Свет
Новите правила за мигрантите изгравирани и на Статуата на слободата
Директорот на американската федерална Служба за државјанство и имиграција, Кен Кучинели, го дополни текстот што е изгравиран на Статуата на слободата во Њујорк, за тој да биде во согласност со новата уредба за одобрување на зелен картон за мигрантите.
Во текстот на писателката Ема Лазарус ,,Дајте ми ги своите уморни, своите сиромашни, свите збиени маси кои чезнеат да дишат слободно”, Кучинели додал „и кои знаат дека стојат на своите нозе и да не бидат на товар на државата”, пренесува Би-би-си.
Уредбата што е усвоена во понеделникот предвидува дека легалните мигранти нема да можат да добијат зелен картон, ако меѓу другото кориселе поволности како живеење во државни станови или помош во храна.
Во интервју за радиото НПР, Кучинели го прашаа дали смета дека зборовите од песната на Ема Лазарус од 1883 година испишани на Статуата на слободата и понатаму се актуелни и дали сè уште се дел од американскиот дух, одговори: „Секако дека се, со додавка – дајте ми ги своите уморни и сиромашни кои знаат да стојат на своите нозе и да не бидат на товар на државата”.
На прашањето дали со новата уредба се менува дефиницијата на ,,американскиот сон”, Кучинели вели: ,,Никој кој овде не е роден како Американец нема право да стане Американец”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелскиот министер за одбрана: „Кога Израел ќе возврати, Иран нема да разбере што го снашло“
Израелскиот напад врз Иран ќе биде „смртоносен, прецизен и особено изненадувачки“, изјави министерот за одбрана Јоав Галант.
Говорејќи за време на посетата на Разузнавачката единица 9900 на израелските одбранбени сили (ИДФ) – единица која собира разузнавачки информации, Галант рече дека Иран „нема да разбере што го снашло или како го снашло“.
Нападот на Иран минатата недела, од друга страна, беше „агресивен, но не успеа бидејќи беа неточни“, рече тој.
Галант нагласи дека иранскиот напад не им наштетил на израелските воздухопловни сили (ИАФ), дека сите аеродромски писти се во функција, дека ниту еден авион не е оштетен и дека ниту војници, ниту цивили не се повредени.
Галант додаде дека целиот израелски безбедносен систем, од војниците на теренот до премиерот, е во целосна согласност за прашањето за ударот на Иран: „Целиот синџир на команда е усогласен и фокусиран на ова прашање“, заклучи тој.
Свет
Европската унија договори заем од 35 милијарди евра за Украина
Амбасадорите на земјите-членки постигнаа договор за правна основа за заем од 35 милијарди евра за Украина, кои би се враќале од приходите од замрзнатите руски средства, соопшти унгарското претседателство, пренесуваат медиумите во регионот.
Групата Г7 и Европската унија во јуни најавија дека на Украина ќе и дадат заем до 45 милијарди евра, од кои ЕУ ќе обезбеди 35 милијарди. Заемот ќе биде отплатен со средства од руските средства замрзнати од ЕУ откако Москва ја нападна Украина.
Според соопштението на унгарското претседателство, амбасадорите на земјите членки се договориле да покренат писмена постапка за донесување на прописи кои се основа за користење на приходите од замрзнати средства.
Според написите, најважен дел од тој пакет е предлогот за регулатива за воспоставување посебен механизам за соработка за заем за Украина. Дел од пакетот е и предлог за продолжување на периодот за обновување на санкциите против Русија од шест месеци на три години, но за тоа се уште нема договор. Унгарија ја задржува согласноста додека не се одржат претседателските избори во САД.
Продолжувањето на периодот за обновување на санкциите од шест на 36 месеци е клучен услов за учество на САД во механизмот. Вашингтон стравува, според напишаното, дека ќе мора да го поднесе товарот за враќање на тој заем, бидејќи продолжувањето на санкциите бара консензус во ЕУ.
Предлогот за заем за Украина мора да биде одобрен и од Европскиот парламент бидејќи вклучува заеднички буџет на ЕУ. За него се очекува пратениците да гласаат во втората половина на овој месец.
Свет
„Напишете го вашето име со маркер на раката“: Јавниот обвинител на Флорида до оние кои одбиваат да се евакуираат
Јавниот обвинител на Флорида, Ешли Муди, пред ураганот „Милтон“ рече дека „ако ви кажат да се евакуирате затоа што ќе ве погоди ураган и не можат точно да го предвидат бранот и ако сте во зона на евакуација, веројатно треба да го ставите вашето име со постојан маркер на вашата рака, за луѓето да знаат кој сте кога ќе ве најдат подоцна.”
Предупредувањето е едно од многуте на официјалните претставници на Флорида што ги издадоа за да ги охрабрат луѓето во зоните за евакуација веднаш да ги напуштат своите домови.
Ураганот „Милтон“, кој моментално е ураган од четврта категорија, се очекува вечерва да удри на западниот брег на Флорида.
„Ги повикав сите на патот на ураганот „Милтон“ да ги слушаат локалните власти и да ги следат безбедносните упатства, ако ви биде наредено да се евакуирате, веднаш треба да се евакуирате“, рече Бајден.
„Ова е прашање на живот и смрт – и ова не е претерување – ова е прашање на живот и смрт“, повтори американскиот претседател.