Свет
Во конструкцијата на катедралата имало 1.300 дрва, огнот избувнал на таванот
Како започна пожарот во Нотр Дам и што ја предизвика огнената стихија, е прашањето што се наметнува по вчерашниот страотен пожар што ја зафати оваа француска знаменитост со огромно исторско значење. Светските медиуми објавуваат детални информации околу изградбата на категралата и нејзииното реновирање коешто било во тек, како и вредното богатство во внатрешноста на катедралата, коешто е уништено во огнената стихија.
Според информациите што се објавени, за конструкцијата на катедралата биле искористени 1.300 дрва. Според експертите, пожарот најверојатно изгувнал токму во дрвените греди кои ја сочинуваат конструкцијата на катедралата. За оваа 850-годишна зграда, дури 1.300 дрва се претворени во греди, поради што овој дел од Нотр Дам популарно се нарекува „шума”.
Во понеделникот попладне катедралата Нотр Дам во центарот на Париз почна да гори. По девет часа, околу 400 пожарникари успеале да го стават под контрола. Најпопуларната историска атракција во Париз и Франција, која е посетена од 13 милиони луѓе годишно, е само уште еден потсетник за она што е изградено пред повеќе од 800 години.
Главниот пожарникар Жан-Клод Галет вели дека пожарот започнал на таванот на катедралата. Дрвени греди ја сочинуваа целата внатрешна контрукција, на кои се држеше и покривот. Овие греди се веројатно причината зошто пожарот беше толку разорен и зошто на пожарникарите им требаа околу девет часа за да го изгаснат. Целиот покрив беше во пламен и не беше можно да се гасне од воздух бидејќи се сметало дека „водени бомби” целосно би можеле да ја урнат катедралата.
Поголемиот дел од покривот е уништен, но двете предни кули се зачувани. Се урна централната кула, а по неа огнот проголта и уште една.
За среќа, дел од уметничкото богатство претходно е изнесено поради реставрацијата на Нотр Дам и е спасено. На пример, минатата недела 16 бакарни статуи биле изнесени од катедралата.
Во катедралата се чувал и еден од најпознатите верски артефакти – круна од трње, која храбрите пожарникари успеале да ја спасат од огнот. И покрај густиот чад, тие сè уште ги извлекуваат од внатрешноста религиозните артефакти и уметнички дела од непроценливо значење. Олтарот и крстот останале недопрени од огнот.
Причината за пожарот не е позната. Прелиминарната истрага откри дека пожарот избувнал случајно и дека не е подметнат.
Нотр Дам со години „плаче” за реставрација бидејќи делови веќе беа уништени од забот на времето, а пожарот само го доуништи тоа што беше останато. Реновирањето на најпознатата готска зграда во светот ќе чини околу 180 милиони долари.
Во своите 850 години постоење катедралата поминала низ бројни предизвици. Французите почнале да ја градат во 1163 година и била завршена во 1345 година. Била оштетена и занемарена за време на Француската револуција, а романот на Виктор Иго, „Sвонарот на Богоричната црква” во 1831 година, укажа на нејзината страшна состојба. Поради таа книга, Нотр Дам доби нов изглед. Реновирањето траеше 20 години, од 1844 до 1864 година.
Покрај тоа што е скапоцен камен на готската архитектура, Нотр Дам е од суштинско значење за историјата на Франција и на Европа. Во неа Хенри VI бил крунисан за француски крал во 1431 година. Наполеон Бонапарта во неа бил прогласен за цар во 1804 година. Ивана Орлеанска била беатифицирана во 1909 година.
„Тажен сум, гори еден дел од нас. Ова е трагедија за целиот народ” – рече францускиот претседател, Емануел Макрон, додека со своите сограѓани синоќа гледаше како се уништува еден вреден дел од историјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Исповед на болничар од Газа: Ние ги носиме нашите ковчези со нас
Скај њуз помина неколку дена на терен со службите за итни случаи кои оперираат од болницата Шифа во Газа. Велат дека во војна во која веќе не се поштедени ниту медицинските лица, секоја смена може да им биде последна.
Во Газа, борбената линија не е само местото каде што паѓаат бомбите – туку и местото каде што пристигнуваат амбулантите.
Кога израелски воздушен напад го погоди преполниот пазар во градот Газа, луѓето чекаа во редици за брашно.Неколку минути подоцна, лекарите собирале делови од тела.
Скај њуз помина неколку дена снимајќи со итните служби стационирани во болницата Шифа, најголемиот медицински комплекс во Газа, кој и самиот беше цел на повеќекратни напади.
Останаа многу малку болничари, а уште помалку амбулантни возила. Гориво речиси и да нема. Опремата е основна. Тие работат во еден од најопасните делови на светот, каде што веќе не се поштедени ниту медицинските лица.
