Свет
Рохани го предупреди Трамп, војната со Иран е „мајка на сите војни“
Иранскиот претседател Хасан Рохани изјави денеска дека војната со Иран е „мајка на сите војни“ и уште еднаш предупреди дека бродовите можеби не се безбедни во Ормутскиот Проток.
Тој го изјави ова на државната телевизија, истакнувајќи дека мирот со Иран е „мајка на целиот мир“, пренесува „Ројтерс“.
Рохани додаде дека ако САД сакаат да преговараат со Иран, тие мора да ги укинат санкциите, нагласувајќи дека на Иран мора да му се дозволи да извезува нафта.
„Не може Ормутскиот Проток ц да биде слободен за поминување за вас, а Гибралтар да не е за нас“, рече Рохани.
Наводно, околу една петтина од светскиот транспорт на нафта е преку стратешкиот Ормутски Проток.
Најновиот инцидент се случи во неделата кога иранската гарда заплени ирачки танкер со нафта, за кој рекоа дека шверцувал нафта и уапсија седум членови на екипажот по тој повод.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД планираат да ја пренасочат испораката на системот „Патриот“ во Украина
Администрацијата на американскиот претседател Џозеф Бајден планира да ги суспендира сите тековни нарачки за системи за противвоздушна одбрана и ракети пресретнувачи „Патриот“ и да ја пренасочи нивната испорака во Украина додека не се задоволат одбранбените потреби на земјата, пишува денеска „Фајненшл тајмс“.
Овој потег би можел да биде објавен подоцна во текот на денот, се вели во извештајот на ФТ цитирајќи три добро информирани луѓе запознаени со потегот.
Како што пренесува „Ројтерс“, Украина бара американски ракетни системи „Патриот“, кои се покажаа како витални за способноста на Киев да соборува руски балистички и хиперсонични ракети.
Регион
БиХ: Поради високите температури, работата на отворено е прекината од 12 до 17 часот
Министерството за труд и социјална политика на Федерацијата Босна и Херцеговина денеска им препорача на работодавците дека поради високата температура на воздухот, да ја разгледаат можноста за прекин на работата на отворено од 12 до 17 часот.
„Доколку работата на работодавецот е организирана така што не може да се примени оваа мерка, се препорачува работниците што работат на отворено да почнат со работа од 6 часот наутро“, се вели во соопштението на Министерството, пренесува „Срна“.
Во соопштението се посочува дека работодавците треба да им обезбедат на работниците посоодветна облека, приспособена на високата температура, како и користење годишен одмор за вработените со дијагностицирани хронични заболувања.
Свет
Путин и Лам ја усвоија изјавата за стратешко партнерство меѓу Русија и Виетнам
Претседателите на Русија и Виетнам, Владимир Путин и То Лам, денеска, во Ханој, усвоија изјава за натамошно продлабочување на сеопфатното стратешко партнерство на двете земји по повод 30-годишнината од спроведувањето на руско-виетнамскиот договор за основа на пријателски односи.
За време на посетата на Путин на Виетнам беа потпишани најмалку 11 договори, пренесува ТАСС.
Станува збор за договори за соработка меѓу двете земји во областа на енергетиката, високото образование, правосудните институции, даночните служби и царината.
Потпишан е и договор за изградба на нуклеарен научно-технолошки центар во Виетнам со учество на руската државна корпорација за атомска енергија „Росатома“.
Потпишан е и договор за соработка меѓу Русија и Виетнам во развојот на лабораториска инфраструктура за борба против епидемии.
Ова е петта посета на Путин на Виетнам, а прва од 2017 година.
Путин пристигна во Виетнам во средата вечерта по посетата на Северна Кореја, при што го потпиша договорот за стратешко партнерство со лидерот на таа земја, Ким Џонг-ун.