Забава
Ди Каприо го видел Ривер Феникс на денот на смртта
Американскиот актер и музичар Ривер Феникс почина на 21 октомври 1993 година, на возраст од 24 години. Пред клубот „The Viper Room” почнал да се грчи и да повраќа.
„Ве молам дојдете веднаш! Дојдете итно! Мојот брат се грчи на тротоарот! Не знам, мислам дека земал валиум или нешто! Дојдете веднаш, ве молам – извика Јоакин Феникс (44), брат на Ривер.
Еден од последните луѓе во Холивуд што го видел Ривер жив е актерот Леонардо ди Каприо (44), според „Пипл“. Додека зборувал за филмот со Бред Пит (55) и Квентин Тарантино (56), Леонардо се присетил на најтажните моменти со кои се сретнал во филмската индустрија.
„Јас пораснав со Ривер Феникс, кој беше голем актер на мојата генерација и единственото нешто што некогаш сакав е да имам можност да се ракувам со него. Една ноќ на забавата го видов како се качува по скалите. Никогаш не сум го запознал, а отсекогаш сакав да се сретнам со него. Кога го видов, настана метеж. Се свртев и го снема“, рече Леонардо.
Иако исчезнал во толпата, Леонардо не се откажал да го пронајде Ривер за да се запознае со него.
„Одев низ скалите горе-долу. Си мислев каде ли отиде. Се покажа дека е на пат кон клубот „The Viper Room’“, заклучи Ди Каприо шокиран од фактот што го видел Феникс непосредно пред неговата смрт.
„Не знам како да го опишам тоа чувство. Тој исчезна пред моите очи и беше трагично. Ривер беше актер за кој сите зборувавме. Се сеќавам дека ја подадов раката кон него, а потоа луѓето почнаа да поминуваат и него го снема“, рече актерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.