Францускиот претседател Емануел Макрон денес го предупреди Брисел против финализирање на договорот за слободна трговија со јужноамериканските земји поради противењето од француската влада и земјоделците.

„Доколку европските власти имаат намера да го наметнат, Франција ќе се спротивстави многу силно“, рече Макрон на состанокот на кабинетот во Париз, според портпаролката на владата Мод Брежон.

Владата јасно стави до знаење во текот на викендот дека не сака земјите од ЕУ наскоро да гласаат за договорот со земјите од Меркосур, кој го сочинуваат Бразил, Аргентина, Уругвај и Парагвај. Протестите на земјоделците против договорот од Меркосур и справувањето на владата со епидемијата на добиток се шират во Франција.

Со околу 19 милиони животни, Франција е најголемиот производител на говедско месо во Европа.

„Доколку договорот со Меркосур се потпише на крајот од неделата, тоа природно би довело до многу посилни протести“, изјави Арно Русо, претседател на чадор организацијата на француските земјоделски здруженија (FNSEA), за телевизијата Франс Интер.

Европската унија и Меркосур постигнаа политички договор пред една година за договор за слободна трговија, кој е во процес на преговори веќе 25 години.

Евентуалното отворање на пазарот на ЕУ за производите на Меркосур наиде на отпор во Европа, првенствено во земјоделскиот сектор, а во октомври Европската комисија предложи заштитни мерки за европските земјоделци кои треба да ги решат нивните загрижености и противење на трговскиот договор.

фото/депозитфотос

Претседателот на Русија, Владимир Путин, денеска изјави дека Русија ќе ги постигне своите цели во Украина со дипломатски или воени средства и дека ќе се стреми да ја прошири безбедносната тампон-зона во таа земја.

„Прво, целите на специјалната воена операција несомнено ќе бидат постигнати. Ние би претпочитале да го решиме ова, како и основните причини за конфликтот, преку дипломатија“, рече Путин.

„Доколку спротивставената страна и нејзините странски спонзори одбијат да учествуваат во важни дискусии, Русија ќе постигне ослободување на својата историска територија со воени средства. Задачата за создавање и проширување на безбедносната тампон-зона исто така ќе биде доследно разгледувана“, рече тој.

Од украинските региони што ги смета за своја територија, Русија моментално ги контролира Крим, околу 90% од регионот Донбас и 75% од Херсон и Запорожје. Покрај тоа, Русија држи дел од територијата во соседните региони Харков, Суми, Днепропетровск и Николаев.

Путин рече дека Европејците се индоктринираат со страв од војна со Русија и ги обвини европските лидери за поттикнување хистерија.

„Постојано повторував: ова е лага, глупост, чиста глупост за некоја имагинарна руска закана за европските земји. Но, ова секако се прави намерно“, рече тој.

Путин нагласи дека Русија не се стреми да влезе во војна со Европа, но е подготвена за војна ако Европа го сака тоа.

Путин тврдеше дека претходната американска администрација „намерно ја насочила ситуацијата кон вооружен конфликт“, додавајќи дека Вашингтон верувал дека Русија може да биде ослабена или дури и уништена за краток временски период.

Потоа тој остро ги критикуваше европските лидери, обвинувајќи ги дека се приклучиле на администрацијата на Џо Бајден.

„Европските масли свињи (оригинално little pigs) веднаш се приклучија на бизнисот на претходната американска администрација, надевајќи се дека ќе профитираат од колапсот на нашата земја, ќе вратат нешто што е изгубено во претходните историски периоди и ќе се одмаздат“, рече Путин.

„Во Европа нема цивилизација, има само деградација“, рече Путин.

Фото/депозитфотос

Француското Министерство за внатрешни работи беше цел на голем сајбер напад што траеше неколку дена, за време на кој беа компромитирани е-пошта сметките на вработените и беше пристапено до чувствителни полициски досиеја. Информацијата денес ја потврди министерот за внатрешни работи Лоран Нуњез, објави „Euronews“.

Во интервју за „Franceinfo“, министерот Нуњез рече: „Пред неколку дена бевме цел на злонамерен упад“. Тој нагласи дека е во тек судска истрага „со цел многу брзо да се пронајде сторителот“.

Според него, напаѓачите успеале да пристапат до „одредени професионални е-поштенски сандачиња“ и на тој начин да добијат пристапни кодови. Ова им овозможило да консултираат голем број важни полициски бази на податоци, вклучувајќи го Системот за обработка на кривични евиденции (TAJ) и Регистарот на барани лица (FPR).

Обемот на штетата е сè уште непознат
Иако нападот е потврден, точниот обем на штетата е сè уште нејасен. „Сè уште не го знаеме обемот на компромитирањето. До денес, можеби неколку десетици датотеки се отстранети од системот“, рече Нуњез.

Тој додаде дека „апсолутно не може да каже дали тоа ќе ги компромитира истрагите или не“, но инсистираше дека инцидентот „не ги загрозува животите на нашите сограѓани“. Министерството, кое вработува речиси 300.000 луѓе, не добило никакви барања за откуп.

Нуњез одоговорноста ја препиша на „небрежноста“ од страна на поединци во министерството, и покрај редовните предупредувања за безбедносните процедури.

Доволно е неколку поединци да не ги почитуваат овие правила“, рече тој.

Фото: депозитфотос