Забава
Поранешна затвореничка избрана како модел за нова колекција на долна облека на Ким Кардашијан-Вест
Шеесетгодишна жена која беше ослободена од затвор по 19 години поради кампањата на Ким Кардашијан-Вест, беше подоцна избрана како модел за новата колекција на долна облека на ѕвездата.
Кардашијан-Вест лобираше за ослободувањето на Алис Мари Џонсон, која беше осудена на доживотен затвор поради учество во продажба на дрога во 1996 година.
Телевизиската ѕвезда објави на „Твитер“ видео од Џонсон облечена во нов модел од долната облека „Скимс“.
„Ким водеше војна за мене, се бореше за мојата слобода“, изјави Џонсон, која е мајка на пет деца.
„Таа е мојот ангел борец“.
Џонсон била осудена на доживотен затвор од страна на суд во САД во 1996, за прв, ненасилен престап. Таа била невработена и скоро разведена, па се вклучила во синџир на продажба на дрога во кој учествувала како посредник меѓу дистрибутерите и продавачите.
„Учествував во продажба на дрога и виновна сум“, Џонсон изјави во 2016 година. „Тешко е да си замислам дека отслужив 20 години за една грешка“.
Во 2016 за Џонсон била потпишана петиција која била отфрлена од страна на администрацијата на Обама, но нејзината казна беше скратена од страна на претседателот Доналд Трамп по кампањата предводена од Ким Кардашијан-Вест и Џеред Кушнер.
Џонсон беше ослободена во 2018.
„Секој миг за мене е бесценет“, вели Џонсон во видеото што Кардашијан го сподели на „Твитер“ на своите 61,7 милиони следбеници.
Новата колекција на долна облека на Кардашијан веќе беше цел на јавноста, откако ѕвездата на реалното шоу беше обвинета за присвојување туѓа култура, па беше принудена да го промени името на колекцијата која претходно го носеше името „Кимоно интимејтс“.
Голем број Јапонци имаа поплаки за брендот, за кој тврдеа дека е знак на непочитување на нивната традиционална облека.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.