Македонија
СДСМ: Лага е дека на опозицијата не ѝ било дозволено да положи цвеќе на гробот на Карев
![](https://makfax.com.mk/wp-content/uploads/2019/08/makedonium-krushevo.jpg)
Втор ден, ВМРО-ДПМНЕ изнесува лаги во неуспешен обид да го оцрни големиот државен празник 2 Август – Денот на Републиката, реагира Социјалдемократскиот сојуз откако ВМРО-ДПМНЕ обвини дека не им било дозволено да се поклонат пред гробот на Никола Карев.
„И денеска од белиот дворец се шират лаги за наводни срамни скандирања, и денеска од белиот дворец лажат за наводни забрани за положување цвеќиња. ВМРО-ДПМНЕ не се појави на Македониумот во Крушево и не се поклони на гробот на Карев со единствена цел, да предизвикува нови поделби. Присутните на Мечкин камен вчера можеа да видат како делегацијата на ВМРО-ДПМНЕ стана од среде настап од Тешкото на Танец за да држи прес-конференција на која изнесе лаги и дезинформации. Тоа е непочит кон македонската традиција“, наведе СДСМ во реакцијата.
Според СДСМ, вчерашното одбележување на Илинден во Скопје, Крушево и Пелинце е пример за државничко чествување на најголемите државни празници, кога сите граѓани без разлика на етничката, верската или политичката припадност треба да се сплотат околу вредностите на Илинден.
Владејачката партија додава дека Илинден постои да обединува, а не за да дели како што тоа го прави ВМРО-ДПМНЕ дури и на најголемиот државен празник.
Вчера од Владата преку соопштение искоментираа дека ВМРО-ДПМНЕ биле уредно поканети и потврдени, но не се појавиле во Македониумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
СДСМ: ВМРО-ДПМНЕ го враќа градоначалникот Коце Трајановски кој го спроведе најголемиот градежен криминал во историјата на земјата
![](https://makfax.com.mk/wp-content/uploads/2024/03/sdsm4.jpg)
По неколку владини одлуки и шака нови функционери ВМРО-ДПМНЕ го фаќа правецот назад, кон 2016 година, велат од СДСМ.
„Јавното претпријатие за државни патишта со буџет од над 600 милиони евра ВМРО-ДПМНЕ му го довери на Коце Трајановски. ВМРО-ДПМНЕ го враќа градоначалникот кој го спроведе најголемиот градежен криминал во историјата на земјата, проектот Скопје 2014, му се даваат 600 милиони евра во рацете и моќ да раководи со најголемите инфраструктурни и градежни проекти. Во исто време, Коце Трајановски е косопственик и управител на фирмата Косистеми ДОО чија дејност опфаќа и градежништво. Ова е најава за огромна корупција која се подготвува во ова претпријатие“, дополнуваат од СДСМ.
Според партијата, ова не е промена туку правец назад.
„ Граѓаните не гласаа за враќање назад туку за промена која воопшто не се случува и тешко дека ќе се случи“, завршуваат од СДСМ.
Скопје
Без вода дел од Карпош
![](https://makfax.com.mk/wp-content/uploads/2022/10/slavina-cesma-voda-2.jpg)
Од ЈП Водовод и канализација известуваат дека на ул.Ловќенска 33 поради санирање на прикључна цевка од 5/4” водоснабдувањето ке биде прекинато од 08часот се до санирање на истиот , поради што без вода ќе останат корисниците од ул.Ловќенска.(општина Карпош)
Македонија
Променливо облачно време со сончеви периоди, максимална темепратура до 30 степени
![](https://makfax.com.mk/wp-content/uploads/2017/05/oblak-redok.jpg)
Променливо облачно и посвежо во западните и крајните источни делови со локален пороен дожд и ретки грмежи. Ќе дува слаб до умерен, а долж Повардарието повремено засилен ветер од северен правец. Минималната температура ќе биде во интервал од 10 до 17, а максималната ќе достигне од 24 до 31 степен. UV=7
Во Скопје променливо облачно со сончеви периоди. Ќе дува умерен северен ветер. Минималната температура ќе се спушти до 16, а максималната ќе достигне до 30 степени.
Од петок следува период на сончево време со мала до умерена локална облачност. Дневната температура ќе биде во пораст, а особено топло ќе биде во недела и во првите денови од следната седмица.