Свет
Отруени 75 лица во Малезија, вдишале токсични гасови од отпадот на фабриките
Повеќе од 500 училишта и детски градинки денес беа затворени во Малезија кога десетици лица беа хоспитализирани со симптоми што се совпаѓаат со вдишување отровни гасови.
Повеќето од 75-те хоспитализирани ученици имале проблеми со дишењето, повраќале и имале вртоглавица. Постои сомневање дека вдишале токсични гасови, најверојатно од отпадот што фабриките го фрлале во јужната малезиска држава Џохор, во близина на границата со Сингапур.
„Се чини дека има фабрики што не се премногу загрижени за безбедноста, па инцидентот се повторува. Затоа треба да ги идентификуваме оние што се одговорни“, рече малезискиот премиер Махатир Мухамед.
Сличен инцидент се случи во март во Малезија кога беа хоспитализирани 1.200 лица со слични симптоми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж со нож нападнал луѓе во центарот на Осло, полицијата веднаш го уапсила
Норвешката полиција соопшти дека уапсила маж кој избодел едно лице со два ножа и нападнал неколку лица во центарот на Осло.
Инцидентот се случил пред местото на метрото кога расправија излегла од контрола и неименуван маж на возраст од триесет години избодел еден маж во раката и нападнал уште неколку луѓе во близина.
Полицаецот потоа го извадил пиштолот и му наредил на напаѓачот да ги спушти ножевите, пренесува Ројтерс.
Полицијата смета дека нападот не бил мотивиран од тероризам.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.