Свет
(Видео) Американците ја враќаат дома руската агентка Марија Бутина
Марија Бутина конечно се враќа дома откако помина повеќе од една година зад решетки во бизарен случај на антируска хистерија во кој активистката за оружје беше оцрнета во медиумите и затворена како нерегистриран странски агент, пренесува РТ.
Вашингтон соопшти дека Бутина, што САД ја сметаат за наводен руски шпион, денес ќе биде депортирана од Мајами, а рускиот амбасадор во САД, Анатолиј Антонов, потврди дека таа утре наутро ќе пристигне во Москва.
„По повторените барања на амбасадата да се разјасни процедурата за враќање на Бутина во Русија, добивме конечен одговор дека на 25 октомври Марија ќе биде префрлена од сојузниот затвор во Талахаси во миграцискиот центар, од каде истиот ден ќе полета за Москва”, посочи Антонов.
Бутина беше уапсена на 15 јули 2018 година во Вашингтон и обвинета дека е нерегистриран агент на странска влада, односно на Руската Федерација, која за своите активности не ја известила американската влада и учествувала во заговор против неа.
Со други зборови, како што објавија американските медиуми, Бутина била руски шпион. Таа беше обвинета за развој на односи со американски лица и инфилтрирање во организации кои имаат влијание врз американската политика заради остварување на интересите на Руската Федерација.
Американското министерство за правда утврди дека Русинката од 2015 до 2017 година работела според упатства на висок официјален претставник на руската влада. Министерството објави дека тој функционер е под санкции, а американските медиуми открија дека станува збор за Александар Торшин, функционер на Руската централната банка. Шпанските иследници го поврзуваат Торшин со руската мафија и перење пари во странски банки.
Тие двајца со години се познати меѓу американските конзервативци и активистите за право на поседување оружје во НРА, најможната лоби-група во САД за правото на поседување оружје. Бутина основала руска верзија на здружението, наречено Право на носење оружје и често гостувала на конференциите на активистите за оружје, а високи претставници на НРА гостувале на руски конференции на нејзина покана.
Подоцна се дозна дека Бутина, исто така, учествувала на средби меѓу руски службеници и двајца високи функционери на Централната банка на САД (ФЕД) и американското Министерство за финансии во 2015 година.
На тие состаноци неколку луѓе блиски до тинк-тенк од Вашингтон кој ги организирал, учествувале Стенли Фишер, тогашен потпретседател на Управата на Американската централната банка, и Нејтан Шитс, тогашен потсекретар за меѓународни односи на Министерството за финансии.
Бутина беше уапсена во средината на 2018 година и осудена на 18 месеци затвор. Таа прифати спогодба со која призна вина откако беше задржана во самица и побара изрекување казна. Во спогодбата, Бутина е претставена како марионета на руските моќници, кои ѝ помогнале да се инфилтрира во НРА и Републиканската партија за да работи за руските интереси.
Интересно е тоа што Бутина беше обвинета само неколку дена откако американското обвинителство поднесе обвинение против 12 руски функционери од воени разузнавачки служби, осомничени за вмешаност во изборите во САД во 2016 година, а само неколку часа по состанокот на американскиот претседател Доналд Трамп и рускиот претседател Владимир Путин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.