Забава
(Видео) Блиска средба на шумар со мечка и две мечиња на Јадранот

Шумарот Зоран имал несекојдневна случка деновиве кога враќајќи се од работа, кај хрватскиот град Нови Винодолски забележал мечка и две мали мечиња на патот. Тој веќе две години работел како шумар во овој приморски град на Јадранот, но вели дека досега немал толку интересно доживување.
„Возев полека речиси еден и пол килемтар зад нив чекајќи мечката да ги тргне мечињата од патот за да поминам“, раскажува шумарот Зоран Турк за хрватските медиуми.
Тој завчера околу 13 часот во шумата кај Нови Винодолски имал блиска средба со мечката и нејзините младенчиња.
„Се враќав од работа и слегов по патот во шумската област наречена Рушица. Таму налетав на мајка мечка и нејзините две мали младенчиња, кои одеа по патот. Мечињата беа многу мали и сè уште тешко се движеа по патот, а мајка им внимателно ги чуваше“, вели Зоран. Тој полека возел зад нив за да не ги исплаши, особено затоа што мајката е многу заштитнички настоена кон младите.
„Во спротивно, може да бидат многу агресивни ако почувствуваат и најмала опасност бидејќи, дури и покрај тоа што имаат слаб вид, имаат многу добар слух и мирис“, објаснува шумарот. Мечињата набргу почувствувале замор и нозете не ги држеле и не можеле да ја следат мајка си.
Pozirali po šumi: Medvjedica s mladuncima šetala po cesti kod Novog Vinodolskog
Pozirali po šumi: Medvjedica s mladuncima šetala po cesti kod Novog VinodolskogViše na http://bit.ly/2UJwYZN
Gepostet von 24sata am Dienstag, 9. April 2019
„Кога мечката забележа дека мечињата се уморни од одење, едно по едно, нежно со устата ги фати за вратот и ги пренесе во шумата, каде што се изгубија во дрвјата. Не можев да поверувам како мечката се грижи за младенчињата“, раскажува Зоран.
Младенчињата својата прва и втора година од животот ја поминуваат заедно со мајка си додека не се осамостојат. Со доаѓањето на пролетта тие потоа почнуваат самостоен живот.
„Јас работам веќе две години како шумар во Шумарство ‘Нови Винодолски’, во оваа област Вучјак, и ова е првпат да видам мечка со мечиња. Мечката многу почесто може да се забележи во континенталниот дел. Бев многу изненаден, беше убава и ретка сцена што требаше да ја снимам“, изјави Зоран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Паста диета: можете да изгубите 3 килограми за само 5 дена

Диетата со шпагети трае само пет дена и ви овозможува да изгубите до три килограми. Кога избирате тестенини, обидете се да ги изберете оние од цело зрно, кои се особено богати со хранливи материи и витамини.
Ден 1.
Појадок: парче леб намачкано со крем сирење, украсено со киви одозгора.
Ручек: варени шпагети (70 г), за сосот користете половина кромид, 2 домати и 150 грама печурки на пареа и зачинете сè со лута пиперка.
Вечера: тестенини (70 г), пиперка (3 парчиња), 2 домати и малку рендано сирење.
Ден 2.
Појадок: чаша јогурт (1,5% масленост) со две лажици овесни снегулки и половина јаболко.
Ручек: сварете 70 грама тестенини, со 1 лажица доматен сос и тиквички.
Вечера: топли тестенини (40 г), 1 домат, маслинки, 3 млади кромиди и 40 г сирење. Зачинете со маслиново масло и сок од лимон.
Ден 3.
Појадок: овошна салата од мандарина, 1/2 јаболко, киви и 1/4 банана.
Ручек: шпагети (70 г), сос од 3-4 домати, грашок и 1 морков.
Вечера: 70 г сварени тестенини со сос (2 лажици доматно пире и малку кромид).
Ден 4.
Појадок: тост со сирење и парче киви.
Ручек: сварете 70 грама тестенини, послужете со 150 г варен зеленчук (грав, моркови, грашок, карфиол). Посипете со рендано сирење.
Вечера: шпагети (70 г), 1 краставица, портокал за десерт.
Ден 5.
Појадок: јогурт и јаболко.
Ручек: Сварете тестенини (70 г), додадете малку брокула (150 г), додадете рендано сирење, лук и пипер.
Вечера: 40 г тестенини со сирење, 4 маслинки и домати. Зачинете со 1 лажичка маслиново масло, сок од лимон и пипер.
Забава
(Фото) Се соблече гола за својот 60-ти роденден: „Вљубена сум“

Актерката и модел Елизабет Харли го прослави својот 60-ти роденден на 10 јуни и ги воодушеви своите обожаватели со неочекувана фотографија од неа – целосно гола.
Британската заводничка, која на 59 години беше прогласена за најсекси жена на светот, а воедно ја носи и титулата кралица на бикини, објави фотографија во топлес на својот роденден, заедно со тоа што му кажа на светот дека е вљубена.
„Среќен роденден! Оваа година веќе беше лудо возење. И… јас сум вљубена. Се чувствувам толку благословена и благодарна што ги имам најдобрите пријатели и семејство на светот. Фотографијата е направена денес попладне… во мојата роденденска облека“, напиша Елизабет Харли.
На фотографијата што го направи машкиот пол најсреќен, а воедно предизвика и возбуда на Инстаграм, таа позира седејќи на тревата со скрстени нозе, така што иако е целосно гола – ништо не се гледа. Широката насмевка на нејзиното лице кажува колку е среќна, а објавата ја коментираше и нејзиниот нов партнер Били Реј Сајрус, кој кратко напиша: „Те сакам“.
Тој објави нивна заедничка фотографија на својот профил со пораката: „Среќен роденден на љубовта на мојот живот“.
Забава
Едноставно, евтино и ефикасно решение за намалување на салото на стомакот – една намирница што сите ја сакаме

Летото речиси започна, иако можеби не според календарот, но сме сведоци на жештините, па затоа е крајно време да се подготвиме за морето и новата сезона на бикини. Сепак, тие фрустрирачки наслаги околу стомакот едноставно не ве напуштаат? Не очајувајте, постои едноставно решение за тоа.
Нутриционистката Роксана Ехсани ја откри тајната за витка фигура: обичен, обезмастен грчки јогурт.
Висцералните масти, кои се акумулираат длабоко во стомакот, можеби се невидливи однадвор, но имаат сериозни здравствени последици. Го зголемуваат ризикот од срцеви заболувања, дијабетес и други сериозни состојби. Но, и за тоа постои решение – променете ја исхраната.
Додадете обичен, обезмастен грчки јогурт во вашата исхрана. Студиите покажаа дека исхраната богата со протеини, калциум и витамин Д може да ги намали висцералните масти.
Грчкиот јогурт е богат со протеини, што ви помага да се чувствувате сити и спречува прејадување. Исто така, содржи пробиотици кои го поддржуваат здравјето на цревата.
Едноставно, евтино и ефикасно решение за намалување на салото на стомакот.