Забава
Научниците пронајдоа вода на планета слична на Земјата
Астрономите првпат открија водена пареа во атмосферата на планетата која е надвор од Сончевиот Систем и е оддалечена 110 светлосни години. Според научниците, оваа планета е на вистинска оддалеченост од своето „сонце“, така што ги исполнува двата основни услови за потенцијален живот: вистинска температура и вода.
Сепак, научниците предупредуваат дека не треба веќе сега да се зборува за „втора Земја“. Планетата е двапати поголема од Земјата и има осум пати поголема маса. Ѕвездата околу која кружи – К2-18 – исто така не може да се спореди со Сонцето. Освен тоа, сè уште не е јасно дали откриената вода навистина тече на површината, велат авторите на студијата објавена во Nature Astronomy.
Планетата К2-18б беше откриена во 2015 година со помош на американскиот вселенски телескоп Кеплер. Водената пареа сега е откриена со помош на телескопот Хабл. Ова откритие ја прави планетата, која се нарекува К2-18б, веродостоен кандидат во потрагата по вонземски живот.
За 10 години, нови вселенски телескопи би можеле да утврдат дали атмосферата на К2-18б содржи гасови што би можеле да се создадени од живи организми.
Професорката Џована Тинети, лидер на тимот од Универзитетскиот колеџ во Лондон (УЦЛ), го опиша откритието како „неверојатно“. „Ова е првпат да откриеме вода на планета во населива зона околу ѕвезда, каде што температурата е потенцијално компатибилна со присуство на живот“, рече таа.
,,К2-18б се наоѓа на 111 светлосни години од Земјата, премногу далеку за да испрати сонда. Значи, единствената опција е да почекаме следната генерација на вселенски телескопи да бидат лансирани во 2020-тите и да бараат гасови во атмосферата на планетата што може да ги произведуваат само живи организми”, вели д-р Инго Валдман од УЦЛ. Тој додава дека ова е едно од најголемите прашања во науката и отсекогаш сме се прашувале дали сме сами во универзумот. Во следните 10 години ќе знаеме дали има хемикалии што се должат на живот во тие атмосфери.
Тимот кој дојде до откритието ги разгледувал планетите откриени од вселенскиот телескоп Хабл помеѓу 2016 и 2017 година. Истражувачите одредиле некои од хемикалиите во атмосферата на планетите проучувајќи ги промените на ѕвездената светлина додека планетите орбитирале околу своите сонца. Само К2-18б дала молекуларен потпис на вода, што е витална состојка за живот на Земјата. Компјутерското моделирање на податоците сугерирало дека до 50% од нејзината атмосфера може да биде вода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.
Забава
(Видео) Ен Хатавеј доживеа незгоден момент во шоуто на Џими Фалон
41-годишната оскаровка Ен Хатавеј гостуваше во емисијата The Tonight Show на Џими Фалон. Ен е една од ѕвездите на филмот The Idea of You, каде ја игра самохраната мајка Солен, која започнува врска со 24-годишниот Британец Хејс Кембел, кој го игра Николас Галицин.
Филмот е снимен на истоимениот роман на Робин Ли од 2017 година. Актерката имаше прилично непријатен момент во шоуто кога ја спомна книгата на Робин и ентузијастички ја праша публиката: „Дали некој овде ја прочитал книгата?“
“We don’t read. This is the Tonight Show. You wanna go over to Stephen Colbert if you wanna get people that read books.”
You could hear a PIN DROP I’m fucking crying help ??? 💀 pic.twitter.com/0B6Q0b53jY
— Taylor Robinson (@finelytaylored) April 30, 2024
Одговорот на публиката беше – целосна тишина. Од нејзиниот израз се виде дека е засрамена и шокирана од недостатокот на реакција на публиката, но Џими Фалон веднаш се вклучи за да ја спаси.
Тој рече: „Не, не читаме“. Таа досетка ја прекина тензијата во студиото, а публиката и актерката се насмеаа.