Свет
САД ќе ги укинат визите за Полска
Американскиот претседател Доналд Трамп му порачал на полскиот претседател дека очекува да биде укинат визниот режим за Полска во следните неколку недели и дека на граѓаните на оваа земја нема да им треба виза за патување во САД до 90 дена, без разлика дали станува збор за деловна или туристичка посета, објави денеска Белата куќа.
Варшава веќе долго време бара Стејт департментот да го укине визниот режим за Полска, а претседателот Трамп, како што појасни Белата куќа, во разговор со неговиот полски колега Анджеј Дуда, на маргините на сесијата на Генералното собрание на ОН, најавил дека тоа може да се случи во наредните недели.
„Претседателот Трамп го извести претседателот Дуда дека ќе го објави влезот на Полска во Програмата за ослободување од визи (VWP) во наредните неколку недели“, се вели во соопштението на Белата куќа.
Трамп и Анджеј Дуда разговарале и за воени, безбедносни и енергетски прашања, а претседателот на САД го потврдил и неговиот план за распоредување на голем број американски војници од другите делови на Европа во Полска, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.