„Нема безбедност“, вели Хамдала Али Дахер, болничар од бегалскиот камп Џабалија во северна Газа.
„Кога ќе пристигнеме на местото на ударот, беспилотните летала сè уште се над нас. Тие го гаѓаа мојот колега додека тој беше во возилото. Можете само да одите по патот да бидете погодени“.
Опасноста е постојана. Дахер опишува како работат со беспилотни летала што зујат, честопати пристигнувајќи на места каде што сè уште извира чад од урнатините.
„Излегуваме знаејќи дека го ризикуваме животот и екстремитетите“, вели тој. „Ние ги носиме нашите ковчези со нас“.
Еден од неговите колеги, Ала ал-Хадиди, бил убиен во напад со беспилотно летало минатиот декември. Неговите колеги го погребале.
Израел го обвинува Хамас дека користи амбулантни возила за да се движи низ Газа под закрила.
Ваел Елејва, друг болничар, работел цело време – повеќе од 600 дена од војната.
„Децата најмногу не погодуваат“, вели тој. „По интервенцијата, ранетите деца почнувате да ги замислувате како свои роднини. Тие слики остануваат во вас и се мешаат во вашата глава“.
„Некои од нас мораа да ги извлечат членовите на сопственото семејство од урнатините.
Регион
Вучиќ и Путин разговарале по обвинувањата дека Србија ја снабдува Украина со оружје
Коментирајќи ги обвинувањата од Русија дека српските воени компании ги снабдуваат Украинците, српскиот претседател Александар Вучиќ рече дека за ова прашање разговарал приватно со рускиот претседател Владимир Путин. Тој додаде дека е формирана комисија која ќе ја испита вистинитоста на тие обвинувања.
„Не би ги открил деталите од разговорот со Путин. Формиравме работна група заедно со нашите руски партнери за да ги утврдиме фактите“, посочи тој. Вучиќ тврди дека е точно дека има договор со Чешка, но наведува дека не се издадени дозволи и дека не се испорачани ракети.
„Русите имаат добра поговорка: Колку повеќе се чеша и колку повеќе се мие, враната е се’ поцрна. Така е и тука, кога си независна земја, сите те напаѓаат“, предупреди тој. Се пожали дека претходно бил нападнат поради наводен извоз на оружје во Русија.
„Нашите фабрики мора да живеат и работат“, нагласи тој. Праша каде Србија да го извезува оружјето ако не може во Африка, САД, Азија, Русија и Европа.
„Од друга страна, тоа го научив политички“, рече тој, додавајќи дека оние кои велеле дека е руски шпион сега велат дека работи за други.
„Ние сме независна земја која е на европскиот пат, но која имаше храброст да го испрати својот највисок претставник на парадата во Москва и да се спротивстави на ужасниот притисок“, нагласи тој. Смета дека е важно сите да ја почитуваат Србија.
Свет
Франција го забрани пушењето околу сите образовни установи, плажи, паркови, автобуски постојки
Француската влада соопшти дека од 1 јули ќе биде забрането пушењето на отворени јавни места каде што може да се наоѓаат деца, како што се плажи, паркови, околу училишта, автобуски постојки и спортски објекти.
„Каде што има деца, тутунот мора да исчезне“, рече министерката за здравство и семејни прашања Кетрин Вотрин во интервју за регионалниот весник Ouest-France.
Таа изјави дека казната за непочитување на забраната ќе биде 135 евра и посочи дека „слободата за пушење завршува таму каде што почнува правото на децата да дишат чист воздух“.
Освен за градинките и основните училишта, забраната ќе важи и за средните и високите училишта, особено со цел учениците да не пушат пред нивните училишта.
Сепак, забраната нема да ги опфати кафулињата, ниту електронските цигари.
Министерката за здравство изрази желба да се намали „дозволеното ниво на никотин“ во електронските цигари и да се ограничи опсегот на вкусови.
„Потребен ми е научен и технички совет за да се утврдат деталите“ на тие мерки, кои треба да стапат во сила „до крајот на првата половина на 2026 година“, рече министерката.
Широкото воведување простори без чад, како што најави министерот Вотен, е една од мерките наведени во Националната програма за контрола на тутунот 2023-2027 година со цел да се создаде „генерација на непушачи“ до 2032 година.
Според истражувањето спроведено од Лигата против ракот, 62 отсто од Французите се за поширока забрана за пушење на јавни места.
Се проценува дека пушењето предизвикува 75.000 смртни случаи годишно во Франција.
Муцунски од Вашингтон: Постигнат конкретен напредок во преговорите за намалување на тарифите
За време на работната посета на Вашингтон, министерот за надворешни работи и надворешна трговија, Тимчо Муцунски, оствари средба со Џејмисон...
