Свет
Трамп вели дека Русија не влијаела на претседателските избори во 2016 година
Американскиот претседател, Доналд Трамп, изјави во четвртокот дека Русија не влијаела на претседателските избори во 2016 година во САД.
„Сè што Русите направиле во врска со изборите во 2016 година било направено додека Обама беше претседател, за што му било кажано и тој не сторил ништо! Најважно од сè, гласањето не беше засегнато”, напиша Трамп на Твитер.
ФБИ и разузнавачките комисии на американскиот Сенат и Претставничкиот дом се справуваат со истрагата за наводното мешање на Русија во 2016 американските претседателски избори.
Во мај 2017 година американското Министерство за правда објави дека поранешниот шеф на ФБИ, Роберт Милер, е назначен за специјален советник за истрага за наводно мешање на Русија, кусо откако Трамп го отпушти Џејмс Коми од функцијата шеф на ФБИ.
Според „Вашингтон пост“, Милер ги користел документите собрани од Коми во својата истрага.
Извештајот на американскиот јавен обвинител Вилијам Бур, објавен на 24 март, потврди дека немало дослух меѓу претседателската кампања на Доналд Трамп и Москва. Сепак, документот тврди дека Русија се обидела да влијае на исходот од претседателските избори преку сајбер-напади, како и преку активностите на Руската агенција за истражување на интернет.
Трамп и клучните членови на неговиот тим постојано ги отфрлаат сите обвиненија во врска со каков било заговор помеѓу кампањата Трамп и Русија. Москва исто така ги демантира овие наводи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нови детали за трагедијата во Иран: технички дефект е причина за падот на хеликоптерот, јавуваат иранските медиуми
Причината за падот на хеликоптерот во кој се наоѓаше иранскиот претседател Ебрахим Раиси е технички дефект на леталото, јавува иранската агенција ИРНА.
„Раиси загина во неделата како последица на хеликоптерска несреќа што се случи поради технички дефект на леталото“, се наведува во извештајот на иранската државна новинска агенција.
ИРНА не ја прецизираше природата на дефектот на хеликоптерот, објави ТАСС.
Екипите за пасување со часови ја пребаруваа нерамната површина од густа шума низ дожд и магла пред да го пронајдат местото на несреќата. Немаше преживеани.
Хеликоптерот со претседателот Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Свет
Хелокоптерот во кој загина иранскиот претседател не емитувал никаков сигнал
Хеликоптерот што се урна додека ги превезуваше претседателот и министерот за надворешни работи на Иран немал вкучено сигнален систем или не поседувал, изјави турскиот министер за транспорт Абдулкадир Уралоглу.
Уралоглу им рече на новинарите дека провериле дали има сигнали од хеликоптерот откако слушнале дека се урнал.
„Но, за жал, мислиме дека најверојатно сигналниот систем бил исклучен или хеликоптерот го немал тој сигнален систем бидејќи ние сигурно ќе ги видиме тие сигнали, но немаше“, рече тој.