Економија
На патот кон ЕУ земјава ги отвора вратите за менување на платежниот пејзаж
Успешно заврши дванаесеттата конференција за плаќањата и пазарната инфраструктура, организирана од Народната банка на Република Северна Македонија, во соработка со Банката на Холандија. Изминативе три дена претставници од четиринаесет централни банки, истакнати странски експерти и претставници од домашниот финансиски сектор, во Охрид дискутираа за најновите светски трендови во областа на плаќањата и предизвиците за нивната примена, во контекст на процесите на менување на платежниот пејзаж во Европската Унија, кои веќе почнуваат и кај нас. На одделна панел-дискусија се говореше и за светот на отвореното банкарство и за финтек-иновациите во плаќањата. Особен придонес во дискусиите на конференцијата имаа претставници од Европската комисија, Европската централна банка, централни банки од евросистемот и Банката за меѓународни порамнувања.
„Платежниот пазар е основа за создавање поинтегрирана, конкурентна и иновативна економија. Со сѐ поголемата дигитализација и потенцијалот што го нуди новата технологија платежната индустрија сѐ повеќе добива на значење. Постојните и новите пазарни играчи сѐ повеќе ги исползуваат можностите за создавање иновативни решенија во плаќањата“, истакна, меѓу другото, вицегувернерката на Народната банка, Емилија Нацевска, во своето обраќање во рамките на завршницата на конференциската програма.
Притоа таа ги изнесе и заклучните согледувања од конференцијата осврнувајќи се и на големиот број експертски гледишта за повеќе клучни прашања поврзани со промените и предизвиците што беа презентирани деновиве. За некои од овие прашања, некои од учесниците денес разменуваа мислења и полемизираа и во одделни работни групи.
Со Директивата за платежни услуги 2 и други сегменти од законодавството на Европската Унија, посочи Нацевска, пазарот за плаќања на мало во Европа ги има сите потребни елементи да обезбеди иновативни сеевропски платежни услуги. Нашата земја интензивно се подготвува да ги прифати промените и да одговори на предизвиците во платежната сфера за што показател е и ова конференциско издание во Охрид.
„Во оваа смисла, на овој настан гледаме како и на олеснувач за натамошниот дијалог со домашните даватели на платежни услуги и операторите на платните системи со цел да се поттикнат конкуренцијата и иновациите, како и да се зголеми заштитата на потрошувачите во областа на плаќањата“, рече Нацевска потсетувајќи дека неодамна до засегнатите страни е доставен новиот нацрт-закон за платежните услуги и платните системи, во кој се транспонирани најважните делови од европското законодавство во оваа област. Таа посочи и дека, освен преку регулаторната улога за менување на платежниот пејзаж, Народната банка со активно учество во овој дијалог ќе биде и катализатор за обезбедување сигурен и ефикасен развој на пазарот на плаќања.
Изнесувајќи ги заклучоците од конференцијата, вицегувернерката се осврна и на предизвиците за централните банки да обезбедат не само ефикасност туку и безбедност во спроведувањето на иновациите во сферата на плаќањата, како и соодветна едуцираност на популацијата за новите платежни услуги за што деновиве во Охрид беа споделени повеќе експертски согледувања, при што беше нагласено дека и нашата централна банка веќе презема чекори во таа насока.
Во завршницата на настанот учесниците од земјава едногласно го споделија впечатокот дека оваа конференција овозможува подобар увид и следење на најновите трендови во областа на плаќањата на експертско ниво и дека нејзиното одржување носи големи придобивки за платежната индустрија во нашата економија.
Меѓународни експерти истакнаа дека земјава е на добар пат во применувањето на европското законодавство за платежни услуги. Народната банка продолжува активно да ги следи новитетите и трендовите во оваа област и да работи на поттикнување на активностите за подобрување на платежните услуги кај нас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
НБРМ: Банкарскиот систем останува здрав и стабилен, а мерките придонесуваат за дополнително зголемување на неговата отпорност
Советот на Народната банка на редовната седница го разгледа и го усвои Извештајот за ризиците во банкарскиот сектор за првиот квартал од 2024 година. Во Извештајот се оценува дека банкарскиот сектор ја задржа својата стабилност и сигурност во работењето, со подобрена солвентност, одржана ликвидност и добар квалитет на кредитното портфолио.
