Свет
Шест лица загинаа во пожар во Харлем
Пожарникарската служба на Њујорк соопшти дека шест лица, вклучувајќи и четири деца, загинаа денес во пожар во станбена зграда во Харлем.
Комесарот на пожарникарите, Даниел Нигро, изјави дека пожарната служба примила повик во 1.40 часот по локално време од лице што се наоѓало карши седумкатната зграда, соопшти АП.
Според зборовите на Нигро, пожарникарите одговорија во рок од три минути на огнот што го зафати петтиот кат.
Тој рече дека пожарникарите почнале да го гаснат огнот, а кога стигнале до двете спални соби, пронашле тела на двајца возрасни и четири деца, кои биле на возраст од три до 11 години.
Се претпоставува дека сите се членови на едно семејство.
Нигро рече дека речиси 100 пожарникари учествувале во гаснење на пожарот и дека им било потребно повеќе од еден час за да го стават пожарот под контрола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.