Македонија
Василевска: Рашковски повторно е фатен во огромен скандал, Обвинителството да преземе итни мерки
Иванка Василевска од ВМРО-ДПМНЕ на прес-конференција упати нови обвинувањата до Генералниот секретар на Владата, Драги Рашковски, повикувајќи се на нова аудио снимка објавена на медиумите. Василевска рече дека Рашковски повторно е фатен во огромен скандал, поврзан со фирмата „Леонардо“, каде пред да биде доделена понудата наложува да се разговара со фирмата спротивно на законот.
„Единствено ќе разговараш за цената, а нема да разговараш за концептот“ – му наредува Рашковски на Климент Чепуњовски, стои во новата аудио снимка објавена во медиумите за набавка на 7 милионскиот АТМ систем за потребите на М-НАВ, рече Василевска.
„Што е тоа што во концептот е фиксирано, за кој не смее да се преговара? Дали нешто е однапред договорено од страна на Рашковски?
Според објавеното во медиумите Драги Рашковски усно му наредува на Чепуњовски да одлучи во врска со случајот. Според слушнатото од аудио разговорот се наметнува уште едно прашање, што е предмет на истрага, а го прават лицата кои се предмет на аудио снимката? Признава ли Рашковски директно дека набавката е криминална и може да биде предмет на истрага? Сметаме дека е крајно време е Јавното обвинителство да се заинтересира за овој случај со 7 милионската аванта која Драги Рашковски по насока од страна на Зоран Заев ја договара со фирмата Леонардо“, порача Василевска.
Таа нагласи дека Јавното обвинителство треба да превземе итни и неодложни мерки за обезбедување присуство, како што е определување на мерката – притвор, со што ќе се спречи можноста Рашковски да се впушти во бегство, да го повтори делото или да влијае на сведоци, бидејќи за делото кое може да му се стави на товар е предвидена казна затвор од најмалку 5 години.
Обвинителството, вели Василевска, треба дотолку повеќе да се позанимава со Рашковски, бидејќи во медиумите излегоа и обвинувања од страна на Ваљон Бела, поранешен директор на Клиничкиот центар – Скопје дека токму Рашковски зема мито за сите тендери на Клинички.
„Почитуван, господин Љубомир Јовевски, Ве молиме надминете го стравот и постапете согласно закон, а не по налогот на Зоран Заев.
Исто така го повикуваме Зоран Заев конечно да собере храброст и да го разреши својот миленик Драги Рашковски од функцијата Генерален секретар на Владата за тој да биде во можност да одговара пред институциите и пред правдата. Време е за одговорност. Правото мора да се почитува. Право и правда за сите македонски граѓани, правда за македонскиот народ“, истакна Василевска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Парада на гордоста под слоганот „Спектакуларно непослушни“ во паркот „Жена борец“
Петтата по ред Парада на гордоста, Скопје Прајд, годинава ќе се одржи на 22 јуни под мотото „Спектакуларно непослушни!“
Националната мрежа против хомофобија и трансфобија денеска одржа прес-конференција посветена на овогодишното издание на Парадата на гордоста, чија што појдовна точка, како и досега, ќе биде во паркот „Жена борец“, каде во 17 часот ќе започне собирањето на учесниците, а во 19 часот по кратките поздравни говори ќе започне протестниот марш по скопските улици, според истата рута како и минатите години и ќе заврши со културно-музичката програма на стадионот на АРМ во Градскиот парк.
„Со гордост може да кажеме дека минатите четири Паради на гордоста поминаа во најдобар ред, со максимално ниво на безбедност и со ниту еден инцидент за време на парадите, освен два инциденти кои се случија по завршувањето на Парадата. За двата инциденти институциите реагираа навремено, а за едниот беше отворена и постапка што се водеше како кривично дело од омраза, за кое сметаме дека е соодветен одговор од страна на институциите и показател за тоа дека државата сака да ги заштити правата на сите граѓани на оваа држава“,порача Уранија Пировска, извршна директорка на Хелсиншки комитет за човекови права.
Нејзините очекувања се дека и оваа година нивото на безбедност ќе биде запазено.
