Свет
Русија се надева дека нема да се случи повторно ништо слично на кризата во PACE

Русија се надева дека никогаш повторно нема да се случи ситуација слична на кризата во парламентарното собрание на Советот на Европа (PACE), во која руската делегација не можеше да учествува во неговата работа, никогаш повеќе нема да се случи, изјави рускиот шеф на дипломатија, Сергеј Лавров, на меѓународниот форум „Развој на парламентаризмот”.
„Се надеваме дека ситуациите слични на оние што ги предизвика русофобското малцинство во PACE никогаш повторно нема да се случат. Убеден сум дека имате моќ да го спречите тоа”, рече Лавров.
На руската делегација во PACE ѝ беше одземено од правото да гласа, да учествува во мониторинг-мисиите и да биде избрана во управните тела на PACE во април 2014 година, по случувањата во Украина и повторното обединување на Крим со Русија.
На 26 јуни 2019 година членовите на летната сесија на PACE одобрија резолуција со која ѝ се враќа целосната моќ на руската делегација во рамките на организацијата. Сите измени на санкциите предложени за документот беа отфрлени, а Русија ја продолжи својата полноправна работа во Собранието.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Убиен е висок ирански воен функционер

Иранската државна телевизија IRINN објави дека генералот Мохамед Багери, началник на Генералштабот на иранските вооружени сили и највисок воен офицер во земјата, е убиен во израелски напад.
Багери е втората висока воена личност за која се знае дека е убиена во невидените израелски напади врз Иран преку ноќ.
Претходно, иранските државни медиуми објавија дека е убиен и генералот Хосеин Салами, командант на Иранската револуционерна гарда (IRGC).
Свет
Израел го погоди клучниот нуклеарен реактор во нападот врз Иран

Израел погоди клучен нуклеарен реактор во својот напад врз Иран. Меѓу нив е и нуклеарниот реактор Натанц, кој е клучен за нуклеарната програма на Иран.
Во раните утрински часови, според информациите од иранската државна телевизија, објавени од Ројтерс, се случила нова експлозија во нуклеарниот објект Натанц, околу 225 километри јужно од Техеран. Станува збор за еден од централните објекти за збогатување ураниум во Иран, чија важност за нуклеарната програма на земјата е повеќе пати потврдена и следена од Меѓународната агенција за атомска енергија (МААЕ).
МААЕ потврди дека објектот Натанц бил меѓу целите насочени од Израел во неговата последна воена операција и дека е во контакт со иранските власти за да се утврдат можните промени во нивоата на зрачење.
Комплексот Натанц, кој се наоѓа во централната покраина Исфахан, е еден од најважните објекти во нуклеарната програма на Иран. Таму се наоѓаат голем број центрифуги за збогатување на ураниум, вклучувајќи напредни модели што ги користи Иран за да постигне нивоа на чистота на ураниум до 60% – многу блиску до нивото потребно за производство на нуклеарно оружје. Поради оваа причина, Натанц со години е под строг надзор на инспекторите на МААЕ, но исто така е и постојана цел на израелски напади и саботажи.
Објектот е изграден и надграден под земја за да биде поотпорен на воздушни напади, но експлозиите потврдени утрово од ирански и израелски извори сугерираат дека бил погоден и покрај овие заштитни мерки.
Свет
Погледнете како изгледа воздушниот простор над Иран и Ирак во моментов

Авиокомпаниите рано утрово го евакуираа воздушниот простор над Израел, Иран и Ирак откако Израел започна напади врз цели во Иран, покажаа податоците на Flightradar24, додека превозниците брзаа да ги пренасочат и откажат летовите за да ги заштитат патниците и екипажот.
Ширењето на конфликтите низ целиот свет станува сè поголем товар за работењето и профитабилноста на авиокомпаниите, како и сè поголема безбедносна закана.
Flights clearing Iran and Iraq after airspace closures in both countries following strikes by Israel in Iran. pic.twitter.com/lefDHnAsoD
— Flightradar24 (@flightradar24) June 13, 2025
Израел соопшти дека ги таргетирал иранските нуклеарни постројки, фабриките за балистички ракети и воените команданти на почетокот на она што предупреди дека ќе биде долгорочна операција за спречување на Техеран да произведува атомско оружје.
Аеродромот Бен Гурион во Тел Авив беше затворен до понатамошно известување, а израелските единици за воздушна одбрана беа во состојба на висока готовност за можна одмазда од Иран. Израелскиот авиопревозник „Ел Ал ерлајнс“ соопшти дека ги прекинал летовите до и од Израел.
Иранскиот воздушен простор беше затворен до понатамошно известување, објавија иранските државни медиуми. Ирак го затвори својот воздушен простор и го прекина целиот сообраќај на своите аеродроми рано утрово, објавија ирачките државни медиуми.