Забава
Се продава „ролс-ројсот“ на Елизабет Тејлор, ќе постигне астрономска цена

Двојната добитничка на „Оскар“, Елизабет Тејлор, го поседувала зелениот „ролс-ројс“ со години. Тој бил најдолгата љубов на Лиз имајќи предвид дека го користела од 1959 до 1970 година. Автомобилот е зачуван во беспрекорна состојба и денес.
Познат е како „зелена божица“, а следниот месец ќе биде понуден на аукција. Станува збор за моделот Silver Cloud II Convertible со поминати 64.000 километри. И покрај фактот дека таквите модели се продаваат за 700.000 долари, овој автомобил би можел да достигне повеќе од 10 милиони долари поради многу познатиот сопственик.
Основачот на аукциската куќа Guernsey’s Auction, Арлан Етингер, кој i продава автомобили, вели дека работите што биле во сопственост на познатата актерка се продаваат за пет пати повисоки цени.
Тејлор го нарача зелениот „ролс-ројс“ во 1959 година кога се омажи со пејачот Еди Фишер, а испорачан ѝ е една година подоцна во хотелот каде што живееле. Таа ја избра зелената боја поради бојата на фустанот што го носеше на венчавката. Исто така, и седиштата биле преслечени во кожа со специфични нијанси на зелена боја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.
Забава
Тие никогаш нема да ви се јават први, не сакаат да изгледаат очајно

Без разлика колку им е грижа, на некои хороскопски знаци ќе им биде тешко први да се обратат, не затоа што не се заинтересирани, туку затоа што им е важно да го одржат впечатокот на самоконтрола, независност или едноставно, не сакаат да „изгледаат наметливи“. И додека од една страна тивко ја сакаат вашата порака, од друга страна гордоста или несигурноста се посилни.
Еве четири хороскопски знаци кои се мајстори во тоа.
Шкорпија
Шкорпиите сакаат да имаат контрола, и врз себе и врз ситуациите. Ако први проговорат, се чувствува како да губат моќ. Иако се интензивни, емотивни и лојални, честопати ќе се повлечат и ќе чекаат вие да го направите првиот потег. Зад тој „ладен“ став честопати лежи длабока емоционална потреба за сигурност, и само кога ќе им покажете дека ја има, тие ќе се отворат.
Јарец
Јарците не сакаат да ризикуваат кога станува збор за емоции. Тие се плашат дека ќе изгледаат послаби ако покажат дека им е грижа, па затоа претпочитаат да молчат, уверени дека вистинските луѓе ќе ви се обратат. Тие се пресметани и претпазливи, дури и во пораките; ако вие не го направите првиот потег, малку е веројатно дека ниту тие ќе го направат.
Девица
Девиците премногу размислуваат, за секоја реченица, за времето и за можниот одговор. Тие често ги анализираат малите нешта и се плашат дека ќе погрешат ако се премногу заинтересирани. Нивниот перфекционизам ги спречува, па затоа ќе одлучат да ја чекаат вашата порака, наместо да ризикуваат да изгледаат „очајни“.
Водолија
Водолиите често изгледаат дистанцирани, дури и кога длабоко се грижат. Тие не сакаат да покажуваат емоции на вообичаен начин и често играат на „картата на кул“. Ако очекувате да ве бомбардираат со пораки, тоа нема да се случи. Тие претпочитаат вие да ја водите играта и само кога ќе се чувствуваат безбедно, почнуваат да се насочуваат кон другите и да се отвораат.