Македонија
Климатските промени разгореа дискусија меѓу младите на „Џифони Македонија“
Горливата тема на аерозагадувањето и на климатските промени вчера предизвика дискусија помеѓу младите учесници на „Џифони Македонија“, во која ги водеа претставнички на здружението „Екосвест“. Добро информирани, но признаа дека им недостига повеќе знаење на темата да стекнат на училиште.
Елена Николовска и Ана Чоловиќ-Нешоска од „Екосвест“ им порачаа на младите: „Политичарите многу сакаат да зборуваат и никогаш не се движат со темпото што ние го сакаме. Вклучете се во движења, групи, здруженија и бидете гласни и ќе ги поттикнат политичарите и да не седите со скрстени раце!“
На начин приспособен за нивната возраст, а и со квиз, од „Екосвест“ ги образоваа младите што е најважно да знаат за оваа тема. „97 проценти од климатските научници веруваат дека климатските промени се предизвикани од човечки фактор и луѓето многу често не веруваат во тоа. Но, не е ни важно дали верувате или не. Најважното е дека постојат климатски промени и дека мора нешто да направиме да ги спречиме и да ги ублажиме“, рече Николовска.
Гимназијалка од Скопје сподели дека заедно со малкумина во своето училиште се обидуваат да влијаат на екосвеста.
„Во нашето училиште формиравме клуб насочен кон овие прашања, но главен проблем ни е што не знаеме како да ги придобиеме младите да ни се придружат и многу е мал бројот на нашите соработници што сакаат да придонесат. Треба повеќе да учиме на училиште за ова. Најмногу што нè учат е за озонската дупка, а не и за климатските промени“, вели таа.
Бендот „Дупер“ вчера беше вистинска ѕвезда на третиот ден на „Џифони Македонија“. Младите им ги пееја песните, имаа куп прашања да им постават, а и се сликаа со нив. Борис Какуринов, гитара и клавијатура, и Илчо Нечовски, вокал и бас-гитара, искрено одговараа на сите прашања доловувајќи ја својата приказна. Признаа дека не им треба нов член во бендот, иако добар женски вокал е добредојден за соработка.
„Завршивме во гимназијата ‘Орце Николов’, каде што на часовите по музичко многу често свиревме двајцата. Со текот на времето си рековме дека треба да направиме наша музика и да не бидеме како оние што само зборуваат дека немаме музичка сцена. Решивме да го извадиме најдоброто од нас. Ние имаме другарство и однос меѓу себе, што е реткост и треба да се чува“, вели Борис.
На прашањето дали повторно би работеле со продукциска куќа, бидејќи веќе не соработуваат со „Авалон“, двајцата споделија „денес можете сè да постигнете сами“.
Илчо сподели дека се среќни што многу луѓе им ја слушаат музиката, на некои дури и им се допаѓаат, а некои и ги пеат. „Уживаме во сопствената музика и како луѓето реагираат. Нема да пееме на англиски јазик. Ние двајцата сме Македонци и ми е чудно да пееме на англиски. Не сум чул Американци да пеат на друг јазик. В година излегува нов албум и ќе се вика „Хипер“, вели Нечовски.
На прашањето дали знаеле однапред дека „Не сум твој тип“ ќе биде хит, одговорија:
„Не можете да замислите и однапред да знаете кои песни ќе ви бидат хит. Имавме две песни што мислевме дека ќе бидат хит, а не ги ни снимивме. Цело време експериментираме со жанровите. Сакаме да правиме рап, ќе правиме и метал, а веќе имаме и една транспесна“.
На прашањето дали би учествувале на Евровизија, категорично рекоа: „Нема шанси!“
Тој сподели со публиката дека музика што многу го смирува е класичната, особено чешките композитори. „Како мал одев на музичко и слушав класика и ми остана таа музика, особено чешките композитори. Омилена композиција ми е ‘В’лтава’ од Беджих Сметана“. На прашањето дали имаат идоли, тој одговори дека тоа се неговите родители.
Младите кадети и сениори вчера ги запознаа и авторите на филмот „Јас не сум Игор“. Тие покажаа голем интерес и одлично го примија филмот што го промовираа режисерот Сергеј Ѓеоргиев и актерот Стефан Спасов.
На меѓународната вечер џифонци од 10 земји се претставија во најдобро светло, со специјалитети од нивните земји, а забавата за младите продолжи со диџеј Џани Мирабело од Италија. Патувачката училница Una vita da social – „Живот на социјалните мрежи“ деновиве предизвикува големо внимание кај младите и наставниците од повеќе општини во Скопје. Денес, училницата ќе се најде пред А1 арената „Борис Трајковски“, а експерти од италијанската полиција на младите ќе им доловат како е најдобро да се заштитат од измами на социјалните мрежи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска-Давкова: Шпанија е принципиелен поддржувач на македонските евроинтеграции
Шпанија е наш важен партнер во НАТО, ООН и ОБСЕ и принципиелен поддржувач на македонските аспирации за членство во ЕУ, рече претседателката Гордана Сиљановска-Давкова на денешната средба со делегацијата на Комисијата за надворешна политика од Сенатот на Кралството Шпанија, во придружба на амбасадорот Рафаел Сориано Ортиз.
