Црна хроника
Мигрант повреден од струен удар при обид да побегне со воз

Мигрант од Пакистан на возраст од 21 година преживеал струен удар при обид да побегне со воз во близина на Миравци.
Како што информираат од МВР, гевгелиската полиција синоќа по полноќ добила пријава дека во товарен воз на железничката станица во Миравци се наоѓаат мигранти.
Полицајци излегле на местото и утврдиле дека се работи за 20-ина мигранти од Пакистан, Авганистан и од Иран, при што ги симнале од возот.
Кога возот тргнал, двајца од мигрантите повторно се качиле по што 21-годишникот се доближил до електричниот вод и добил повреди од струен удар.
Со возило на брзата помош тој бил пренесен во комплексот клиники „Мајка Тереза“ во Скопје. Полицијата работи на расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.