Македонија
Енгел на средба со Џафери: Гледам позитивни промени, се движите во потребната насока
![](https://makfax.com.mk/wp-content/uploads/2019/07/m1.jpg)
Претседателот на Собранието, Талат Џафери, денеска го прими Елиот Енгел, претседателот на Комисијата за надворешна политика на Претставничкиот дом на Конгресот на САД.
Џафери му честиташе за стапувањето на функцијата претседавач со Комисијата за надворешна политика на Претставничкиот дом на Конгресот на САД и изрази благодарност до конгресменот за неговата значајна улога, имајќи предвид дека со неговото присуство и ангажман, дал значаен придонес во просперитетот на регионот и нашиот успех во НАТО интеграцијата.
Џафери му се заблагодари и за писмото со кое тој и конгресменот Мајкл Мекол, му се обратиле на Државниот секретар на САД Мајк Помпео, за поддршка на нашата земја во процесот на евроинтеграциите.
Нашата држава, подвлече Џафери, досега и во иднина, во САД гледа најважен стратешки партнер кој во континуитет не поддржува на секој план, не само нас туку и целиот регион.
Од своја страна Енгел, ја нагласи улогата на законодавните тела во развојот на своите земји. Исто така, ја повтори силната поддршка на САД за НАТО членството на Република Северна Македонија, притоа честитајќи за определбата на нашата држава за развојот на добрососедството и за покажаната храброст при донесувањето на вистински одлуки во правец на решавањето на сите отворени прашања.
Позитивните движења што ги гледам, продолжи Енгел, укажуваат на тоа дека Република Северна Македонија се движи во потребната насока.
Двајцата соговорници се согласија дека билатералните односи меѓу двете држави се на највисоко ниво од воспоставувањето на дипломатските односи и континуирано ја следат нагорната линија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
ВМРО-ДПМНЕ: Со платите што досега беа за економските директори ќе се подобруваат здравствените услуги
![](https://makfax.com.mk/wp-content/uploads/2023/04/339277028_1312557535968805_6452318681591516031_n.jpg)
Владата ги укина економските директори во здравствените установи, парите ќе одат кон подобрување на здравствените услуги, истакнуваат од ВМРО-ДПМНЕ.
На вчерашната седница владата пристапи кон предлог измени на Законот за здравствена заштита, со цел укинување на институцијата економски директор во јавните здравствени установи.
„Со укинувањето на економските директори, се укинува дуализмот во здравството, но и се подобрува ефикасноста.
Со воведување на систем на еден директор, се намалуваат административните трошоци, а средствата ќе се пренасочат во подобрување на здравствената инфраструктура, зголемување на транспарентноста и отчетноста“, стои во соопштението.
Македонија
СДСМ: Нема никогаш да ги прифатиме повиците на лажните патриоти од ЗНАМ, не не плашат ќорците на тројанскиот коњ Максим Димитриевски
![](https://makfax.com.mk/wp-content/uploads/2024/06/sdsm-venko-filipce-3.jpeg)
Вистинските социјалдемократи кои се борат со срце и со душа за остварување на социјалдемократските вредности нема никогаш да ги прифатат повиците на лажните патриоти од ЗНАМ, велат од СДСМ.
„Максим Димитривски за неколку фотељи и градоначачлничка функција стана слуга и продолжена рака на ВМРО ДПМНЕ и Мицкоски.
Срамно и жално е да се гледаат поранешни генерални секретари на СДСМ како министри и послушници во Влада која ја водат луѓе што сакаа да ги убијат нивните довчерашни сопартијци. Срамно е за поранешни пратеници на СДСМ да бидат функционери во власта на Мицкоски. Од тоа вистинските членови на СДСМ се срамат и го осудуваат.
СДСМ не го плашат ќорците на Максим Димитриевски и повиците за поделба на партијата“, истакнуваат од опозициската партија.
СДСМ, додаваат тие, е единствената вистинска опозиција која ќе се бори со сите сили за да се спречува штетните политики на владата на Мицковски и неговиот сателит ЗНАМ.
„Сега веќе работите се јасни а тројанскиот коњ Димитриевски е откриен. Брзо ќе се соочи со реалноста и гневот кој го насобра од членовите на СДСМ.
Димитриевски замолче како мало дете пред Касами а неговите изблици на лажен патриотизам беа замолчани уште првата недела од неговото слугување на Мицкоски. Толку беше од чукањето во гради и лажните закани дека ќе ја напушти владата во обид да го намали срамот“, се нагласува во соопштението на СДСМ.
Македонија
На Табановце, за влез во Македонија се чека околу 20 минути
![](https://makfax.com.mk/wp-content/uploads/2022/07/tabanovce.jpg)
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. Нa ГП Табановце има зголемена фреквенција на возила за влез во Мaкедонија, време на чекање околу 20 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.