Македонија
Формирана нова комисија која ќе одлучува за помилувањата
![](https://makfax.com.mk/wp-content/uploads/2019/04/Zatvor.jpg)
Формирана е нова Комисија во кабинетот на претседателот која што ќе одлучува за помилувањата. Во неа се јавниот обвинител Љубомир Јовески, адвокатот и поранешен министер за внатрешни работи Љубомир Михајловски, Уранија Пировска од Хелсиншкиот комитет, Билјана Петковска од МИМ, како и уште неколкумина други членови.
Во Кабинетот на претседателот денеска се одржа конститутивна седница на Комисијата за помилување, на која присуствуваше и Стево Пендаровски.
Како што се наведува во соопштението, за членови на комисијата се избрани Сабит Кранли, поранешен судија во Врховниот суд – претседател на Комисијата, јавниот обвинител Љубомир Јовески, Фехми Стафа, државен правобранител, Љубомир Михајловски, претседател на Адвокатска комора,Темелко Ристевски, универзитетски професор,Сафет Алиу, поранешен судија во Врховниот суд,Божин Аврамовски, судија во пензија,Ерол Рушид, лекар, Зора Митиќ, лекар, Уранија Пировска, Хелсиншки комитет за човекови права и Билјана Петковска, Македонски институт за медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Министерот Муцунски во работна посета на Хрватска
![](https://makfax.com.mk/wp-content/uploads/2024/05/mucunski-1.jpg)
Министерот за надворешни работи и надворешна трговија, Тимчо Муцунски, денес (сабота, 29 јуни 2024г.) ќе престојува во работна посета на Република Хрватска, каде што на покана на министерот за надворешни работи на Хрватска, Гордан Грлиќ Радман ќе учествува на Дубровник форум 2024.
Министерот Муцунски ќе има обраќање на панелот „Западен Балкан: Отворање на реформскиот потенцијал”.
На маргините на форумот, министерот ќе оствари и бројни билатерални средби со свои колеги од повеќе земји.
Македонија
Дел од улиците во Аеродром денес ќе бидат затворени поради градежни активности
![](https://makfax.com.mk/wp-content/uploads/2018/09/soobrakjaen-rezim_.png)
Поради изведување градежни активности, денеска изменет режим на сообраќај ќе има во дел од скопската Општина Аеродром.
„На ден 29 јуни (сабота) на ул. ‘Борис Кидрич’ од крстосница со Ул. ‘Симеон Кавракиров’ до крстосница со Бул. ‘Кузман Јосифовски Питу ‘ – Општина Аеродром ќе се изведуваат градежни активности (гребење), па поради тоа ќе има изменет режим на сообраќај на наведените улици, информираат од изведувач на работите, компанијата ‘Гама градба’“.
Македонија
Сончево и потопло со мала до умерена облачност
![](https://makfax.com.mk/wp-content/uploads/2022/08/dojran-2.png)
Времето денеска ќе биде сончево и потопло со мала до умерена облачност. Ќе дува слаб до умерен ветер од северен правец. Минималната температура ќе биде во интервал од 12 до 19, а максималната ќе достигне од 29 до 37 степени. UV=8
Во Скопје сончево и топло со мала до умерена облачност и со слаб до умерен северен ветер. Минималната температура ќе се спушти до 17, а максималната ќе достигне до 34 степена.
Во деновите од викендот и во понеделник времето ќе биде сончево и топло со мала до умерена локална облачност. Дневните температури насекаде ќе бидат над 30 степени.
Во вторник се очекува повторно дестабилизирање на времето со пороен дожд, грмежи и засилен ветер, локално во форма на невреме.