Свет
Светски еврејски конгрес: Образованието за холокаустот во американските училишта да биде задолжително

Светскиот еврејски конгрес (СЕК) бара од американските законодавци да го направат задолжително образованието за холокаустот во сите училишта, наведувајќи ги статистиките од анкетата од 2018 година што покажува дека половина од припадниците на т.н. Генерација У не знаат да именуваат ниту еден нацистички концентрационен логор, пренесува РТ.
СЕК почна петиција за иницијативата до Конгресот на која досега има собрано 8.500 потписи. Петицијата укажува на порастот на антисемитизмот и предупредува дека ужасите на холокаустот исчезнуваат од нашето колективно сеќавање, особено меѓу припадниците на т.н. Генерација У.
Ставот се заснова на статистичките податоци добиени преку Студијата за знаење и свесност за холокаустот од 2018 година, во која биле опфатени 1.350 Американци постари од 18 години и која покажува дека 49 отсто од припадниците на т.н. Генерација У и 45 отсто од возрасните не знаат ниту еден концентрациониот логор или гето во Европа за време на холокаустот.
Студијата, исто така, открива дека 41 отсто од припадниците на т.н. Генерација У сметаат оти бројот на Евреи убиени во холокаустот изнесува два милиони или помалку, а не шест милиони.
„Со образовниот акт ‘Никогаш повторно’ ќе создаде програма за грантови која ќе ја води Министерството за образование за да им обезбеди на наставниците обука и алатки за да ги научат учениците за холокаустот и за реперкусиите што може да ги имаат омразата и нетолеранцијата врз нашето општество.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Не грижете се, нема да има трета светска војна

Планетата повеќе не се движи кон трета светска војна, изјави американскиот претседател Доналд Трамп во интервју за новинарот Марк Левин.
Зборувајќи за конфликтот во Украина, тој истакна дека за време на администрацијата на поранешниот американски претседател Џо Бајден, ситуацијата само се влошувала.
„Мислам дека сè водеше кон трета светска војна, но сега не. Тоа е добра вест. Веќе не мора да се грижите за тоа“, рече Трамп.
„Ќе видиме како ќе се одвива процесот на решавање на кризата. Но, сè се движеше кон трета светска војна. Ова е најстрашната работа што се случила во однос на воените конфликти од Втората светска војна“, додаде тој.
Претседателот на САД, по средбата со претседателите на Русија и Украина, Владимир Путин и Володимир Зеленски, сака да ја процени можноста за дијалог меѓу нив без негово присуство.
„Имав многу успешна средба со претседателот Путин. Имав многу успешна средба со претседателот Зеленски. А сега помислив дека ќе биде подобро ако се сретнат без мене, само да видиме, сакам да видам што ќе се случи“, рече тој.
Трамп додаде дека, доколку е потребно, ќе им се придружи на Путин и Зеленски за да им помогне на страните да постигнат договор.
Фото: ЕПА
Свет
Ужас на базен во Швајцарија: 8-годишно дете случајно уби маж

Дете (8) уби маж на базен во Швајцарија. Ужасот се случи на 2 август, пред многу капачи.
Според извештаите, осумгодишно дете предизвикало смрт на шеесет и шестгодишен маж скокајќи од даска за скокање и удирајќи го човекот кој бил под вода.
Околу 14:30 часот, момчето се искачило на даската за скокање висока 5 метри. При влегувањето во водата, тој удрил 67-годишен пливач кој малку порано скокнал од истата даска и сè уште бил на местото.
И покрај брзата интервенција на службите за итни случаи, мажот, кој претрпел сериозни повреди, не преживеал, соопшти полицијата.
Обвинителството изјави дека семејството на детето само ја контактирало полицијата.
Како што истакна, спасувачите реагирале навремено и направиле сè што е во нивна моќ.
„Работата на спасувачите не била доведена во прашање на никаков начин во оваа фаза од истрагата. Интервенцијата била брза“, изјави обвинителството.
Според градот каде што се случила несреќата, спасувачите биле во полна сила во времето на несреќата. Лицето задолжено за надзор на базенот за скокање веднаш ги известило своите колеги за „судирот“ преку радио и скокнало во базенот за да ѝ помогне на жртвата.
Случајот ќе биде проследен до системот за малолетничка правда. Сепак, швајцарските медиуми забележуваат дека младиот пливач нема да потпадне под оваа регулатива, бидејќи таа се однесува само на деца над 10 години.
Свет
Трамп: Нетанјаху е воен херој, исто како мене

Американскиот претседател Доналд Трамп се нарече себеси „воен херој“ затоа што одобрил воздушни напади врз иранските нуклеарни објекти.
Појавувајќи се во радио емисијата на конзервативниот водител Марк Левин, Трамп рече дека израелскиот премиер Бенјамин Нетанјаху е воен херој затоа што работеле заедно.
„Тој е воен херој. Претпоставувам дека и јас сум. На никој не му е гајле. Но, и јас сум. Мислам, јас ги испратив тие авиони“, рече Трамп, очигледно алудирајќи на нападот што го нареди во јуни врз подземните нуклеарни објекти на Иран со цел уништување на нуклеарната програма на Техеран.
Нетанјаху е под потерница од Меѓународниот кривичен суд со месеци поради наводни воени злосторства во Газа.
Израелската офанзива врз Појасот Газа, која трае од нападот на Хамас на 7 октомври 2023 година, уби повеќе од 60.000 Палестинци, според извори контролирани од Хамас, додека Хамас тој ден убил околу 1.200 луѓе во Израел и киднапирал околу 200 и ги однел во Газа.
Самиот Трамп никогаш не служел во војна ниту служел во војската. За време на Виетнамската војна, тој добил пет одложувања на воената служба, вклучително и медицинско ослободување поради дијагноза на коскени израстоци на петиците кога имал 22 години.
Во 2015 година, тој предизвика контроверзии кога тврдеше дека републиканскиот сенатор од Аризона Џон Мекејн, кој поминал повеќе од пет години како воен заробеник во Северен Виетнам, не е воен херој затоа што, како што рече, повеќе ги сака луѓето кои не се заробени.
Во 2020 година, Атлантик објави дека Трамп приватно ги навредил паднатите американски војници, нарекувајќи ги „губитници“ и „наивни“. Трамп енергично ги негираше овие обвинувања.
Фото: ЕПА