Македонија
Вработените во „1ТВ“ на колективен одмор, не се знае дали ќе се вратат на работа
Вработените во „1ТВ“ од денес се на колективен одмор, а останува неизвесно дали ќе се вратат на работа. Ова следува кога Обвинителството за гонење организиран криминал и корупција го отвори случајот „Рекет“, каде што првоосомничен е Бојан Јовановски, кој се претставуваше како неформален сопственик на телевизијата.
Новинарката Кристина Атовска рече дека вечерашниот дневник можеби е последниот што се емитувал на „1ТВ“.
„Можеби ова е последниот дневник што го гледате. Случувањата поврзани со Бојан Јовановски влијаат на медиумот. ‘1ТВ’ беше цел на лажни вести за да се дискредитира новинарскиот кадар. ‘1ТВ’ во иднина може да биде остварување на професионалните планови на новинарите. Новинарскиот кадар на ‘1ТВ’ се гордее што докажа дека и покрај штетата што си ја нанесуваат на себе, постојат луѓе што ги бранат новинарските стандарди и новинарската професија. Да се надеваме дека ова не е одјава, туку нов почеток за рестартирање на ‘1ТВ’“, рече уредничката на вечерашните вести на телевизијата.
Елена Џугуманова, која исто така го уредуваше вечерашниот централен дневник на телевизијата, рече дека иднината на медиумот е доведена во прашање.
„Иднината на овој медиум, кој почна со емитување на програма од март 2018, е доведена во прашање. Со оваа информација го завршуваме централниот дневник и засега ви велиме довидување“, рече Џугуманова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.