму каде што сме“, констатира Мустафа кој е и Основач на Европскиот Рома патувачки форум.
Тој додава дека Ромите денес се особено вознемирени поради кршењето на правото на домување, како и правото на миграција кои, како што вели, се интензивирале во последните неколку години во европските земји со силна антипатичност кон оваа заедница.
„Еве денес, јас, Неждет Мустафа со најпочесни државни функции во светот, го пренесувам гласот на ромскиот народ. Вие што оваа колумна ја читате, вие кои што сте дома, на улица, во канцеларии, пред вашите лаптопи, треба да знаете дека како рамноправни граѓани никој не може да ви го пресече патот да говорите за она што е ваша обврска и ваша болка. Дури никој нема право да ви ја одземе храброста да стоите исправени пред неправдата, меѓу другите заедници насекаде каде што живеат Ромите. Јас знам дека се плашиме од самите себе, од медиумите, од нашата дволичност, лојалност, од оние кои нѐ подржуваат, од оние кои што нѐ водат, од оние кои што нѐ манипулираат, меѓу себе водиме живот со силна недоверба и сплетки, умираме без виозионерство и на крај останува да се преспитаме со пораката од нашиот створител – ако еден народ не може сам да се промени ниту јас нема да го променам, ќе го заменам со друг народ“, се наведува во пишаното обраќање по повод 8 април, Светскиот ден на Ромите.
Според Мустафа, Ромите мора да живеат со нов сон, дека еднаквоста со сите други граѓани и заедници секогаш доаѓа со знаење, упорност и дијалог.
„Со кревање на гласот против предрасудите, инфериорноста, стереотипите, процесот на успорен развој. Ние не сме декор, ниту проектна заедница ниту критична маса на архитетектите кои децении го успоруваат нашиот развој. Нашите настапи на овој ден треба да ги преферираме реторика на отпор. Не! Ние не сме отфрлен народ. Ние сме граѓани, државјани, народ на Европа, на Балканот. Тука е нашиот развој. Инклузијата и интеграцијата на нашиот народ не смее да се оддели од ниту еден граѓанин или задница. Како што пред Господ сме сите еднакви така и пред државитe мораме да сме еднакви меѓу еднаквите. Еднакви обврски, еднакви права“, смета Мустафа кој додава дека потребна е акција за ваквиот сон да стане реалност.
Мустафа симболично вели дека Ромите не смеат да си дозволат да стават катанци на своите срца.
„Ќе си дозволиме ли да ја прифатиме клетвата за оглувени, ослепени и онемени? Да се молиме кон патот на вечноста, да станеме народ кој едни на други во наследство ќе остават траги на гордост, доверливост и почит. Да ја тргнеме историската дамка од нас. Со децении тивко не претвораат во друг народ. Зарем ќе си дозволиме самите да се осудиме на пропаст. Аманетот на конгресмените од 1971 година беше да станеме реформисти, не фолкористи – демократи, а не традиционалисти“, нагласува Неждет Мустафа во текстот по повод Светскиот ден на Ромите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Освојувањето на 14-те највисоки врвови го сметам за национален успех, вели Кедев
Освојувањето на 14-те највисоки врвови во светот го сметам за национален успех. Тоа што ми даде сила беше токму тоа да го однесам македонското знаме и македонското име на сите врвови. Тој успех го посветувам на сите граѓани и сите Македонци каде и да се во светот, порача кардиологот и алпинист Сашко Кедев, по одликувањето на Орденот „8 Септември“ за особените заслуги во медицината и за историскиот подвиг во алпинизмот.
Кедев, изрази длабока благодарност за одликувањето, кое рече дека иако опфаќа повеќе елемент од неговиот живот, го споделува со сите колеги со кои заедно ја формираат Интервентната кардиологија пред повеќе од 30 години.
Суштината во животот, порача Кедев, е да најдеме активност што нема крајна цел, туку чиста мотивација без конкретна цел.
Македонија
Кардиологот и алпинист Сашко Кедев одликуван со Орден „8 Септември“
Претседателката Гордана Сиљановска-Давкова го одликува кардиологот и алпинист Сашко Кедев со Орден „8 Септември“, за особените заслуги во медицината, не само дома, туку и во европски и светски рамки, како и за историскиот подвиг во алпинизмот како прв Македонец којшто ги искачил 14-те светски планински врвови над 8 000 метри надморска височина.
Сиљановска-Давкова, на доделувањето на орденот вечерва во Македонската филхармонија, порача дека академик Сашко Кедев е човек, чијшто персонален и општествен интегритет ги надминуваат границите на потесната стручна област и се интегрирааат во колективната меморија на државата и општеството.
-Сите го знаеме како врвен медицински авторитет, еден од пионерите и лидерите во развојот на интервентната кардиологија. Неговата личност ја красат благородноста, моралниот интегритет и хуманоста… Биографијата на академик Кедев е поучен пример за секој од нас, но и добар прирачник за идните генерации. Таа е доказ дека успесите не се ниту привилегија, ниту случајност, туку логична последица и заслужена награда за енормните, натчовечки напори на човек со голема буква, рече Сиљановска-Давкова.
