Владата на Венецуела, денеска, низ целата земја ќе подели плакати, кои личат на налози за апсење, против седум поранешни претседатели на земји од Латинска Америка, кои најавија дека ќе го поддржат опозицискиот лидер Едмунд Гонзалес во неговата намера утре да положи претседателска заклетва.

Официјални лица им наредиле на вооружените сили и на полицијата да дистрибуираат постери на сите улици, пристаништа и аеродроми против поранешните претседатели Андрес Пастрана (Колумбија), Марија Абдо Бенитез (Парагвај), Висенте Фокс и Фелипе Калдерон (Мексико), Миреја Москосо и Ернесто Перез Баладарез (Панама), како и Хамил Махуад (Еквадор), пренесува шпански „Ел паис“.

Во вторникот тие, заедно со поранешните претседатели на Боливија и Костарика, Хорхе Кирога и Лаура Чинчила, беа прогласени за персона нон грата во Венецуела и им беше забранет влезот во земјата.

Рускиот претседател Владимир Путин, според руските граѓани, е политичарот со највисок рејтинг во 2024 година во Русија, покажа истражувањето на Серускиот центар за проучување на јавното мислење (ВТСИОМ).

„Половина од руските граѓани (50 проценти) го избраа Владимир Путин за нивен политичар за 2024 година. Рускиот претседател постојано го зазема првото место на ова рангирање од почетокот на мерењата во 2006 година – во декемвриските анкети тој беше споменуван во просек од половина од Русите“, велат истражувачите, пренесува „Известија“.

Второто место му припадна на рускиот премиер Михаил Мишустин (18 отсто), а третото на министерот за надворешни работи, Сергеј Лавров (14 отсто).

Пожари го зафатија Лос Анџелес, а многумина ги загубија своите домови, меѓу кои и холивудските актери. Еден од нив е 76-годишниот актер Били Кристал, чиј дом вреден повеќе од 9 милиони долари, во кој живее од 1979 година, го зафати пожар.

Кристал и неговата сопруга Џенис потврдија за Си-ен-ен дека останале без покрив над главата во Пацифик Палисадес, елитен дел од Лос Анџелес, кој гори. Актерот и неговата сопруга живеат во куќата 46 години, а во изјавата го изразуваат своето жалење за загубата на домот, но и загриженоста за пожарот, кој уништува сѐ што ќе му се најде на патот.

„Нашите срца се скршени“

„Зборовите не може да го опишат огромниот пустош на кој сме сведоци и што го доживуваме. Жалиме со нашите пријатели и соседи, кои исто така ги загубија своите домови и бизниси во оваа трагедија. Џенис и јас живееме во нашиот дом од 1979 година. Ги одгледавме нашите деца и внуците овде“.

„Секоја педа од нашата куќа беше исполнета со љубов. Нашите срца се скршени, се разбира, но со љубовта на нашите деца и пријателите ќе поминеме преку ова. Се молиме за безбедноста на пожарникарите и одговорните за итни случаи. Пацифик Палисадес е отпорна заедница на неверојатни луѓе и знаеме дека со текот на времето повторно ќе се издигне нашиот дом“, рече тој.

Неговиот дом се простира на 6.793 квадратни метри, имаше четири спални соби и шест бањи, а вредноста на куќата беше проценета на 9,19 милиони долари.