„Очекуваме дека и оваа година ќе биде обезбедено тоа ниво на безбедност, како и во минатите години. Сега се наоѓаме во една деликатна ситуација бидејќи се’ уште официјално не се завршени изборите, затоа што имаше прегласување на неколку места, а Државната изборна комисија се’ уште не излегла со крајните резултати од изборите и поради тоа се’ уште немаме официјална комуникација со Министерството за внатрешни работи за да ги започнеме подготовките околу Парадата на гордоста од безбедносен аспект. Тоа ќе го сториме кога официјално ќе бидат завршени изборите, но сметам дека и новата владејачка гарнитура ќе сака да покаже дека оваа држава има демократски капацитети, бидејќи успешноста на една Парада на гордоста зборува токму за тоа какви се демократските капацитети на државата и колку институциите ги почитуваат правата на сите граѓани, па и на оние кои што не се мнозинство“,додава Пировска.
Оваа година слоганот на Парадата на гордоста во Скопје гласи „Спектакуларно непослушни!“
„Непослушни затоа што сакаме да ја реафирмираме таа наша опозиција на патријахатот кој не’ владее доста векови. Спектакуларно како едно обележје на самата заедница која е забележителна и како одбележување на јубилејот на петти Прајд. Дури и „Њујорк тајмс“ објави фотографии на првата Парада на гордоста во Скопје и ништо помалку спектакуларно не очекуваме и за овој Прајд. Тој ќе биде еден од најдобрите и најпосетените настани во Скопје како и претходните години“, рече Кочо Андоновски, програмски директор на ЛГБТИ Центар за поддршка и додаде дека говорот на омраза што ескалира после најавата на Парадата само докажува колу има потреба од одржувањето на Скопје Прајд.
Тој додава дека парадата на гордоста е само еден ден во кој ЛГБТИ луѓето можат да бидат видливи, свои и автентични.
„Во нашиот слоган оваа година го одбравме концептот на непослушност, како политички концепт токму затоа што желбата да се живее слободно на ЛГБТИ+ луѓето често пати била обележана како каприц, како претерано барање или како непотребна желба за внимание. Барањето да се живее достоинствено и без насилство не е каприц. Потребата да бидеме видени, да се движеме во јавниот простор, да учествуваме во политичкиот живот- наместо постојано да сме затрпувавани во нашите четири ѕида, не е желба за внимание, туку барање за нашето еднакво место како и на сите други луѓе во ова општество. Можноста ЛГБТИ+ луѓето да ги посетат своите партнери во болница, да го наследат имотот на луѓето со коишто живееле цел живот, да не мора да се соблекуваат до последно парче облека за да го докажат својот родов идентитет- ова се наши основни права. Ако нашата идеја за еднаквост, за достоинство и буквално право на живот е спорно, тогаш ДА, одбираме да бидеме непослушни“, истакна Ангел Димитриевски, извршен директор на ЕКВЛИС и додаде дека се чини дека желбата и отпорот ЛГБТИ+ заедницата да биде замолчена и уште повеќе избришана од јавниот простор се’ повеќе расте.
Македонија
Стоилковски: Дали има бактерија МРСА во хируршките сали на „Клиника“?
„Ќе даде ли некој одговор од Владата или од ДУИ и СДС што се случува во хирургија, наместо да се префрла топката од здравството кон ЈО“, праша Наум Стоилковски, портпаролот на ВМРО-ДПМНЕ.
Македонија
Скопскиот булевар „Кочо Рацин“ во мрак, луѓето со блиц од мобилен минуваат на пешачки (ВИДЕО)
Скопскиот булевар „Кочо Рацин“, на кој се наоѓа автобуската станица „Југодрво“, веќе неколку денови е во мрак. Уличните светла долж булеварот не работат, а улиците околу булеварот исто така не се осветлени – единственото светло на него доаѓа од становите на соседните згради.
Мракот ја загрозува безбедноста на пешаците и велосипедистите кои ги преминуваат пешачките премини и кој светат со блиц од мобилните за да поминат.
Граѓанската иницијатива „Шанса за центар“ ги повикуваат Град Скопје и градоначалничката Данела Арсовска да го вратат осветлувањето на булеварот, но досега нема никаква реакција од нив.
Оттаму, „Шанса за центар“ синоќа постави трепкачи за велосипед кај пешачките премини на „Кочо Рацин“, за да привремено „малку од малку“ ја подобрат состојбата на улицата.