Црна хроника
Притвор за келнерка во Полошко која со нож избодела нападен колега
Гостиварското основно јавно обвинителство донесе наредба за спроведување истражна постапка против жена поради сомнение дека сторила кривично дело обид за убиство.
Настанот се случил на 2 јули во угостителски објект во полошкото село Неготино.
Осомничената, вработена во угостителскиот објект, пред да го изврши делото била вознемирувана од страна на нејзин колега. Откако и по нејзините повици да престане, мажот продолжил со дејствијата, таа се упатила кон шанкот, зела нож и му нанела убодни рани во пределот на стомакот.
На осомничената судот ѝ определи притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден малолетник од Велес, во него удрил „цитроен“
Вчера во 21.55 часот во СВР Велес било пријавено дека на улицата „Благој Ѓорев“ во Велес, патничко возило „цитроен“ со велешки регистарски ознаки, управувано од 35-годишната М.Р. од Велес, удрило во малолетен пешак, извести МВР.
„Во несреќата со тешки телесни повреди се здобил малолетникот, констатирани во Општа болница Велес“, соопшти МВР.
По овластување на јавен обвинител извршен бил увид од увидна екипа од СВР Велес.
Црна хроника
19-годишник со „пасат“ излета од пат, со тешки повреди пренесен во Клиничката болница Штип
Вчера во 13.37 часот во СВР Штип било пријавено дека на регионалниот пат Штип – Плачковица, на влез од село Стар Караорман, штипско, патничко возило „фолксваген пасат“ со штипски регистарски ознаки, управувано од 19-годишниот Б.М. од село Јонузлија, општина Карбинци, излетало од коловозот, извести МВР.
Во несреќата со тешки телесни повреди се здобил возачот Б.М., констатирани во Клиничката болница Штип, соопшти МВР.
Извршен бил увид од увидна екипа од СВР Штип.
Црна хроника
МВР со детали за сообраќајката кај Влае
Денеска во 02.25 часот во СВР Скопје било пријавено дека на крстосница од булеварот „Партизански одреди“ и улицата „Ангел Динев“ во Скопје се случила сообраќајна несреќа помеѓу патничко возило „шевролет“, управувано од 32-годишната Е.С. од Скопје и патничко возило „ауди“, управувано од 27-годишниот Б.А. од село Сарај, скопско, двете со скопски регистарски ознаки, извести МВР.
– Во несреќата со тешки телесни повреди се здобила Е.С., констатирани во Комплекс клиники „Мајка Тереза“. Возачот Б.А. се здобил со телесни повреди констатирани во Градска општа болница „8 Септември“, додека неговиот сопатник И.А.(32) од с.Љубин, скопско, исто така, се здобил со телесни повреди констатирани во Градска општа болница „Св.Наум Охридски“, соопшти МВР.
За настанот бил известен јавен обвинител, а увид извршила увидна екипа од СВР Скопје.