За сето она што го направи за медицината, науката, спортот, за меѓународниот углед на нашата земја, но и за македонската демократија, најмалку што можеме да сториме, рече Сиљановска-Давкова, е да му оддадеме признание. Не може да говориме за него, а да не го занемариме неговиот активен и видлив придонес за македонската демократија од првите денови на самостојноста и независноста до денес.
-Каде и да оди и што и да работи по светот, тој ја персонифицира на најдобар начин Македонија. Доказ за тоа е и неговиот статус на почесен конзул на Индонезија, плод на неговите неимарски способности во градењето мостови на доверба и партнерство меѓу народите и државите, нагласи Сиљановска-Давкова.
Доктор Кедев, нагласи, има биографија што не ја опишуваат епитети, туку ја потврдуваат суперлативи.
– Фактите говорат дека тој е меѓу водачите, првенците – интервентни кардиолози на Универзитетската клиника за кардиологија, но и во другите центри во земјата, како и во бројни престижни меѓународни медицински институции, од Канада до Јужна Африка, што од него прави своевиден колумбовски или магелановски докторски профил, порача претседателката.Неговиот научен опус е вонсериски во домашeн контекст, рече Сиљановска-Давкова, нагласувајќи дека академик Кедев вовел револуционерни техники во нашата кардиологија, со што поставил повисоки стандарди, отворил нови и пошироки хоризонти, давајќи им нова шанса на илјадници пациенти.
-Ако во медицината, д-р Кедев ги достигна највисоките професионални и хумани височини, тогаш во алпинизмот, буквално, ги освои највисоките врвови на светот. И тоа, не во младешките денови на бунтовник без причина, туку во зрелата доба, како бунтовник со цел: умен, искусен, но се уште детски љубопитен; храбар, но внимателен; желен за нови подвизи, но наоружан со богато искуство, дисциплина и истрајност и … разбран и придружуван, дополни Сиљановска-Давкова.
Таа истакна дека во период подолг од две децении, Сашко Кедев ги искачи сите 14 највисоки врвови над осумилјади метри.
-Неговите подвизи не само што предизвикуваат дилеми, чудење и восхит, туку ги поместуваат границите на човечката издржливост и верба… Цврсто верувам и ве уверувам дека успесите на академик Кедев не се случајност, туку резултат на енормно знаење и сизифовски напори, потпрени на цврст морален темел и чиста и длабока духовност. Храброста и неуморноста што ги учел и вежбал во салите за операции, го поттикнуваат и водат на највисоките планински врвови, а вербата во правдата и моралот, го инспирираат и придружуваат во општествената битка за подобро, поправедно, демократско општество, изјави Сиљановска-Давкова.
Како што потецираше, секогаш кога е потребно гласно, чесно и одговорно да се проговори, тој е тука, дома, во Македонија.
На доделувањето на Орденот, вечерва во Македонската филхармонија, присуствуваа премиерот Христијан Мицкоски и министри од Владата, градоначалници, академици и голем број личности од општествениот живот.
Орденот на Кедев му се доделува и за храбриот придонес во конституирањето на самостојна и независна Република Македонија и за активното учество во развојот на македонската демократија, за особените заслуги во медицината, не само дома, туку и во европски и светски рамки, крунисани со членство во престижни научни меѓународни асоцијации. Понатаму, за уживањето посебен углед како врвен интервентен кардиолог којшто вовел иновативни техники и методи, извршил неколку илјади коронарни интервенции и над 1 600 транс-радијални каротидни стентирања, за исклучителните образовни и научни успеси, потврдени со 230 публикации со импакт-фактор на платформата „Wеb of Science“, H-индекс 36 и 13 650 цитати, за продлабочувањето на меѓународната соработка како почесен конзул на Индонезија.
Македонија
Граѓаните „Мој ДДВ“ ќе го добијат на сметка до крајот на ноември
Граѓаните кои редовно скенираат фискални сметки преку апликацијата „Мој ДДВ“ повратот на данокот за третиот квартал годинава ќе го добијат на своите трансакциски сметки до крајот на ноември, информира Министерството за финансии.
Станува збор за парите акумулирани од скенираните сметки во периодот јули–септември, кои согласно правилата се исплаќаат 60 дена по завршување на кварталот.
Од институцијата појаснуваат дека системот за поврат функционира редовно, а доцнење најчесто се случува поради неточни или неажурирани податоци за трансакциската сметка во Управата за јавни приходи. Доколку граѓаните смениле банка или број на сметка, потребно е навреме да ги ажурираат информациите во својот кориснички профил, за да не дојде до враќање или блокада на уплатата.
Кардиологот и алпинист Сашко Кедев одликуван со Орден „8 Септември“
Претседателката Гордана Сиљановска-Давкова го одликува кардиологот и алпинист Сашко Кедев со Орден „8 Септември“, за особените заслуги во медицината, не...
