Забава
Ед Ширан се повлекува од музичката сцена
Британскиот пејач Ед Ширан (28) на неговиот концерт во понеделникот во Ипсвич изјави дека се повлекува од музичката сцена. Турнејата „Divide“ со која е крајно задоволен ќе биде негова последна, пишува „Сан“.
Тој рече дека ќе биде отсутен барем една и пол година, и решил да поминува повеќе време со својата сопруга Чери Сиборн. Двојката во јули потврди дека тајно се венчале и дека се заедно уште од средно училиште.
„Како што знаете, повеќе од две години сум на турнејата „Divide“ и ова е последниот ден. Има нешто многу интересно во сето ова, навистина ми е драго што сте тука и сè завршува во Ипсвич. Ова е секако мојата последна свирка во наредните 18 месеци“, рече тој за време на настапот во Ипсвич.
„Девет милиони луѓе, 893 дена, 46 земји, 175 градови, 260 настапи, 268 членови на тимот, две скршени раце, три брака, четири деца. Оваа турнеја на ‘Divide’ беше дива“, кажа Ед.
На крајот, додаде дека е многу важно за него да биде со Чери и да основаат семејство бидејќи не планира цело време да биде отсутен.
За време на отсуството од сцената, тој ќе работи на нов албум.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Украинската претставничка падна на евровизиската сцена: имаше голем пех пред полуфуналето
Снимка од познатата украинска раперка ги обиколи социјалните мрежи.
Аљона Аљона и Џери Хејл, кои годинава ја претставуваат Украина на Евровизија, имаа лоша среќа на една од пробите. Додека Џери пееше, раперката Аљона Аљона почна да излегува на сцената за да си го одработи својот дел, а потоа се сопна и падна на бината.
oh HELL NO….. pic.twitter.com/74rCHG2L4S
— 𝐊𝐇𝐀𝐂𝐇𝐎 🇦🇲🇺🇦 (Jerry Heil's husband) (@KUNT60D41N) May 6, 2024
Видеото се појави на социјалната мрежа Икс (поранешен Твитер).
Инаку, Украина има големи шанси да се пласира во финалето и важи за еден од главните фаворити за победа оваа година. Обложувалниците им предвидуваат трето место, но ситуацијата се менува од час во час. Сепак, пред тоа треба да го минат првото полуфинале кое се случува вечерва.
Вечерва покрај Украинките ќе настапат и претставници на Кипар, Литванија, Ирска, Полска, Хрватска, Исланд, Словенија, Финска, Молдавија, Азербејџан, Австралија и Луксембург.
Во четврток ќе настапат натпреварувачи од Малта, Албанија, Грција, Швајцарија, Чешка, Австрија, Данска, Ерменија, Латвија, Сан Марино, Грузија, Белгија, Естонија, Израел, Норвешка и Холандија.
Директни финалисти се Велика Британија, Италија, Германија, Франција, Шпанија и домаќинот Шведска.
Забава
(Видео) 22-годишна пејачка на Мет Гала дојде во необична креација: и беше потребна помош при движењето
Јужноафриканската пејачка Тајла ги привлече сите погледи на овогодинешната Мет Гала во необична креација.
22-годишната девојка пристигна во фустан од Balmain прекриен со песок, во комбинација со чанта во форма на песочен часовник.
Tyla is lifted up the stairs at the #MetGala. pic.twitter.com/XYpkS41WMG
— Variety (@Variety) May 6, 2024
На Тајла ѝ била потребна помош при качување по скалите поради оваа креација, а подоцна пет мажи носеле дел од нејзиниот фустан кој се влечел по подот. На прашањето дали воопшто би можела да седне во овој фустан, пејачката кратко одговорила: „Кому му е гајле, луѓе, јас сум слатка“.
Официјалниот дрес код за настанот беше „градината на времето“, а Тајла претходно објасни за Vogue дека нејзиниот фустан е инспириран од „песокот на времето“. Креативниот директор на Balmain, Оливие Рустинг, изјави дека е воодушевен од идејата за оваа креација.
„Инспирацијата за оваа креација дојде од желбата да се редефинираат границите и да се трансформира ефемерниот материјал во безвременско ремек-дело. Идејата ја разгоре мојата имагинација и не можев да бидам посреќен со крајот“, рече тој.
Забава
Во Малме вечерва првото полуфинале на Евровизија
Вечерва во Малме со почеток во 21:00 часот ќе се одржи првото полуфинале на Евровизија, а за пласман во финалето се борат 15 земји.
Вечерва пред публиката од земјите членки на големата петорка ќе се претстават и Велика Британија и Германија, како и Шведска, која како домаќин избори пласман во финалето.
Годинешното издание на Евровизија го одбележа и политичката ситуација во светот, особено војната во Газа, поради што веќе се одржуваат протести ширум Шведска. Меѓу демонстрантите има негодувања затоа што на Израел му беше дозволено да учествува, а Русија претходно беше исфрлена поради војната во Украина.
Во втората полуфинална вечер закажана за овој четврток ќе настапат Израел и нивниот претставник Еден Голан, а и’ е препорачано да не излегува од хотелската соба.
Шведската полиција е во состојба на готовност и дури побарала засилување од Данска и Норвешка за време на натпреварот.