Свет
Украинскиот режисер осуден за тероризам во Русија префрлен во Москва
Украинскиот филмски режисер Олег Сенцов, осуден во Русија за заговор за терористички напади на Крим, е префрлен во Москва од казнената колонија во Лабитнанги, во автономниот регион Јамало-Ненец, за да биде разменет, изјави за ТАСС извор запознаен со ситуацијата.
„Сенцов е префрлен во Москва од колонијата Лабитнанги и однесен во притворен центар“, вели изворот без да наведе детали.
Меѓутоа, адвокатот на Сенцов, Дмитриј Динзе, изјави за ТАСС дека не е запознат со плановите за размена на неговиот клиент за Руси затворени во Украина.
Минатата недела украинските медиуми објавија дека Киев и Москва имаат намера да извршат размена на затвореници врз основа на формулата „33 за 33“. Рускиот омбудсман за човекови права, Татјана Москалкова, го посети Киев пред неколку дена, но нејзината агенда остана нејасна.
На 25 август 2015 година воениот суд на Русија во Северен Кавказ го осуди Олег Сенцов на 20 години затвор под обвинение за организирање терористичка група во Крим. Во пролетта 2014 година членовите на групата извршија два терористички напади во Симферопол, запалувајќи ги канцелариите на руската заедница на Крим и огранокот на партијата „Обединета Русија“. Според истрагата, тие планирале и други терористички напади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.