Од гениј до разочарување: Како пропадна сојузот меѓу Трамп и Маск
Илон Маск влезе на политичката сцена како помошник на претседателот на САД, Доналд Трамп, држејќи моторна пила в рака, потсетува...
Ќе се вработуваат 400 пожарникари за превенција од шумските пожари во летниот период
За справување со пожарите во летниот период, Владата со Оперативниот план за 2025 година предвидува вработување на 400 пожарникари. Со...
Група инжинери со претстaвка до РКЕ: „Граѓаните да имаат реални сметки за струја базирани на реално мерење“
Новиот Закон за енергетика, јасно ја уредува обврската за мерење и фактурирање на електричната енергија според реална потрошувачка, но со...
Нов пресврт, царините на Трамп остануваат во сила
Царините што ги воведе администрацијата на Доналд Трамп, а кои претходно оваа недела беа укинати од Трговскиот суд на САД,...
Мицкоски ќе се сретне со Орбан во Будимпешта
Премиерот Христијан Мицкоски в петок ќе присуствува на CPAC конференција во Будимпешта, Република Унгарија, соопшти владината прес-служба. Мицкоски во рамки...
Сојузниците од НАТО треба да трошат по 5 отсто од БДП за одбраната, му рекол Рубио на Муцунски
Државниот секретар на САД, Марко Рубио на средбата со шефот на македонската дипломатија, Тимчо Муцунски, нагласил дека е неопходно сојузниците во...
Од 1 јуни ќе има венчавки во „Порта Македонија“
Постигнат е договор за користење на свечената сала во објектот Порта Македонија, со цел организирање на церемонии на венчавање и...
Пет месеци откако исчезна, Миле Тодоров виден кај планината Серта
Дваесет и осумгодишниот Миле Тодоров кој се води за исчезнат од јануари, наводно бил забележан додека се движел покрај планината...
Арсовска да не дозволи да биде инструментализирана од структурите на ДУИ: Ганиу до градоначалничката на Град Скопје
Градоначалникот на Општина Чаир, Висар Ганиу, на денешната прес-конференција упати предупредување за загрижувачката состојба со управувањето на отпадот и јавните...
Директорот на АНБ не направил лажна исправа: Обвинителството ја отфрли пријавата за фалсификување
По целосно спроведена постапка и извршени проверки, јавен обвинител од Основното јавно обвинителство Скопје донесе Решение за отфрлање на анонимните...
Мицкоски: Да изгласаме закон за една изборна единица, но да ги вклучиме и граѓаните од дијаспората
Премиерот Христијан Мицкоски на денешната собраниска седница за поставување на пратенички прашања, ги повика пратениците од опозицијата да ги поддржат...
Службеници во болница во Прилеп проневериле над 2,2 милиони денари – парите од партиципација си ги ставале в џеб
Управата за финансиска полиција до Основното јавно обвинителство Прилеп поднесе кривична пријава против И. М. и С.Ч. во својство на...
Пандов повика судењето за пожарот во Кочани да биде во европската судница во Идризово од 1,3 милиони евра: Три години е празна
Директорот на Управата за извршување санкции Александар Пандов денес апелираше судиите да закажуваат судења во новата судница во Идризово. Тој...
Вградени првите пенилни протези на Клиниката за урологија: „Историски чекор во македонското здравство“
Клиниката за урологија во Скопје испиша ново поглавје во македонската медицинска историја. За првпат, во државното здравство, беа извршени три...
Трајко Славески избран за нов гувернер на Народна банка
Трајко Славески е избран за нов гувернер на Народна банка. Собранието доцна синоќа гласаше за неговиот избор. Тој доби поддршка...
(Видео) Данела Арсовска: Висар Ганиу истурал ѓубре пред Град Скопје, кога му реков дека доаѓам „џом“ да го нема
Градоначалничката на Град Скопје, Данела Арсовска, доцна синоќа пред Град Скопје, се вклучи во живо на социјалните мрежи и објави...
ВМРО-ДПМНЕ ги соопшти имињата на 25 кандидати за градоначалници, повеќето ќе се борат за нов мандат
Извршниот комитет на ВМРО-ДПМНЕ утврди 25 кандидати за градоначалници. За Град Скопје се’ уште не е донесена одлуката. Се работи...
(Видео) Се бара донација од пченка и јаболка оти мечки се доближуваат до селата околу Шар Планина
Националниот парк „Шар Планина“ повика на донации во форма на домашна пченка и јаболка, бидејќи се забележани повеќе случаи во...
Неопходно е да се додаде по уште една лента на експресниот пат Штип – Кочани, експертите ценат дека има и технички недостатоци
Денеска во Кочани претставници од Одделот за сообраќај на Министерството за внатрешни работи присуствуваа на експертскиот панел „Безбедносните ризици на...
