Македонија
Мицкоски: Мора да има одговорност, ,,Рекет” е дел од поширок криминален октопод кој управува со државата
„Потребна е одговорност за секој кој учествувал, директно или индиректно, во случајот ‘Рекет’, кој е дел од поширок криминален октопод кој управува со државата. Но, јасно е дека со оваа власт зафатена од овој криминален октопод, правда не може да се очекува”, смета претседателот на опозициската ВМРО-ДПМНЕ, Христијан Мицкоски.
„Одговорност мора да има – е ехото кое деновиве силно татне, кажано од домашните политичари, аналитичари и граѓани, но и од претставниците на меѓународната заедница. Но, дали сите исто подразбираме кога велиме ‘одговорност мора да има’. Во текот на вчерашниот ден до мене стигна информација дека Катица била готова и дека прашање на денови е кога ќе завршела во притвор. ‘Ајде мајката’ – е крикот на Зоран Заев. Па ќе излезе Стево Пендаровски и ќе го повтори истото, дека одговорност мора да има. Сето ова изгледа прозаично без нималку навигација за полесно делоцирање на одговорноста, како на пример дали оние двајцата осомничени или нивниот нов цимер (прашање на денови) можеа ова да го прават без огромна поддршка од Кики, Фрики, Шеки и Зоки Поки, дали беше толку тешко да се стигне до телефонот на новиот потстанар во Шутка па беа потребни денови. Случајот е пријавен во февруари/март со доказите, а се чекаше јули/август да се лоцира каква таква одговорност”, вели Мицкоски за аферата „Рекет“.
Според него, „колку од рекетот заврши во телевизијата каде везден беседеа властодршците убедувајќи нè дека блескаме и нели е тоа нематеријална корист за раководството на една политичка партија, дали некој се сети да ги праша бардовите наши новинарски кои беседеа со властодршците во стилот … Да, да во право сте, одлично, секоја чест, браво, навистина прекрасно, овие од опозицијата, анти-НАТО, анти-ЕУ, ма катастрофа, Мицко бил ваков бил таков, обична марионета, како и колку се вистинити бројките во книгите на телевизијата за нивните месечни примања или има нешто можеби од медот, или па можеби ги праша некој вработените таму дали и како издржуваат со 12.000 денари плата во месецот (на минималец пријавени). Што ќе речат другите медиуми кои немаат прилика и магионичарски способности, па мака мачат на пазарот да обезбедат егзистенција за вработените и уште многу зошто и многу затоа, но затоа ‘љубави’ (или хубави) ќе повика на одговорност во клучниот момент, а Зоран Заев ќе рече во најблиското опкружување, Стево нè предаде..„
Мицкоски смета дека е потребна е одговорност за секој кој учествувал, директно или индиректно во случајот ,,Рекет”, кој е дел од поширок криминален октопод кој управува со државата.
„Но, јасно е дека со оваа власт зафатена од овој криминален октопод правда не може да се очекува. Во тој контекст тргнати се да нè уверуваат дека криминалот не е криминал, а неправдата всушност била правда. Но, ќе потсетам дека ова не е првпат Заев да биде ‘погрешно разбран’ или под ‘напад на мрачни сили кои ќе ја дестабилизираат и закочат Македонија.
Кога излезe скандалот „Глобал“, случај тежок 8.5 милиони евра, а потоа и го аболицираа за истиот, тој велеше дека бил жртва на монтиран случај.Потоа истиот тој Заев во неговата канцеларија во Струмица го видовме лаконски седнат во кожна фотелја бара мито, за она кај Мирчо свињарникот. И кога се објави овој скандал тој ни кажа дека погрешно бил разбран, човекот не барал мито туку градел црква. Се разбира и за ова беше амнестиран, овој пат неформално, но суштински одбегна правда, од истото рускоска-обвинителство кое и денес го води случајот ‘Рекет’.
Третиот флагрантен случај на лепливите прсти на Заев беше кога во разговор со божемниот Порошенко се впушти во иницијативата со сто илјади евра да го поткупи Вартоломеј, па дури и беше среќен зошто за ова мито поминал со попуст. Кога се дозна ова во јавноста Заев соопшти дека човекот e филантроп и сакал да помогне на црквата. Една година траел срамот и разговорите со божемниот Порошенко. За овој случај нема ниту истрага”, вели Мицкоски и додава:
„Денес кога со аферата ‘Рекет’ гледаме како гавазите на власта харале низ државата и тргувале со правдата, црпејќи ја моќта од Заев тие (СДСМ) ни велат ‘Рекет’ бил наместен случај од опозицијата за рушење на правната држава, што е чисто фијаско од одбрана, приказна за мали деца во која ни тие не веруваат, а голем дел велат комичен настап, во случај кога сите го напуштаат бродот што тоне.
Арогантното молчење и по некое евтино спинче на младиот портпарол или некоја нарачка на министерот за пропаганда во заминување нема да ја поматат јасната слика, која е поразителна за власта. Треба и тие, но и сите луѓе на власта да знаат дека Македонија не е пашалак на Заевци, а народот заробеник на нивниот криминал. Во услови кога бродот на Заев тоне, а свирењето фајрон е прашање на денови, правда мора да има, зашто тоа не е прашање на избор, туку единствен начин да се стави крај на овој криминал. Тоа е нашата должност кон татковина, наша обврска и кауза. Месеци ја делат Македонија од вистинска #ОбноваНаМакедонија, да покажеме дека веќе нема место за повластена политичка каста туку за политичари кои ќе служат на граѓаните и Македонија, а тие кои се огрешиле пред законот и се посрамотиле пред граѓаните да понесат одговорност”, вели Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нема бојкот на претседателските избори, сите што излегле на парламентарните, гласале и за претседател, уверува Даштевски
Нема бојкот на претседателските избори, сите што излегле на парламентарните, гласале и за претседател, вели претседателот на ДИК, Александар Даштевски.
„На неколку места се појавија технички проблеми, кои во меѓувреме се решаваат, таму гласањето ќе продолжи на стариот начин со УВ-ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, Куманово, Тетово и во Гази Баба.
Како што дополнува, има доставено и 15 приговори за избирачко право и само три од нив се одбиени.
Во однос на одѕивот на парламентарните избори, до 9 часот, по обработените податоци од 1.033 избирачки места, гласале 4,45 %. Според податоците на ДИК, најголем одѕив има во Пробиштип, а најмал за парламентарните има во Боговиње (1,43 %).
Во Македонија утрово почнаа парламентарните избори и вториот круг од претседателските.
Избирачките места, од кои вкупно 3.480 беа отворени во 7 часот, а ќе бидат затворени во 19 часот.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавците не треба да извршуваат дејност со исклучок на оние каде што работните процесите поради својата природа не може да се прекинат.
Поради првиот круг од претседателските избори, неработен беше и 24 април. Според одлуката на техничката Влада, двата неработни дена нема да се одработуваат.