Забава
Очајната домаќинка Марша Крос отворено зборува за ракот на анусот
Актерката од серијата „Очајни домаќинки“, Марша Крос вели дека сака да ја разбие табу-темата со тешката болест која ја имала, за која на многумина им е срам да признаат дека ја имаат. Крос јавно проговори за ракот на анусот и вели дека се надева дека ќе ја разбие стигмата што ја следи оваа болст.
Во едно свое интервју со познат доктор, Марша ги откри сите детали од својата дијагноза.
„Знам дека постојат луѓе на кои им е срам да зборуваат на оваа тема. Но, нема никаква причина за тоа. Па имаш рак! Не си направил ништо лошо само затоа што си го добил во својот анус. Имаш поголеми проблеми од срамот“, изјави Марша која по дијагнозата вели дека ја очекувале мачни денови.
Марша вели дека доживеала пеколни две недели хемотерапија и шест недели зрачење. и дека и требало време да ја прифати својата нова реалност и јавно да почне да зборува за својата состојба.
Актерката откри дека и нејзиниот сопруг боледува од рак. Му бил дијагностициран рак на грлото во 2009 година.
Денес Марша има за цел да ги поттикне луѓето да се едуцираат за оваа болест. Докторот вели дека нејзината болест е поврзана со ракот на нејзиниот сопруг, но сега година дена подоцна од нејзината почетна дијагноза, Марша вели дека се чувствува одлично.
Таа открива дека ѝ било важно да прифати дека има рак и дека и било незгодно на почетокот да го прашува докторот за работи кои ја интересирале.
„Сега се чувствувам нормално, иако се работи за малку поинаков вид на нормалност на која сум навикната пред да добијам рак. Никогаш повеќе нема своето тело да го земам здраво за готово“, изјави Марша.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
По шпекулациите дека се разведува од Бен Афлек, Џенифер Лопез ја откажа турнејата
Оваа година е дефинитивно турбулентна за славната Џенифер Лопез. Нејзиниот нов албум „This is Me…Now“ помина доста слабо на платформите „Spotify“ и „Apple Music“ и не успеа да се најде меѓу првите топ 20 апсолутно никаде во светот.
Нејзиниот последен албум излезе на 16 февруари годинава и, според реакциите на публиката, не беше преслушан како што се очекуваше. Дури 13 песни наидоа на незаинтересираност кај публиката.
Таа доживеа уште една непријатност во областа на актерството, бидејќи нејзините последни филмски продукции наидоа на негативни критики и од филмската критика и од публиката.
Изгледа дека и недостига и среќата и во љубовта бидејќи со денови се шпекулира дека ќе се разведе од Бен Афлек.
За нештата да бидат уште полоши, денеска беше објавено дека Џенифер Лопез ја откажала светската музичка турнеја. Во соопштението до кое дојде „Гардијан“ се наведува дека таа по своја волја се откажала бидејќи сака да се посвети на своите деца, семејството и пријателите, но на социјалните мрежи се шушка дека вистинската причина е што не успеала да го продаде потребниот број билети за да започне турнејата.
Џеј Ло веќе со месеци е предмет на озборувања и критики, некои поради потенцијален развод, некои поради нејзиното однесување. Имено, разни приказни, од нејзините соработници, го запалија интернетот, па пејачката во неколку наврати беше окарактеризирана како „непријатна“. Ја нарекоа и лажга затоа што нејзината школска другарка објавила на нејзиниот профил на „Тик-ток“ дека Џеј Ло немала тешко детство во Бронкс, какво што и’ го претставила на јавноста.
„Пукна и време беше“, „Сега знае дека никој не ја сака, џабе се труди“, „Сега е појасно зошто Мараја Кери не ја поднесува“, „Кој уште ја слуша Џеј Ло“, се само некои од злобните коментари на мрежите.
Сега веќе откажаната турнеја требаше да биде прва по пет години, посветена на соло албумот и на истоимениот филм „This Is Me…Now“. Првиот концерт од серијата се очекуваше на 26 јуни во Орландо, Флорида, а последниот на 31 август во Хјустон. На сите што купиле билети преку Ticketmaster, организаторите на концертот „Live Nation“ им ветиле враќање на парите.
