Свет
Нетанјаху предложи систем за воздушна одбрана против можни напади од Иран
На состанокот на кабинетот во неделата, израелскиот премиер Бенјамин Нетанјаху предложи голем воздушен одбранбен систем за одбрана од ирански напади, особено од крстосувачки ракети како оние што се користеа при нападите врз нафтениот објект во Саудиска Арабија минатиот месец, пренесува „Јерусалим пост“.
Минатиот месец крстосувачки проектили и дронови со експлозив беа користени за напад на две постројки во срцето на нафтената индустрија на Саудиска Арабија вклучувајќи го и најголемиот светски капацитет за преработка на нафта. САД, Саудиска Арабија, Велика Британија, Франција и Германија јавно го обвинија Иран за нападот, но Техеран ги негира обвиненијата.
Нападите врз двата објекта го намалија снабдувањето со сурова нафта од Саудиска Арабија за речиси 5,7 милиони барели на ден или околу 50 отсто од нивното производство. Планот што го предложи Нетанјаху ќе чини милијарди пекели. Некои од средствата за проектот нема да бидат распределени официјално сè додека не се формира влада, под претпоставка дека нема да има трети избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја нападна Украина со 68 дронови
Русија синоќа истрела 68 беспилотни летала и четири ракети врз Украина, соопшти украинската армија.
„Две балистички ракети Искандер-М ги погодија регионите на Полтава и Одеса, а две ракети Х-59 беа лансирани кон регионите Чернихив и Суми“, соопштија украинските воздухопловни сили на апликацијата за комуникација Телеграм.
Украинските сили за противвоздушна одбрана, наводно, уништиле 31 дрон.
Свет
Украинската армија цврсто ги држи позициите во регионот Курск, вели Зеленски
Претседателот на Украина, Володимир Зеленски синоќа изјави дека украинската армија цврсто ги држи позициите во регионот Курск, иако руската армија се обидува да ги врати назад.
– Во врска со операцијата Курск, Русија се обиде да ги потисне нашите позиции, но ние се држиме, изјави Зеленски во вечерното радио обраќање.
Руската армија на почетокот на неделата соопшти дека вратила две села во Курската област и најави дека ќе продолжи со акциите за истиснување на украинските сили од нејзината територија.
Зеленски призна дека украинскиот упад во регионот Курск во август беше осмислен за да се повлечат руските војници од позициите во источна Украина, каде што напредуваа изминатите месеци.
Руските војници сè уште напредуваат во источна Украина, особено кон Покровск, клучен логистички центар за украинските сили.
Регион
Во Македонија почувствуван земјотрес, епицентарот е во Врање
Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.
Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.