Свет
Врсничкото насилство не е производ на „Инстаграм“
„Инстаграм“ не може да го реши проблемот со врсничкото насилство (булинг), вели сопственикот на на платформата, Адам Мосери.
Тој додава дека булингот на интернет е само дел од поширокиот проблем.
Мосери вели дека тој не би сакал корисниците на оваа социјална мрежа да стануваат депресивни, но дека од друга страна вели дека тие не можат да ги сопрат луѓето да зборуваат грозни работи.
Критиките кои „Инстаграм“ ги добива, вели Мосери, се многу здрави и дека со помош на нив платформата може да решава доста проблеми кои се случуваат во сајбер просторот.
Покрај темата за булинг, Адам Мосери прокоментира и за скорешните коментари на пејачката Селена Гомез која неодамна изјави дека „Инстаграм“ прави таа да се чувствува депресивно, и како платформата се справува со голотии или содржина поврзана со само-повредување, како и за критиките кои ги добива апликацијата.
„Булингот постои веќе подолго време, но е сменет и еволуриан на интернет“, вели Мосери.
„Како и останатите проблеми со кои се соочуваме во денешницата, булингот е производ на поголем проблем, а не само на „Инстаграм“ и сметам дека во тој контекст често се прави пропуст“, додава Мосери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Кина лансираше сонда на помалку истражената страна на Месечината
Кина денеска лансираше лунарна сонда на далечната страна на Месечината за да собере примероци кои би можеле да обезбедат увид во геолошките и другите разлики помеѓу далечната, помалку истражената и поблиската страна на Месечината.
Месечевата сонда Чанг’е го добила името по кинеската митска божица на Месечината. Ја носи ракета Long March-5 IB која беше лансирана од центарот Венчанг во јужната провинција Хаинан, соопшти кинеската Национална вселенска администрација.
Откако ќе орбитира околу Месечината за да ја намали брзината, лендерот ќе се одвои од леталото и ќе започне да собира примероци веднаш штом ќе се спушти на површината на Месечината пред да се врати на Земјата.
Мисијата ќе трае 53 дена.
Европа
Орбан: Унгарија ќе ги зголеми трошоците за одбрана доколку војната во Украина продолжи
Унгарија ќе мора да ги зголеми трошоците за одбрана и следната година доколку војната во Украина продолжи до 2025 година, со што ќе се намали износот на расположливите средства за други трошоци, изјави денеска унгарскиот премиер Виктор Орбан.
Орбан изјави за државното радио дека доколку војната во Украина се пролонгира до 2025 година, нивоата на средства за одбрана на Унгарија за 2023 и 2024 година нема да бидат доволни и ќе мора да се зголемат, пренесува агенцијата МТИ. Орбан изјави дека е загрижен за иднината на Европа и дека унгарската влада нема да дозволи Унгарија да биде принудена да влезе во војна по трет пат, откако учествуваше во Првата и Втората светска војна.
Премиерот на Унгарија смета дека е потребно европско безбедносно решение во кое ќе биде вклучена Русија и дека американската воена индустрија најмногу профитирала од војната во Украина, откако САД испратија најголема воена помош во Киев.
„Нашето историско искуство со војната е дека можете само да изгубите. Колку сте поблиску до воената зона, толку е поголема цената што ја плаќате“, рече Орбан.
Унгарија значително ги зголеми одбранбените распределби минатата година на 2,43 отсто од БДП, што е над два отсто на кои се обврзаа членките на НАТО, наведува МТИ.
Европа
Шефот на британската дипломатија: Украина има право да го користи нашето оружје во Русија
Британскиот министер за надворешни работи Дејвид Камерон денеска вети три милијарди фунти (3,74 милијарди долари) годишна воена помош за Украина „колку што е потребно“ и додаде дека Лондон нема ништо против оружјето да се користи во Русија.
„Ќе даваме три милијарди фунти секоја година онолку колку што е потребно. Штотуку навистина исцрпивме се што можеме во однос на давање опрема“, изјави тој за Ројтерс во интервју за време на посетата на Киев, додавајќи дека пакетот помош е најголемиот од ОК до сега.
„Дел од таа (опрема) пристигнува во Украина денеска, додека јас сум тука“, рече тој.
Камерон рече дека Украина има право да користи оружје доставено од Лондон за да нападне цели во Русија и дека тоа зависи од Киев.
„Украина го има тоа право. Исто како што Русија напаѓа внатре во Украина, сосема е разбирливо зошто Украина чувствува потреба да се осигура дека е способна да се одбрани“, изјави Камерон за Ројтерс.
Камерон, кој го предводеше Обединетото Кралство од 2010 до 2016 година како премиер и се врати на политичкиот фронт пред само неколку месеци, се состана со украинскиот министер за надворешни работи Дмитро Кулебa и претседателот Володимир Зеленски во неговата втора посета на Киев како министер за надворешни работи.