Економија
Анѓушев: Целосно сум за оданочување на добивка од каматите за депозити
Вицепремиерот задолжен за економски прашања, Кочо Анѓушев, на новинарско прашање, даде појаснување во врска со Законот за данокот на добивка кој треба да почне да се применува од 2020 година, а со кој се опфатени добивките од камати на депозити во банките, дивидендите и капиталните добивки од тргување на берзата.
Тој појасни дека станува збор за две категории кои деновиве се дискутираат.
„Прво, се зборува за оданочување на каматите од депозитите во банките, односно доколку граѓаните имаат средства во банка, на крајот на годината по пресметаната камата да платат данок во висина од 15% за вредноста на тие средства. Апсолутно сум за тоа ова да почне да се применува од 2020 година“, рече Анѓушев.
Втората категорија за која се дискутира, појасни тој, е данокот на капитални добивки, односно доколку имате акции во некоја компанија и со нив тргувате на берзата, сте ги купиле по една цена, а ги продавате по друга повисока цена, треба да платите данок на направената разлика.
„Тоа е данокот на капитални добивки. Сметам дека треба да се одложи со примена на овој данок, за да се стимулира берзанското работење, нашата е сеуште млада берза, а голем број на држави кои биле на степен на развој како нашиот, ја примениле оваа практика, за да се развијат берзите и да ги охрабрат компаниите кои се друштва со ограничена одговорност да се трансформираат во акционерски друштва. Тоа е впрочем и начин да се вбризга свеж капитал во компаниите“, рече Анѓушев и додаде дека се очекува во наредните месеци Владата да донесе конечна одлука по ова прашање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Меморандум за соработка во полето на гасниот сектор помеѓу Македонија и Србија: ќе се испитува можноста за развој на нова директна врска меѓу двата системи за гас
Министерство за енергетика, рударство и минерални суровини на Република Северна Македонија склучи Меморандум за соработка во полето на гасниот сектор со Министерството за рударство и енергетика на Република Србија, во просториите на Владата.
Гасниот интерконектор Северна Македонија – Србија е означен како Водечки проект за енергетиски мрежи во рамки на ЕУСАИР (EU Strategy for the Adriatic and Ionian Region) со што ќе се обезбеди сигурност во снабдувањето за регионот на Југоисточна Европа и ЕУ по пат на имплементација на проектите од Јужниот гасен коридор на ЕУ и Трансбалканскиот гасен прстен, преку диверзификација на рутите и изворите за снабдување со гас.
Со меморандумот се предвидува испитување на можноста за развој на нова директна врска меѓу двата системи за гас. Во рок од 9 месеци ќе се изработи Физибилити студија и Студија за оценка на влијание на проектот врз животната и социјалната средина за новата гасна интерконекција помеѓу државите.
Врз основа на резултатите од техничките и пазарни истражување и земајќи ја во предвид постојната инфраструктура за пренос на гас кај двете страни, Страните ќе ги анализираат и ќе превземат соодветни одлуки за реализација на проектот и координирање на понатамошни дејствија.
Економија
Зголемување на цената на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,81% во однос на одлуката од 30.9.2024 година.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 1,00 ден/лит.
Малопродажната цена на Екстра лесното масло за домаќинство на (ЕЛ-1) се зголемува за 1,50 ден/лит.
Малопродажната цена на Мазутот М-1 НС се зголемува за 1,108 ден/кг и сега ќе изнесува 42,780 ден/кг.
Економија
Претседателката на ММФ: Живееме во свет на бавен економски раст и високи долгови
Меѓународниот монетарен фонд може да им помогне на земјите да се приспособат на бавниот економски раст и високиот долг бидејќи ова е светот во кој моментно живееме, изјави денеска претседателката на Меѓународниот монетарен фонд (ММФ), Кристалина Георгиева, на конференцијата за одржливост во Хамбург.
Според неа, тоа значи дека реформите што придонесуваат за раст, подобрување на инвестициската клима и напредок на пазарот на трудот треба безмилосно да се одложат.
„Меѓународниот монетарен фонд може да им помогне на своите членки да ги спроведат неопходните реформи, со што овие земји ќе имаат потенцијал да го зголемат растот на БДП во текот на четири години за осум отсто“, додаде Георгиева, пренесува „Танјуг“.
Конференцијата беше отворена со говорот на германскиот канцелар, Олаф Шолц.