Четириесет дена откако почина Панчо од „ДНК“, колегите од македонската сцена со трогателни пораки
Четириесет дена по смртта на Владимир Блажев, познат на јавноста како Панчо од хип-хоп дуото „ДНК“, социјалните мрежи повторно се исполнети со неговото име....
11.500 студенти веќе подигнале нови електронски уреди, Владата додели над 33.000 ваучери
Владата информира дека заклучно со вчерашниот ден се доделени вкупно 33.682 ваучери за студенти, секој во вредност од 15.300 денари....
Градоначалникот Митко Јанчев по скандалот со Аца Лукас: Кочани сценарио нема да дозволиме
Не стивнуваат реакциите по скандалот што се случи со пејачот Аца Лукас кога беше прекинат неговиот концерт во Кавадарци. Тој...
Пакуван помфрит со поминат рок требало да се продава на македонскиот пазар, АХВ го спречи увозот и го уништи
Инспекциските служби на Агенција за храна и ветеринарство (АХВ), спречија увоз на 20.500 килограми замрзнат компир – помфрит, со поминат...
Еден загинат во поплавите во Албанија по обилните дождови
Најмалку едно лице загина во Албанија во поплавите предизвикани од обилните дождови што паѓаат во изминатите неколку дена, соопшти денес...
Ако живеете во поплавено подрачје превријте ја водата за пиење 10 минути, фрлете ја храната што дошла во допир со поплавата – ИЈЗ со препораки до граѓаните
Институтот за јавно здравје издаде препораки за населението во поплавените подрачја, со посебен акцент на безбедната употреба на вода, личната...
Американскиот план за Украина бара дополнителна работа, велат западните челници
Американскиот план за Украина бара дополнителна работа, се согласија челниците на 11 земји и ЕУ во заедничка изјава по состанокот...
(Видео) Снежните врнежи го парализираа регионот: застои во сообраќајот во Сараево, автомобили заглавени кај Сплит
Обилните снежни вренежи предизвикаа проблеми во регионот, а снег падна во Босна и Херцеговина и Хрватска, каде што дојде до...
Настапувал без дозвола: Аца Лукас приведен на концерт во Кавадарци
Српскиот пејач Аца Лукас синоќа бил приведен во Кавадарци околу 00:10 часот, за време на настап во угостителски објект. Според...
(Видео) ВМРО-ДПМНЕ ја напаѓа Кацарска поради предметот за линеарното зголемување на пензиите, од Уставен велат дека прозивките се преседан
На прес-конференција, Валентин Манасиевски, член на Централниот комитет на ВМРО-ДПМНЕ, обвини дека уставната судијка Добрила Кацарска бара укинување на зголемувањето...
Поплавени 50 домови во Ресен, под вода земјоделски површини и во Демир Хисар, во Прилеп паднал таван од куќа
Според информациите на Центарот за управување со кризи до 8 часот, обилните врнежи предизвикаа локални излевања, поплави и прекини во...
Сиљановска-Давкова со честитка: Албанскиот јазик е важен дел од мултиетничкиот мозаик на Македонија
Претседателката Гордана Сиљановска-Давкова упати честитка по повод 22 Ноември – Денот на албанската азбука, истакнувајќи ја важноста на албанскиот јазик...
Трамп: Украина треба да го прифати мировниот план за да заврши војната
Американскиот претседател Доналд Трамп уште еднаш го коментираше мировниот договор со САД, за кој рече дека Украина треба да го...
Променливо облачно време со повремени локални врнежи од дожд
Времето денес ќе биде променливо облачно со повремени локални врнежи од дожд. Наместа врнежите ќе бидат пообилни (над 30 l/m²...
(Видео) Во Ресенско поплавени над 50 куќи, магацински простори и земјоделско земјиште, состојбата се следи во сите засегнати региони, соопшти ЦУК
Поради обилните врнежи, на подрачјето на Општина Ресен дошло до излевање на Болнска и Источка река во селата Царев Двор...
Путин: Планот на Трамп може да биде основа за решение на конфликтот во Украина
Москва го има текстот на планот на американскиот претседател Доналд Трамп за решавање на спорот, кој би можел да биде...
Српски државјанин осомничен за тешката сообраќајна несреќа со смртни последици кај Валандово
Основното јавно обвинителство Гевгелија поведе постапка против државјанин на Република Србија осомничен за – Тешки дела против безбедноста на луѓето...
Трамп: Четврток е соодветниот рок за Украина да го прифати мировниот договор
Американскиот претседател Доналд Трамп денес изјави дека верува оти четврток, 27 ноември, е соодветниот рок за Украина да го прифати...
Припаѓате во ЕУ со полнo правo: Кос до земјите од Западен Балкан
Европа не може да биде безбедна без Западен Балкан, изјави европската комесарка за проширување Марта Кос, наведувајќи дека државите од...