Ја поздрави посетата, оценувајќи ја како пресвртница во шпанско-македонските односи преку обнова и интензивирање на меѓупарламентарната соработка.
Сиљановска-Давкова укажа на потребата од создавање на мешовита Група пријатели во шпанскиот Сенат и Конгрес.
Таа препознава недоволно искористен потенцијал за економска соработка којашто може да се регулира со билатерален договор.
Претседателката детално ги образложи државните ставови по однос на интегративниот процес во ЕУ, реафирмирајќи ја посветеноста на земјата на исполнувањето на Копенхагенските критериуми.
Претставниците на шпанскиот Сенат се заблагодарија за разговорот и изразија подготвеност за понатамошно продлабочување на соработката, како и поддршка во евроинтеграцијата.
Македонија
Деблокиран процесот за клучката кај Момин Поток – продолжува изградбата со забрзано темпо
Град Скопје информира дека е деблокиран процесот за клучката кај Момин Поток и дека градежните активности продолжуваат со забрзана динамика. По период на застој, продолжува реализацијата на една од најважните сообраќајни точки во градот, каде се пресекуваат неколку клучни правци.
Градоначалникот Орце Ѓорѓиевски изјави дека по неколкумесечен застој, повторно се работи на проектот кој се смета за една од најстратешките точки во Скопје.
Во тек е изградбата на атмосферскиот канализациски систем Ф1200 на булеварот „Никола Карев“, во должина од 550 метри – од мостот над Серава до булеварот „Словенија“.
Паралелно, на истиот булевар се гради нов мост над Серава, кој ќе премостува три ленти во едната насока и четири во другата, со вкупна ширина од 44 метри.
Се подготвува и надвозник долг 43,5 метри до булеварот „8 Септември“, кој ќе биде премостен од булеварот „Никола Карев“ и ќе го поврзе кружниот тек со турбо кружниот тек.
Од Град Скопје наведуваат дека дел од активностите се изведувале во сложени услови поради густ сообраќај и нерешени имотно-правни односи, но дека процесот е деблокиран и динамиката на работа се забрзува.
Според најавите, оваа сообраќајна спојка ќе донесе олеснување за илјадници граѓани преку побрз проток, намалување на метежот и современ пристап до градот.
Македонија
Насилство врз жените во политиката е насилство врз целата демократија
Клубот на пратенички во соработка со Меѓународната фондација за изборни системи (IFES) Канцеларија Скопје и Центарот за интернет, развој и добро управување IMPETUS денеска организираа работна средба и дискусија на тема: „Насилство врз жените во политиката и изборите Линија „Биди безбедна“ локални избори 2025 – предизвици и понатамошни чекори“.
На средбата свои воведни обраќања имаа Јована Тренчевска, претседателка на Клубот на пратенички, Весна Ѓорѓиева, заменик – претседателка на Комисија за еднакви можности и Афердита Хaџијаxа Имери, IFES.
Претседателката на Клубот, Тренчевска изрази задоволство што оваа средба се оддржува денеска на почетокот на кампањата „16 дена активизам против насилство врз жените и девојките“. Таа информираше дека пратеничките веќе излегоа на терен и делеа информативен флаер на граѓаните кој беше изработен на иницијатива на Комисијата за еднакви можности на жените и мажите, со цел директно да ја приближат кампањата и пораката за спречување на насилството врз жените и девојките.
Тренчевска ја поздрави иницијативата на IFES I IMPETUS за безбедност на жените во кампањата и изборните процеси.
Насилството не е само физичко може да биде во повеќе облици психичко, преку закана, потценувачки коментар, и тн., овие напади не се само напади врз жените во политиката, туку и врз целата демократија – рече заменик – претседателка на Комисија за еднакви можности, Весна Ѓорѓиева.
Афердита Хaџијаxа – Имери, од IFES сподели дека насилството врз жените во политиката е најсериозна пречка за учество и го нарушува целиот изборен процес.
Лилјана Пецова, од IMPETUS – Центар за интернет, развој и добро управување презентираше како функционирала Линијата „Биди безбедна“ за време на локаните избори (26 септември – 25 октомври) 2025 година, каде имало вкупно 6 пријави од кои 3 консултативни, 2 барање за информации и една пријава за социјална мрежа.
По презентацијата следуваше дискусија на присутните каде во фокус беа: формите на насилство врз жените во политиката, каде е границата помеѓу легитимната политичка критика и говорот на омраза, дали онлајн нападите влијаат врз одлуката на жените во однос на нивните кандидатури, каде жена политичарка може да се обрати и што се случува потоа?
