Македонија
Ѓуровски: Преку програмата на САД за македонски креатори на политики до нови сознанија и алатки
По покана на Мисијата на САД во НАТО, во неколкудневна посета на седиштето на алијансата и воената команда во Монс се наоѓа група професори, политичари и претставници на НВО-секторот од земјава, кои учествуваат во американската програма за креатори на политики.
Целта на програмата е размена на најновите безбедносни процени, анализа на актуелните настани и случувања, кои непосредно остваруваат влијание врз безбедностата состојба и развојот на натамошните приоритети на делување.
Република Северна Македонија е добредојдена и со нетрпение ја очекуваме во НАТО, каде што ќе го кренеме македонското знаме зашто на тој начин даваме значаен придонес кон безбедносна стабилизација и развој на земјата и целокупниот регион, е заклучокот од повеќето средби и предавања во америнската Мисија во НАТО.
Размената на информации и заедничките вредности ја прават посилна внатрешната демократија во земјата, беше една од пораките за време на американската програма наменета за македонските креоатори на политики. Меѓу другото, беше нагласено дека светот постојано се менува, затоа во чекор треба да се следат сите промени и да се биде во тек со глобалните и регионалните процеси и обидите за влијание на некои големи сили врз интеграциските процеси на Југоисточна Европа.
„Преку учеството во посебната програма на САД за креатори на политики стакнавме нови искуства и алатки, како и добивање сознанија и податоци, кои значајно може да најдат примена при креирањето нови политики во земјата. Низ многуте предавања и искажани анализи за процената на состојбата во регионот и глобалните настани може да заклучам дека се потребни нови пристапи во реализација на постојните политики, но и исполнување на преземените обврски и домашни задачи како држава идна членка на НАТО. Вложувањето во одбраната и ресурсите на земјата треба да бидат приоритет пред заокружување на членството во алијансата, кое значајно ќе ни помогне со заедничкото справување со асиметрични и хибридни закани и да бидеме брана на руското влијание на Балканот“, истакна професорот Марјан Ѓуровски, продекан за наука и развој на Факултетот за безбедност, кој беше еден од избраните учесници на американската програма за креирање политика, која се реализира во Мисијата на САД во НАТО во Брисел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лимани: Судот ја прифати жалбата на коалицијата ВЛЕН за „бугарскиот воз“ во Липково, се докажа изборниот инженеринг на ДУИ
Валбон Лимани од коалицијата ВЛЕН денеска на прес-конференција го презентираше решението на Управниот суд со кое се прифаќа жалбата на коалицијата ВЛЕН за полнење кутии во Липково.
„Управниот суд ја прифати жалбата на Коалицијата ВЛЕН за гласачко место во Липково, каде што имало полнење на кутија од страна на блиски луѓе на носителот на листа на ДУИ во оваа зона, со техника позната како „бугарски воз“. Во судската одлука стои дека тужбата на кандидатот на претседателските избори во 2024 година, Арбен Таравари, е прифатена“, рече Лимани.
Според Лиман, со ова се докажува изборниот инженеринг на ДУИ на претседателските избори на 24 април и ги повика надлежните институции да постапат за кражбата на гласови и чинителите да се изведат пред правдата.
„По парламентарните избори нод 8 мај, режимот на ДУИ ќе се сруши. Коалицијата ВЛЕН, како следна влада, ветува дека ќе го санкционира секој обид на владата во заминување да краде или купи гласови“, рече Лимани.
Македонија
Над 150 пијани возачи затекна полицијата на 1 Мај
Санкционирани се 157 возачи на територијата на целата држава, при полициски контроли за време на празничниот 1 Мај.
Од нив 41 на територија на СВР Куманово, по 34 на територија на СВР Битола, објави МВР.
За време на контролата санкционирани се и 183 други видови на сообраќајни прекршоци.
Сообраќајните контроли продолжуваат и во наредните денови. Се апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Македонија
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ, Бујар Османи.
На прес-конференција тој тврдеше дека не може да има Влада без двојно мнозинство, повикувајќи се на Рамковниот.
„Охридскиот рамковен доведе до две мнозинства, 61 и мнозинство по Бадентер. Забораваме и размислуваме само за едното мнозинство од 61. Едното секогаш оди со Бадентеровото. Ќе треба време за да ја сфатиме логиката на Охридскиот договор. Рамковниот договор има механизми за заштита на заедниците од надгласување, не е за заштита на мнозинската заедница. Затоа бара покрај 61 и Бадентерово мнозинство. Јалови се сите обиди да се потцени второто мнозинство при било кои избори по 2001 година“, рече Османи.
Тој упати низа обвинувања до ВМРО-ДПМНЕ, мѓу кои дека секојдневно рециклираат националистички тези, флертуваат со проруски интереси, отворено се закнуваат на, како што рече, славното востание од 2001, ги зголемуваат тензиите меѓу етничките и верските заедници, додека ДУИ гарантираат стабилност и соживот.
Во врска со тоа како ќе настапат во вториот круг од претседателските избори, односно дали и кој од двајцата кандидати ДУИ ќе го поддржат, одлуката ќе биде соопштена во наредните денови.