Македонија
Заев доби поддршка од коалициските партнери за датумот за избори
По средбата кај претседателот, премиерот и претседател на СДСМ, Зоран Заев, информираше дека одржале и коалициски состанок, на кој присуствувале сите коалициски партнери, освен оние од албанскиот блок коишто веќе беа присутни кај претседателот на државата.
„Сакаме да афирмираме неколку вредности. Оваа коалиција останува стопроцентно посветена на нашиот евро-атлански пат. Демотивацијата којашто ЕУ преку една земја членка успеа да ја вгради во нашите души нема да нè обесхрабри да го продолжиме тој пат. Ние веруваме во европските вредности, веруваме дека нашиот народ од сите етнички заедници заслужува да биде европски народ, којшто ќе ги живее истите европски вредности кои то ги живеат граѓаните на модерните западноевропски земји, каде што владее правото, каде што се севкупните слободи пример за сите граѓани, каде што имаме модерно образование, добро здравство, позитивна култура, како одраз на нашиот мултиетнички состав на државата.
Веруваме дека во овој правец толку силно ќе го блеснеме нашето заедничко македонско сонце коешто дефинитивно ќе побуди дополнителна дебата, позитивна во ЕУ којашто конечно треба да ја донесе одлуката за почеток на преговорите. Со таа трансформација низ преговарачкиот процес навистина да станеме европска земја“, изјави Заев.
Тој додаде дека сите даваат поддршка на определениот датум за избори. „Ги договоривме чекорите на воспоставување на постулатите на коалицијата, нови изборни ветувања за граѓаните. Програмата ќе биде создадена во целиот овој период, но исто така, реализацијата на она што досега не е дореализирано има поголем период да биде изреализирано во следните безмалку шест месеци коишто претстојат до изборите.
Вака фокусирани, продолжуваме сите заедно да им служиме на граѓаните. Ние сме лидерите на граѓаните коишто ја димензионираат иднината на нашата Република Северна Македонија на вистинскиот пат, на правиот пат, на патот на којшто нè препозна Европската Унија, САД и целиот демократски свет со којшто имаме стратешко партнерство. Патот што докажавме дека е возможен, конечно да се пронајде во овие 28 години независност на нашата земја и веруваме дека сите граѓани ќе останат цврсто на таа определба, давајќи поддршка на еден нов, чист мандат во којшто ќе ги продолжиме ваквите политики“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.