Стапката на адекватност на капиталот достигна ниво од 18,9%, коешто е највисоко анализирано од 2006 година наваму. Подобрувањето на показателот произлегува од растот на сопствените средства на банките, најмногу заради реинвестирањето на добивките од минатата година. Повисоките показатели за солвентноста во голема мера се поттикнати и од повисоките регулаторни и супервизорски барања во врска со капиталот на банките, пред сѐ поврзано со заштитните слоеви на капиталот (противцикличниот и заштитниот слој на капитал за системските значајни банки) и капиталниот додаток утврден врз основа на супервизорска оценка.
Ликвидноста на банките се задржа на вообичаените задоволителни нивоа. Стапката на покриеност со ликвидност на банкарскиот систем изнесува 279,1%, што е значително повеќе од регулаторниот минимум (100%) и го потврдува задоволителниот обем на ликвидност со кој располага македонскиот банкарски систем.
Во првиот квартал од 2024 година, квалитетот на кредитното портфолио на банките се задржа, и покрај тоа што дел од показателите за изложеноста на кредитниот ризик забележаа зголемување, што се должи на методолошките промени коишто се воведоа од почетокот на годината, со примената на новата Одлука за методологијата за управување со кредитниот ризик. Со новата Одлука се направи целосно усогласување со новата регулатива на ЕУ во овој сегмент. Стапката на нефункционални кредити на ниво на банкарскиот систем се зголеми за 0,3 проценти поени, што е ефект од поинаквиот методолошки пристап во определувањето на нефункционалниот статус на кредитната изложеност, а не на променетата кредитоспособност на клиентите
Во услови на подобрена солвентност, заедно со традиционално солидната ликвидност, билансите на банките продолжија солидно да растат. Депозитите од нефинансиските субјекти остварија солиден годишен раст од 9,1%, со забележителни поволни поместувања во рочните и валутните склоности на депонентите, при што долгорочните депозити го забрзаа годишниот раст на 28,3%, а депозитите во денари растеа двојно побрзо од девизните депозити. Кредитната активност на банките забележа годишен раст од 6,2%, кој што беше присутен кај кредитите и кон домаќинствата и кон претпријатијата.
На седницата се разгледа и Годишната информација за плаќањата во земјава во 2023 година при што беше заклучено дека според податоците од банките со кои располага Народната банка продолжи трендот на годишен раст на бројот на безготовински платежни трансакции за 12,4 %, при остварени 218 милиони платежни трансакции. Растот во значаен обем произлегува од посилниот раст на бројот на трансакции со платежни картички за 17,3%, со што нивното учество во вкупниот број безготовински трансакции достигна значителни 65,2%, при истовремено зголемување и кај вредноста на овие трансакции за 16,2%. Притоа, забележан е сѐ поголем број на плаќања со картички на физичките места на продажба (годишен раст од 18,0%), но продолжува и позитивниот тренд на пораст на плаќањата во е-трговијата (годишен раст од 11,3%).
Економија
Цените на златото се стабилизираа по двонеделен минимум
Цените на златото денеска се стабилизираа откако претходно паднаа на најниско ниво за две недели, додека инвеститорите ги очекуваа податоците за инфлацијата во САД за да видат колку брзо Федералните резерви ќе ги намалат каматните стапки.
Цената на златото е непроменета на 2.299,55 долари за унца, а златото падна на најниско ниво од 10 јуни во средата, пренесува CNBC.
Цената на фјучерсите на златото во САД паднаа за 0,1 отсто на 2.310,20 долари.
Економија
Летувај – за џепарлак не се оптеретувај – Остануваат уште три дена!
Остануваат уште три дена од извлекувањето на среќните добитници кои ќе добијат летен одмор во грција за целото семејство!
СН Финансиско друштво, препознавајќи ја потребата на граѓаните за уживање без мака во летниот одмор, со понуда за туристички безкаматен кредит за сите граѓани.
Понудата вклучува избор на летна дестинација по Ваш избор преку реномираната туристичка агенција ЈК Травел, а целосниот износ може да го плаќате на десет месечни рати без камати и други провизии.
Но, јуни е месец на подарувања, па од СН Финансии информираат дека сите кои ќе аплицираат за кредит до 30 јуни 2024 година, стануваат потенцијални добитници на летување во Грција, а на двајца најсреќни СН Финансии ќе им подари летување во Грција за нив и нивните најблиски.
Промовирајќи ја кампањата за туристички безкаматен кредит, СН Финасии ја истакнува својата континуирана посветеност кон задоволството на своите клиенти. Спакувајте ги куферите, аплицирајте онлајн и спремете се за уживање во следните топли денови покрај море.
ПР