Македонија
Министерство за здравство: Во тендерот за изградбата на Клиничкиот центар нема ништо спорно
Во тендерот за изградбата на Клиничкиот центар нема ништо спорно ниту пак сомнително, реагира Министерството за здравство по обвинувањата кои претходно денеска беа изнесени од страна на опозицијата. Од Министерството тврдат дека ВМРО-ДПМНЕ лаже и додаваат дека за изградбата на новиот Клинички центар, граѓаните се транспарентно и континуирано информирани.
„Во смисла на оваа постапка за јавна набавка, согласно важечкиот Закон за јавни набавки, државата може да распише тендер за изградба на нов Клинички центар. Во врска со тоа, објавен е тендер – клуч на рака, кој подразбира проектирање, изградба, опремување, трансфер планови и реализација, обука на персонал, како и одржување на објектот и опремата за определен период за секоја последователна фаза.
Финансиската рамка за новиот Клинички центар е позната уште во 2009 година, и е содржана во физибилити студијата за пресметување на гринфилд локација, од Студијата за изводливост на проектот преместување на Универзитетските клиники во Скопје на гринфилд локација која е правена во време и нарачка од претходната влада. Насоките од оваа студија, тогашната влада ниту пак ги почитувала и наспроти јасните насоки се решиле да го реконструираат стариот клинички центар.
Во врска со финансирањето за изградбата на Клинички центар, согласно Законот за јавни набавки, тендер се распишува со планирани средства и истите ќе бидат на сметка во моментот кога ќе настанат обврските, поточно кога ќе се потпише договор.
Договорната обврска ќе настане во 2020 година, а во Буџетот на Република Северна Македонија ќе биде отворена наменска сметка во тој момент кога ќе завршат преговорите со кредиторите – постапка што се води согласно Законот за јавен долг. Таа постапка ќе заврши со закон за заем којшто се носи во владина и собраниска процедура.
Министерството за здравство и понатаму е отворено и транспарентно за појаснување или одговарање на прашања и дилеми поврзани со новиот Клинички центар, кој се реализира во согласност сите важечки закони и прописи во нашата држава.
Со изградбата на новиот Универзитетски Клинички центар сите граѓани во нашата држава ќе добијат модерна и квалитетна здравствена услуга“, велат од Министерството во реакцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.
Македонија
Остануваат уште 9 дена изборна кампања: партиските агенди и денеска набиени
Уште 9 дена изборна кампања. И денеска лидерите на партиите, заедно со носителите на листи, како и кандидатите за претседател, ќе ги презентираат своите изборни програми.
Кандидатот за претседател поддржан од СДСМ, Стево Пендаровски, денеска ќе оствари средба со жителите на село Велебрдо и со жителите на општина Маврово.
Гордана Силјановска Давкова, исто така, ќе има средби со граѓани, додека коалицијата што ја поддржува предводена од ВМРО-ДПМНЕ ќе ја презентира програмата за парламентарните избори пред граѓаните во Могила, Ресен, Демир Хисар и Битола.
Претседателот на Движењето ЗНАМ – За наша Македонија, Максим Димитриевски, ќе оствари средби со граѓаните на Крушево, Кичево, Струга и Охрид.
Во Штип на народен собир ќе се обрати претседателот на Левица, Димитар Апасиев.
Првиот човек на ДУИ, Али Ахмети, ќе се сретне со граѓаните на Струга и Дебар, а претседателот на Демократското движење, Изет Меџити, дел од Коалицијата „Вреди“ во рамките на изборните активности ќе даде изјава за медиумите во 12 часот во близина на „Веро“ во Чаир.