Забава
Кората од портокал може да има изненадувачки здравствени придобивки за срцето
Горчливата кора од портокал е тука за да го заштити плодот, а може да го заштити и нашето тело, само ако престанеме да ја фрламе.
Откриено е дека кората од портокал содржи биоактивно соединение, наречено ферулоилпутресцин (ФП), кое може да има корист за здравјето на срцето кога се јаде.
Ова откритие ги заинтересирало научниците од Универзитетот во Флорида и американското Министерство за земјоделство.
Во експериментите, кога глувците биле хранети со хранлив екстракт од кора од портокал, богат со ФП, шест недели по ред, истражувачите забележале намалување на биомаркерите во крвта поврзани со воспаление и кардиоваскуларни болести.
ФП е метаболит првично пронајден во листовите и сокот од грејпфрут. Иако се појавува и во некои портокали, се чини дека не е присутен во лимон и мандарини.
Соединението привлече голем интерес во последниве години поради својот антиоксидативен и антиинфламаторен потенцијал, но сè уште има многу експерти кои не знаат многу за тоа, пренесува „Сајнс алерт“.
„Ова е ново откритие што го нагласува претходно непризнаениот здравствен потенцијал на ферулоилпутрецинот во намалувањето на ризикот од кардиоваскуларни болести“, вели научникот за храна Ју Ванг од Универзитетот во Флорида.
Портокалите се едно од најпопуларните овошја во светот, се консумира главно за нивниот сок, а горчливата кора обично се фрла.
Секоја година 32 милиони тони кора од портокал оди во отпад, иако се јаде и може да биде добра за нас.
Во споредба со сочниот дел, кората од портокал содржи импресивна концентрација на витамини, антиоксиданси и лимонен – хемикалија која може да има антивоспалителни и антиканцерогени својства. Откривањето кои биоактивни соединенија се најважни за човековото здравје и зошто ќе биде клучно ако научниците сакаат да создадат најздрав можен екстракт.
Работата на Ванг и нејзините колеги овозможи грант од 500.000 американски долари од владин оддел за истражување дали екстрактот од кора од портокал може да го подобри здравјето на нашите црева и срцето.
Кора од портокал не е најлесната храна за внесување во оброкот, но ако научниците можат да дизајнираат производ од кората, таа би можела да стане популарна храна за подобрување на здравјето.
Неколку компании веќе брзаат да го направат токму тоа. А неодамна, истражувачите открија дека со само малку труд, кората од банана може да се претвори во вкусна, хранлива закуска полна со антиоксиданси и витамини. Истото важи и за кората од манго.
Забава
Три хороскопски знаци во кои се раѓаат психички најсилните луѓе
Сите ние понекогаш се соочуваме со предизвици кои ја тестираат нашата ментална сила. Но, некои од нас се справуваат со овие предизвици со неверојатна леснотија и решителност. Ако некогаш сте се запрашале кои луѓе поседуваат непоколеблива ментална сила, ѕвездите ги имаат одговорите. Во овие хороскопски знаци се родени психички најсилните луѓе.
Шкорпија
Не е тајна дека Шкорпиите се познати по својот интензитет и одлучност. Нивната ментална сила доаѓа од нивната способност храбро да се соочат со нивните најдлабоки стравови и предизвици. Нивната бестрашност и непоколебливост ќе ги направи еден од најсилните знаци на Зодијакот.
Јарец
Јарците се олицетворение на упорност и дисциплина. Нивната ментална сила произлегува од нивната неверојатна способност да останат фокусирани на своите цели, без оглед на препреките што ќе им се најдат на патот. Овој знак има исклучителна способност за планирање, што им овозможува да ги надминат и најтешките предизвици.
Водолија
Водолиите се познати по својата оригиналност и интелектуална сила. Нивната ментална сила лежи во нивната способност да размислуваат надвор од рамката и да најдат иновативни решенија за проблемите. Тие не се плашат од промени и често се пионери во своите области, користејќи ја својата остроумност и логично размислување за да ги надминат предизвиците.