Забава
Во фаза на тестирање е лек што може да го одврати процесот на стареење
По сè изгледа, човештвото е на работ на откритие на првиот лек што го одвраќа процесот на стареење, барем така сметаат научниците што стојат зад почетната фаза на клиничките истражувања за ваквиот лек, пишува стручното списание „Њу сајантист“.
За време на прелиминарната студија, деветмина мажи во текот на една година зале коктел од лекови, чија примарна цел е да го поништат стареењето, а по завршувањето на тестирањето, во биолошка смисла биле една и пол година помлади во споредба со почетната состојба.
Ова е прво човечко клиничко испитување на лек што може да го промени процесот на стареење и го продолжува животниот век. Сепак, резултатите не се сметаат за целосно релевантни бидејќи студијата не вклучувала друга контролна група за плацебо-ефект.
Мажите на возраст од 51 до 65 години, во текот на една година, од три до четирипати неделно, зеле човечки хормон за раст (rhGH), а за да ја тестираат ефикасноста на лекот, научниците ја мереле нивната биолошка возраст на почетокот и крајот на студијата.
Сите се свесни дека луѓето имаат хронолошка возраст, односно бројот на свеќички што секоја година ги ставаме на роденденската торта. Но, исто така имаме и епигенетска, односно биолошка возраст, што покажува колку бргу пропаѓаат нашите клетки во споредба со општата популација. Хронолошката и биолошката возраст може да се разликуваат, но се смета дека епигенетиката подобро го предвидува очекуваниот животен век.
Научниците за време на студијата користеле четири методи за определување на епигенетската возраст, а сите тие покажале дека биолошката возраст на испитаниците е една и пол година помлада отколку на почетокот на третманот.
Сепак, со оглед на тоа што многумина мислат дека оваа студија треба да се земе со резерва бидејќи вклучува мал број учесници и била спроведена без контролна плацебо-група, научниците планираат набргу да ја повторат вклучувајќи и плацебо-група, односно овој пат лекот би се тестирал на 100 учесници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Oткриено е зошто Ана де Армас ја прекинала врската со Том Круз: „Сè се одвиваше премногу брзо“
Холивудската актерка Ана де Армас и славниот Том Круз раскинале по девет месеци врска, пишува „Ју-ес викли“.
Извор близок до парот открил дека Ана се чувствувала „непријатно“ поради тоа колку брзо се одвивала нивната врска, иако меѓу нив, како што се наведува, „постоела неоспорна хемија“.
Двајцата глумци се запознале за време на снимањето на трилерот „Дипер“, а нивната блискост на сетот прераснала во романса. По прекинот, останале во пријателски односи и планираат да продолжат со заеднички проекти.
Забава
(Видео) „На брод сите знаат сè“ – работничка предупредува на љубовните драми на крузерите
Луси Саутертон, поранешна масерка од Бирмингем која од 19 години работела на крузери, споделува дека романтичните врски меѓу членови на екипажот ретко завршуваат добро. Таа објаснува дека на брод „нема бегство“ – сите живеат, работат и се дружат заедно, па љубовните врски брзо стануваат комплицирани.
„Кога врската ќе заврши, останувате заробени со бившиот. Го гледате секој ден, со сите заеднички колеги што знаат сè,“ раскажува Луси на својот YouTube канал Cruising As Crew.
Таа предупредува дека, иако животот на море изгледа гламурозно, љубовните драми на бродот можат брзо да се претворат во ноќна мора.
Забава
Реакции на социјалните мрежи по настапот на Цеца во Велес
Настапот на пејачката Светлана Цеца Ражнатовиќ во Велес предизвика бројни реакции на социјалната мрежа „Икс“ , откако за време на концертот таа се завитка во бугарско знаме кое и’ го дадоа од публиката.
Корисници од Македонија споделуваат видеа и коментари од настанот. „Ја би ги исвиркал сите што отидоа на концерт на Цеца“, напиша еден корисник, додека друг иронично праша: „Дали Цеца ќе го истетовира МК знамето?“
Има и коментари кои сугерираат дека моментот бил резултат на провокација: „Бугарското знаме ѝ го подметнаа обични провокатори и добија што си бараа“ стои во еден од постовите, како и многу кои на комичен начин се осврнаа на настанот.
“Дали УДБА преку искористување на Цеца со бугарско знаме во Велес, се обидува да го
опструира приближувањето на официјални Софија и Скопје околу т.н. француски предлог?”Утринско ВасКафе ☕️😄 pic.twitter.com/Pn5kmq1Wcq
— Далибор 🇲🇰 (@Pobeda2024) November 1, 2025
Цеца за Hallowen се преправи во бугарка 👻
— elizabethand (@eliza_and_beth) November 1, 2025
Колку од тие што и свиреле на Цеца се со бугарски пасош? Зна ли се шта?
— Iv0P0p Sivi 🦅 (@IvoPop_) November 1, 2025
И цеца не влезе во устав.
— Робин Луд (@vladimirmk) November 1, 2025
Цеца се огласи коментирајќи дека не сакала да навреди никого, најмалку домаќините, како и дека таа секогаш прифаќа знамиња од публиката.

