Свет
Студенти во Индија носат кутии на главите за време на испит за да нема измами
![](https://makfax.com.mk/wp-content/uploads/2019/10/191021115455-02-india-box-student-exlarge-169.jpg)
Индиските студенти носат кутии на главите за време на испитот за да спречат измама. Вакви фотографии се појавија во јавноста по што училиште во Индија се извини откако беше обелоденето дека студенти во текот на испитот носат картонски кутии на главите за да се спречат измамите.
Според надлежните в училиштето, станува збор за пробен период за новата мерка којашто се применува од средата во колеџот во Хавери, во југозападна индиска држава Карнатака. Еден член на персоналот ги фотографирал студентите кои седеле во клупите, со глави покриени со картонски кутии.
Предниот дел од кутиите бил исечен, дозволувајќи им на учениците да ги гледаат само листовите за испити, но не и околината. Училиштето се соочи со големи критики откако фотографиите излегоа во јавност. Суреш Кумар, државен министер за образование, на Твит порача дека практиката на училиштето е „неприфатлива“.
„Никој нема право да се однесува со никого како животно“, напиша Кумар. „Со оваа перверзија ќе се справиме соодветно“.
Училиштето писмено го образложи проектот и се извини. Според директорот М.Б. Сатеш, учеството во овој пробен метод било доброволно, а училиштето однапред ги известило родителите. Во него биле вклучени само ученици со родителско одобрение.
„Од 72 студенти кои полагале испити тој ден, само 56 учествуваа во експериментот со кутии“, изјави директорот.
„Учениците донесоа свои кутии на училиште, а многумина ги извадија по 15 до 30 минути“, рече Сатеш. Училиштето ги замоли сите ученици да ги извадат кутиите по еден час од почетокот на испитот.
Во последните неколку години има голем број скандали со мамење во Индија. Во Индија образованието е шанса за многумина да обезбедат егзистенција и да се спасат од сиромаштијата. Сепак, ова исто така значи дека многу студенти се под голем притисок не само да положат испити туку да ги надминат очекувањата по секоја цена.
Критичарите посочија на ваквите притисоци како мотиватор за измама и извор на лошо ментално здравје кај студентите – на почетокот од годинава, 19 студенти во јужната индиска држава Телангана си го одзедоа животот по објавувањето на резултатите од испитот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Нема струја, водата носи мостови, расте бројот на исчезнати во Швајцарија (ВИДЕО)
![](https://makfax.com.mk/wp-content/uploads/2017/07/oBK9lwTeiv-i-istanbul-pod-voda-poplavite-predizvikale-haos-i-vo-turcija.jpeg)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
![](https://makfax.com.mk/wp-content/uploads/2024/04/shahed-136-dron00002-830x0.jpg)
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
![](https://makfax.com.mk/wp-content/uploads/2024/06/isceznata.jpg)
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.