Свет
Иранската зомби Анџелина Џоли уапсена под обвинение за богохулење

Иранската ѕвезда на „Инстаграм“, Сахар Табар (22), позната по своите морничави фотографии и видеа, е уапсена под обвинение за богохулење, поттикнување насилство, незаконско збогатување и за промовирање несоодветно однесување кај младите, јавуваат локалните медиуми.
Полицијата наводно ја уапсила младата жена кога членовите на јавноста поднеле поплаки за неа. Нејзиниот профил на „Инстаграм“ е избришан.
Сахар стана интернет-сензација во 2017 година кога почна да објавува фотографии од себе во зомби-верзија на Анџелина Џоли. Во печатот се шпекулира дека Табар се подложила на десетици пластични операции за да изгледа како холивудската ѕвезда.
Подоцна, таа признала дека, иако се подложила на ринопластика, липосукција и користела полнила за усни, нејзиниот зомби-изглед бил постигнат со помош на шминка и „Фотошоп“.
Табар откри дека таа никогаш немала цел да личи на Џоли и дека нејзините објави на „Инстаграм“ се нејзиниот метод на самоизразување. Таа исто така објави свои фотографии без шминка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.