Свет
Американците осудија Русин кој на интернет купил упатство за управување со авион Ф-16
Американски суд осуди Русин за заговор против САД, бидејќи на платформата за онлајн купување „eBay“ порачал инструкции за користење борбен авион Ф-16. Олег Тишченко тврди дека упатството и другите документи ги купил за да направи реалистичен симулатор.
Тишченко во 2011 година го пребарувал „eBay“ со цел да купи упатство за користење на Ф-16А/Б. Меѓутоа, документите не можеле да му бидат доставени во Русија, бидејќи продавачот не нудел можност за испраќање во странство, пишува „Раша тудеј“.
Затоа, Русинот побарал помош на интернет-форум посветен на играта Digital Combat Simulator (DCS). Еден член на форумот кој живеел во Тексас се согласил да ја прифати нарачката и потоа документите да му ги препрати во Москва, па Тишченко ги добил инструкциите за управување малку подоцна истата година.
Иако испраќачот тврди дека не видел оти материјалот е означенен како доверлива содржина односно дека тој бил сигурен оти документите се застарени, испраќањето на ваквите документи претставува прекршување на законот за извоз на оружје, бидејќи инструкциите за борбени системи се наведени на листата за американска муниција и потребна е дозвола за извоз во странство.
Тишченко беше обвинет во 2016 година, но беше уапсен дури годинава, кога отпатувал за Грузија, земја која го екстрадирала во САД. Тој е обвинет за заговор против САД и за криумчарење и кршење на Законот за контрола на извозот на оружје.
Руската амбасада во Вашингтон сугерираше дека можеби станува збор за местенка од страна на американските власти.
Во рамки на истрагата е утврдено дека Тишченко собирал упатства за неколку авиони, односно дека документите поврзани со борбениот авион Ф-16А ги продавал и на купувачи од Кипар, Јапонија, Холандија, Австралија, Германија и Тајван во периодот меѓу 2012 и 2015 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Со возило удрил во куќа, па почнал да напаѓа луѓе со меч во Лондон, има повредени
Неколку лица, меѓу кои и двајца полицајци, се повредени во нападот што се случи во североисточен Лондон во близина на фреквентна станица на метрото.
Како што објави SkyNews, маж кој носел меч најпрво удрил со своето возило во куќа, а потоа со мечот ги повредил минувачите и полицајците кои се обиделе да го задржат.
Се се случило околу 7 часот утринава, а на терен се голем број полицајци.
Метро станицата Хаинолт веднаш била затворена, пренесува Телеграф.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Свет
Русија загуби стратешки важен остров
Украина во неделата објави дека ја вратила контролата врз тактички важниот остров Нестрих. Капетанот Дмитро Плетенчук, портпарол на Јужната оперативна команда на украинските вооружени сили, изјави за украинската радио станица Хромадске Радио дека контролата на островот во реката Днепар во регионот Херсон значително ќе ги зголеми контрадиверзантските мерки на Киев.
Откако рускиот претседател Владимир Путин започна инвазија на Украина во февруари 2022 година, неговите сили брзо зазедоа големи делови од Херсон. Сепак, Украина започна контраофанзива во регионот подоцна истата година во која нејзината армија го ослободи северен Херсон на десниот брег на Днепар. Оттогаш, украинските сили започнаа редовни напади преку реката, вклучително и воспоставување на повеќе мостови на источниот брег во есента 2023 година.
Плетенчук изјави за радио Хромадске дека островот Нестриха, кој се наоѓа на околу 20 километри југозападно од градот Херсон, има „тактичко значење“. Тој додаде дека „битни се сите локации кои го спречуваат непријателот да се приближи до позициите“.
„Со оглед на тоа што непријателот вообичаено користи слични локации (всушност има многу такви острови на реката Днепар) за да се доближи и да постави минофрлачи, тогаш ова е првенствено важно за квалитетот на антидиверзантските мерки“, рече Плетенчук. „Значи, да, ова место е исчистено од непријателско присуство.