Забава
Некои актери си ги кријат своите вистински имиња, се нарекуваат сосема поинаку

Некои sвезди си го смениле своето име за да успеат полесно во кариерата, па затоа сега го користат уметничкото име по кое се познати.
Вистинското име на Вин Дизел (52) е Марк Синклер Винсент. Додека Вин е само скратеница за неговото вистинско презиме, тој се одлучил за уметничкото презиме Дизел бидејќи тој прекар му го дале неговите пријатели затоа што бил полн со енергија.
Вистинското име на Натали Портман (38) е Нета-Ли Херхслаг. Таа одлучила да работи под презимето Портман затоа што сакала да ја зачува приватноста поблиску до семејството. Портман е моминско презиме на баба ѝ.
Николас Кејџ (55) е всушност Ким Копола. Тој го криел своето вистинско име од почетокот на кариерата затоа што не сакал да се прослави само врз основа на крвната врска со славниот режисер, неговиот вујко Франсис Форд Копола.
Тој го избрал уметничкото презиме Кејџ поради стрип-херојот на Марвел, Лук Кејџ.
Актерката Џенифер Анистон (50) има грчко потекло и вистинското име ѝ е Џенифер Лин Анастасакис. Нејзините родители ѝ го смениле презимето во Анистон за да ѝ помогнат на својата ќерка, која сакала да стане актерка.
Полното име на Бред Пит (55) е Вилијам Бредли Пит, но сите го познавале под името Бред, па затоа тој замина во светот на глумата со тоа име.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.
Забава
(Фото) Најпопуларниот маникир на сезоната: нокти со цреши

Кога треба да смислите идеи за вашиот летен маникир, „нокти со цреши“ веројатно не е првото нешто што ви паѓа на ум.
Сепак, ова лето работите се менуваат и ако внимателно ги следите инфлуенсерите на социјалните медиуми или познатите личности како Хејли Бибер и Кортни Кардашијан, ќе забележите дека маникирите инспирирани од цреши се голем тренд ова лето.
Накратко, маникирите со цреши и овошја воопшто се поврзани со чувство на безгрижност и носталгија, без разлика дали станува збор за аутфит (облека, додатоци итн.) или за нашиот маникир. И како и со повеќето трендови, постојат толку многу начини да се усвои трендот на нокти со цреши.
Инстаграм е полн со инспирација за нокти, почнувајќи од класични комбинации како проѕирна основа со мали црвени цреши, до безвременски техники како францускиот маникир, па сè до поуникатни идеи како комбинирање на трендот на нокти со хромирани нокти со цреши.
Забава
(Видео) Џенифер Лопез го промени изгледот за улога: „Изгледа неверојатно со руса коса“

Џенифер Лопез глуми во претстојниот мјузикл „Бакнежот на жената-пајак“.
Пејачката и актерка објави трејлер за мјузиклот, а во некои сцени изгледа речиси непрепознатливо. За филмот делумно ја заменила кафеавата коса со руса.
„Изгледа неверојатно со руса перика“, „Џеј Ло ги напаѓа Оскарите“, „Конечно ќе добие номинација за Оскар“, „Ова изгледа неверојатно“, „Едвај чекам да го видам филмот, Џеј Ло изгледа и звучи неверојатно“, се некои од коментарите под трејлерот.