Исто така беа споделени и можните насоки за понатамошна поддршка на жените во политиката, особено во контекст на изборните процеси.
Владата именува повереници за општините Маврово Ростуше, Гостивар, Центар Жупа и Врапчиште
Владата на денешната седница именува повереници за општините Маврово Ростуше, Гостивар, Центар Жупа и Врапчиште во кои што на локалните...
Украина се согласи на мировен договор со Русија, тврдат САД
Украина се согласи на договор за прекин на војната со Русија, при што остануваат само мали детали, изјави американски функционер...
Уапсени директори и заменик министер за земјоделство: излажале дека недостасуваат пченица и јачмен вредни 780.000 евра
Полицијата денеска уапси пет лица осомничени за злоупотреба на стоковите резерви, излажале дека недостасуваат пченица и јачмен вредни 780.000 евра....
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
Не е работа на бранителот да биде судска достава, забележаа адвокатите и побараа судот да им го достави интегрираното обвинение и на обвинетите за „Пулс“
Место воведни зборови од одбраната и изјаснување дали се чувствуваат виновни обвинетите за пожарот во кочанската дискотека “Пулс”, денешното второ...
Мицкоски: 6.045 пристигнати апликации, најголем интерес за искористување на мерката за самовработување
Како Влада, силно веруваме дека економијата расте тогаш кога граѓаните имаат поддршка да создаваат, да иновираат и да стануваат претприемачи,...
42-годишник пронајден мртов кај селото Нераште: наредена е обдукција, ќе се вештачат траги најдени на местото
Обвинителството извести дека е извршен увид на лице место, дадени се повеќе насоки и наредби со цел откривање на сторителите...
Голема полициска акција: претреси во Скопје, Куманово и на други локации
Во координација со Основното јавно обвинителство Скопје во тек е полициска акција со претреси во Скопје, Куманово и на други...
Зеленски пред тежок избор: планот на Трамп или несигурните Европејци, пишува Политико
Европските претставници вчера воздивнаа со олеснување, верувајќи дека разговорите во Женева вродиле со плод и дека Доналд Трамп ќе ги...
Поради одрон во прекин е сообраќајот на регионалниот пат Ресен- Граничен премин Стење
Денеска од 07:55 часот, поради одрон на патот помеѓу селата Царев Двор и Отешево, во прекин е сообраќајот во двата...
Би-би-си: Украинците би можеле да се согласат на изменет мировен план, Русите се друга приказна
Доналд Трамп силно сака мировен договор во Украина. Киев сака мир уште повеќе, но не по секоја цена, пишува Би-би-си...
САД преговараат со Русите и Украинците: „Мора да бидеме сигурни дека Русите се согласуваат со ова“
Секретарот на американската армија, Ден Дрискол, пристигна во Абу Даби доцна синоќа на разговори со шефот на украинската воена разузнавачка...
Венецуела до авиокомпаниите: Имате 48 часа да ги продолжите летовите или ќе ја изгубите дозволата
Венецуелскиот институт за авијација денес им соопшти на меѓународните авиокомпании дека мора да ги продолжат летовите до земјата во рок...
ОН: На секои десет минути жена е убиена од близок човек
ОН вчера соопшти дека минатата година речиси 50.000 жени и девојки биле убиени од интимен партнер, осудувајќи го недостатокот на...
(Видео) Зеленски испрати драматично предупредување: неколку часа подоцна, Русите брутално го нападнаа Киев
Русија синоќа започна жесток напад врз Киев и други украински градови, користејќи беспилотни летала „Шахед“ и балистички ракети „Кинжал“. Нападите...
Мицкоски не знаел за инцидентот со Аца Лукас, но најави строга контрола на естрадата: Јасни се законите и правилата, секој мора да ги почитува
Премиерот Христијан Мицкоски од кого викендов на социјалните мрежи се бара извинување по приведувањето на српскиот пејач Аца Лукас во...
Мораме да се срамиме и да црвениме пред Стразбур, вели Мицкоски откако судот најави отворање предмет за случајот на Јанкулоска
Мораме да се срамиме и да црвениме пред Стразбур, вели премиерот, Христијан Мицкоски, откако судот најави отворање предмет за случајот...
Уапсен 16-годишник од Охрид: силувал 12-годишно девојче, друг малолетник го снимал, а трет го уценувал девојчето
Денеска во 10:00 часот, полициски службеници од СВР Охрид лишија од слобода 16-годишник од Охрид поради сомнение дека на 12.11.2025...
Бебе почина во Општата болница во Кичево: било донесено во тешка здравствена состојба
Вчера во 22:10 часот во ОВР Кичево е пријавено дека на детското одделение при Општата болница во Кичево во тешка...
„По налог на Груевски Мицкоски ја враќа државата деценија назад“, велат од СДСМ
„Македонија повторно се наоѓа во изолација. Наместо држава што чекори напред, со јасна европска перспектива, денес гледаме изолирана земја додека...
