Свет
Султанот од Брунеи ја одложи смртната казна за хомосексуалците
Султанот од Брунеи, Хасанал Болкија, го продолжи мораториумот за смртна казна за хомосексуалците и за оние што ќе извршат прељуба во обид ги ублажи негативните реакции што се појавија во јавноста, а кои ги предводат познати личности, како Џорџ Клуни и Елтон Џон.
Оваа мала држава во Југоисточна Азија предизвика глобална осуда кога на 3 април објави свое толкување на шеријатските закони, според кое, содомија, прељуба и силување, ќе се казнуваат со смртна казна со каменување, а ќе се отсекуваат рацете за кражба.
Во Брунеи за некои кривични дела веќе е воведена смртна казна. Се работи за убиство со умисла и за шверцување наркотици, но од 1990 година немало егзекуции.
Министерството за надворешни работи на Брунеи претходно тврдеше дека воведувањето на шеријатските закони има цел да превенира, а не да казнува, по острите критики од светот поради воведувањето на строгите исламски закони.
Според новите закони, прељубата и сексот помеѓу двајца мажи се казнува со каменување до смрт. Брунеи соопшти дека во рамките на законот ќе има висок праг за докази, што укажува дека казната ќе биде ретка.
На 3 април на Брунеи стапи во сила закон според кој лицата фатени во хомосексуална врска или прељуба ќе бидат каменувани до смрт. Брунеи веќе 52 години е управуван од султанот Хасанал Болкија, кој е еден од најбогатите луѓе во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.