Црна хроника
Завршил во болница откако проголтал дрога пред царинските службеници
Државјанин на Албанија бил пренесен во болница откако вчера на Ќафасан за да не го фати полицијата, ја проголтал белата материја што ја носел со себе.
Како што соопшти МВР, околу 22 часот на граничниот премин Ќафасан на влез земјава, при контрола на патничко моторно возило „пежо“ со албански регистарски ознаки, управувано од албанскиот државјанин A.H.(45), каде како сопатници во возилото биле A.А.(24) и Л.К. (29), од царински службеници извршен е преглед на возилото и во футрола за очила пронајдена е бела материја. Во просториите на царина на Ќафасан А.Н. ја земал и ја проголтал.
Лицето е префрлено во Медицинскиот центар во Струга, каде што му е укажана лекарска помош.
Се преземаат мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицијата уапси неколку лица по масовната тепачка пред ноќен клуб во Штип
Вчера во 05.30 часот во Штип, полициски службеници од СВР Штип ги привеле И.М.(27), И.Т.(20) и Н.Т.(22), сите од Кочани, затоа што околу 03.40 часот пред угостителски објект во Штип заедно со С.М.(34) од Штип го нарушиле јавниот ред и мир со физичка пресметка со А.С., М.П. и Д.Р., при што биле употребени тврди и остри предмети.
С.М. бил повикан на службен разговор во полициска станица. По целосно документирање на случајот ќе следува соодветен поднесок.
Црна хроника
Пукано кон возило во населбата „11 Октомври“
Вчера во 21.13 часот во СВР Скопје, Б.Ј. од Скопје пријавил дека едно лице од огнено оружје пукало во неговото патничко возило „опел корса“ со скопски регистарски ознаки, паркирано пред неговата куќа на подрачјето на населбата „11 Октомври“ во Скопје.
Увид на местото извршила екипа од Полициската станица Кисела Вода и биле пронајдени четири чаури.
Се преземаат мерки за расчистување на случајот.
Црна хроника
Скопјанка ограбена на Бит Пазар, насилно и било одземено ланче
Вчера во 16 часот во СВР Скопје, 63-годишната С.А. од Скопје пријавила дека околу 14.55 часот на подрачјето на Бит Пазар едно лице со употреба на физичка сила ѝ одзело ланче.
Се преземаат мерки за расчистување на случајот.