Свет
Тројца алпинисти загинаа во лавина во Канада

Канадските власти веруваат дека тројца професионални алпинисти загинале за време на лавината во канадските Скалести Планини, пишува Би-би-си.
Тројцата алпинисти се обидувале да се искачат на планината Хаус Пик, но не се вратиле навреме во базата. Во списанија за планинарење се наведува дека тоа се познатите професионални алпинисти, Американацот Џес Роскли и Австријците Дејвид Лама и Хансјерг Ауер.
So sad to hear the accident of Hansjörg Auer, David Lama and Jess Roskelle. 3 of the most cutting edge alpinist of the last years ? https://t.co/oXhebg244Y
— kilian jornet (@kilianj) April 18, 2019
Вработените во националниот парк со хеликоптер ја прелетале областа во која алпинистите се искачиле и истакнаа дека забележале „докази од лавина и остатоци од опрема за качување”.
Спасувачите сé уште не можат да дојдат до местото на несреќата поради тешките временски услови и можноста за дополнителни лавини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Русија гранатираше болница во Украина, спасувачките служби ги евакуираат пациентите

Руски напад врз болница во североисточниот украински регион Суми принуди евакуација на 147 пациенти, вклучително и девет лица со ограничена подвижност, соопштија украинските власти.
Снимките објавени од Државната служба за итни случаи на Украина во Суми покажуваат оштетена медицинска установа и моментот кога пациентите се евакуирани од погодената зграда. Спасувачките екипи брзо реагираа и го изгаснаа пожарот што избувна по нападот.
Во експлозијата е оштетен и блискиот детски медицински центар, но нема повредени. Во меѓувреме, Русија објави дека нејзините сили ја презеле контролата врз четири населени места во регионот Курск, додека Москва продолжува да се обидува да ги потисне украинските трупи кои држат значителен дел од територијата во регионот по упадот во август минатата година.
Украинските власти претходно објавија дека борбите во регионот Курск сè уште траат, особено во Суџа и околните области.
Европа
Европа е загрижена: „Путин знае многу добро да ја игра оваа игра, не треба да се потценува“

Додека американскиот претседател Доналд Трамп преговара за прекин на огнот со Русија, највисоките европски претставници собрани на безбедносна конференција на другата страна на светот предупредуваат дека Владимир Путин всушност не е заинтересиран за вистински мировен договор, пишува „Политико“
„Нема ниту најмала индикација дека Русија сака мир“, рече Баиба Браже, министер за надворешни работи на Латвија.
„Со апсолутна сигурност оценуваме дека Русија не сменила ниту една своја цел, дека Путин сè уште ја сака цела Украина, целосна доминација“, изјави Џонатан Всевиов, генерален секретар на естонското Министерство за надворешни работи.
Овие предупредувања ја нагласуваат длабоката загриженост во Европа за тоа колку далеку Трамп всушност може да оди во постигнувањето одржлив мировен договор со Путин.
По повикот меѓу Трамп и Путин, Белата куќа објави дека двете страни се согласиле дека „движењето за мир“ ќе започне со прекин на нападите во енергетскиот и инфраструктурниот сектор. Сепак, немаше договор за 30-дневен прекин на огнот. Неколку часа подоцна, во Украина, руското бомбардирање на енергетската инфраструктура продолжува, негирајќи ги ветувањата на Путин дека ќе ги запре таквите напади.
Right now, in many regions, you can literally hear what Russia truly needs. Around 40 "Shahed" drones are in our skies, and air defense is active.
Unfortunately, there have been hits, specifically on civilian infrastructure. A direct hit by a "Shahed" drone on a hospital in… pic.twitter.com/TKTeB9gaZy
— Volodymyr Zelenskyy / Володимир Зеленський (@ZelenskyyUa) March 18, 2025
„Во моментов, во многу региони, буквално може да слушнете што всушност и треба на Русија. Околу 40 беспилотни летала „Шахед“ се на нашето небо, а воздушната одбрана е активна“, напиша украинскиот претседател Володимир Зеленски на „Икс“.
Во руската изјава по разговорите со Трамп, Путин побара прекин на мобилизацијата во Украина и прекин на вооружувањето на украинските сили, повикувајќи на „целосен прекин на странската воена помош и размена на разузнавачки информации“.
Браже и Всевиов беа меѓу десетиците високи европски функционери и дипломати кои се собраа на големата конференција за безбедност и развој во Индија оваа недела, каде што руско-украинската војна доминираше на агендата. Индија одржува блиски врски и со Украина и со Русија, што и дава големо влијание како посредник меѓу ривалските сили.
На конференцијата во Њу Делхи, европските лидери предупредија дека лошо преговараниот мировен договор може да има негативни последици. „Сега е време да се обезбеди долготраен и фер договор кој нема да дозволи Русија да стане уште посилна и повторно да нападне“, изјави шведската министерка за надворешни работи Марија Малмер Стенергард.
И НАТО и руските претставници присуствуваа на конференцијата, иако тие не се сретнаа јавно и не зборуваа заедно на сцената на конференцијата.
Едно од стравувањата на европските функционери е дека Русија може да се обиде да постави прекумерни барања до Украина и нејзините западни сојузници само за да започне сериозни преговори.
„Има одредена претпазливост дека ќе се направат премногу отстапки за да се доведат Русите на преговарачка маса“, изјави норвешкиот министер за надворешни работи Еспен Барт Еиде. „И, се разбира, тие знаат многу добро да ја играат оваа игра и ќе земат се што ќе им се понуди. И тогаш нема да има повеќе достигнувања, бидејќи тие го земаат она што го добиваат“.
„Путин тоа го прави со децении. Затоа не треба да се потценува“, рече Всевиов. „Тој е многу добар во манипулирање со јавното мислење и западните лидери. Затоа треба да бидеме многу, многу внимателни кога работиме со луѓе како Путин“, додаде Всевиов. „И, се разбира, тој е обучен човек од КГБ“.
Интересно е што никој од европските функционери директно не го критикуваше Трамп за обидот да преговара со Путин. Некои европски функционери го пофалија американскиот претседател, и покрај тензиите што тој ги предизвика во трансатлантските односи, откако ги критикуваше сојузниците во НАТО, зборувајќи за анексија на Гренланд и Канада и жестоката средба на Овалната соба со Зеленски што го шокираше светот.
Свет
Хамас: Не ја затворивме вратата за преговори

Официјален претставник на Хамас Тахер ал-Ноно изјави дека групата не ја затворила вратата за преговори и покрај континуираното израелско бомбардирање на Појасот Газа.
„Хамас не ја затвори вратата за преговори, но ние инсистираме дека нема потреба од нови договори“, рече Ал-Ноно, пренесе Ал Џезира.
Тој нагласи дека веќе има потпишан договор со меѓународни гаранции, како и резолуција на Советот за безбедност на ОН.
„Ние одговоривме позитивно на сите напори насочени кон нас. Израелскиот премиер Бенјамин Нетанјаху е тој што го напушти договорот и го игнорираше. Затоа притисокот треба да биде врз Нетанјаху, а не врз Хамас или палестинскиот отпор“, рече тој.
Тој оцени и дека израелските сили „немаат оправдување за своите постапки, ниту сега, ниту во минатото“.
„Тие продолжуваат да го кршат договорот што го потпишаа“, заклучува Ал-Ноно, пренесува Танјуг.