Свет
Прекумерната работа главна причина за смрт на јапонските работници
Човек кој работел на проект за јапонската космичка агенција извршил самоубиство поради голем стрес, соопштија јапонски официјални претставници.
Јукинобу Сато (31), кој работел на сателитски проект, бил под големо оптоварување бидејќи му биле доделени недостижни цели, поради кои неплатено работел 70 часа.
Сато, поради акумулираниот стрес, предизвикан од прекумерната работа, извршил самоубиство во 2016 година.
Адвокатот кој го претставува семејството на Сато вели дека тој работел на смени од по 16 часа.
Властите потврдија дека „кароши“ (како што се нарекува смртта од прекумерна работа) е признаена како причина за смртта, објави Би-би-си повикувајќи се на весникот „Асаши Шимбун“.
Работодавецот на Сато соопшти дека ќе преземе мерки со цел во иднина да се спречат ваквите инциденти.
Јапонија воведе закон со кој се обидува да ја спречи вкоренетата навика работното време да трае подолго од пропишаното.
Според извештајот на агенцијата „Кјодо“, законот кој стапи на сила оваа недела ја ограничува прекувремената работа на 45 часа месечно или 360 часа годишно.
Компаниите кои ги прекршуваат правилата ќе бидат казнети со парична казна до 300 000 јени (малку повеќе од две илјади евра).
Се проценува дека околу 200 смртни случаи од 2017 година во Јапонија се поврзани со прекумерна работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.