Регион
Висок одѕив и нерегуларности на изборите во Косово – приведени 20 лица
Заврши гласањето на денешните избори во Косово, а според медиумите три партии прогласиле победа. Голем одѕив во општините во кои доминира српското население и мали нерегуларности при гласањето – вака помина денот на изборите во Косово.
Во 19 часот беа затворени гласачките места на предвремените парламентарни избори на Косово, со највисок процент на излезност. Најголем одѕив има во Зубин Поток и најмал во Драгаш. Според проценките на Централната изборна комисија, гласале 44,09 проценти од косовските граѓани, а тоа е 97 проценти од избирачките места.
Државното обвинителство на Косово пренесе дека се приведени 20 лица поради различни кривични дела на изборниот ден. Право на глас имаа повеќе од 1,9 милиони луѓе, што е повеќе од официјалното население на Косово, поради проблеми со изборниот список, јавува дописникот на Би-би-си.
Денот на изборите се одржа во Косово без поголеми нерегуларности, рекоа претставниците на набудувачките мисии на ЕУ и ОБСЕ.
What a great day – happy to see so many of you taking time to vote – this proves your strong commitment to Kosovo’s future. #KosovoIsYourHome pic.twitter.com/BRQCLu3dv8
— Ambassador Philip S. Kosnett (@USAmbKosovo) October 6, 2019
Централната изборна комисија соопшти дека имало изолирани инциденти и проблеми, но дека „не можат да влијаат на регуларноста на изборите“.
Две лица се уапсени во северниот дел на Митровица за злоупотреба на службената должност на едно избирачко место во училиштето, додаде обвинителството.Сепак, Обвинителството издаде наредба со која се определува 48-часовен притвор за само едно лице.Косовската полиција во Призрен соопшти дека уапсила и седум лица за фотографирање на гласачкото ливче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.