Забава
Орел одлетал во роаминг зона и направил огромна сметка за научниците
Руски орел чие движење научниците го следеле преку GPS околувратник, одлетал надвор од земјата, во роаминг зона и направил огромна сметка.
Степскиот орел по име Мин, кој бил опремен со уред што преку текстуални пораки испраќал координати до истражувачите, одлетал во Казахстан, на 5.600 километри оддалеченост, од каде уредот прикачен на него испратил стотици текстуални пораки, кои подоцна биле наплатени по роаминг тарифа.
Мин, како што пренесува агенцијата „Танјуг“, најпрво летал во област која немала покриеност со сигнал, поради што сите пораки кои требало да се испратат во тој период биле зачувани за да бидат испратат подоцна, кога ќе има сигнал.
Меѓутоа, орелот прелетал скоро 5.600 километри и кога во Казахстан влегол на територија со мобилна покриеност, биле испратени сите заостанати пораки.
Според една од истражувачите, Елена Шнајдер, од таму пристигнале стотици скапи пораки, а сметката на крајот била неколку десетици илјади рубли.
Инаку, научниците од рускиот центар за рехабилитација на дивите животни во Новосибирск постојано надгледуваат 13 птици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Неодоливи намалувања до -50% во омилените брендови на Fashion Group!
Можеби температурите повторно одат нагоре, но важно е дека кај нас цените одат надолу!
Во тек е најголемото летно намалување во омилените брендови на Fashion Group каде ќе ги најдете сите ултра стилски парчиња што ви се потребни за шик сезона.
Омилените комбинации за одмор, летни забави или долги прошетки сега можеш да ги направиш по супер цени.
Се’ што зачува како омилено парче од актуелните пролет-лето колекции, сега е вистинско време да го купиш!
Започни го најдоброто шопинг искуство во Fashion&Friends за најфраерските парчиња, продолжи во Timberland за најголемите авантури, застани во Guess по најстилските чанти, а задолжително посети ги и Mango, Springfield и Women’secret за нajтренди парчињата со кои ќе ги направите најмодерните стајлинзи.
Доколку твојот список не завршува тука, не грижи се, не завршува ниту нашата понуда! На попуст ќе најдеш и уште многу други нешта што можат да ти го направат ова лето уште поубаво!
Ние одвоивме неколку предлози за инспирација и поттик да направите брз и добар шопинг, а вие одлучете се дали ќе ги посетите продавниците на Fashion Group или пак ќе уживате и ќе си нарачате онлајн.
Создади ги летните спомени во Fashion Group стил!
ПР
Забава
(Видео) Џенифер Лопез објави видео со кое ги засили шпекулациите за развод
Пејачката и актерка Џенифер Лопез објави видео во кое го промовира својот бренд за убавина на социјалните мрежи, но уште еден детаљ привлече внимание.
Имено, многумина забележаа дека пејачката на спотот не носи бурма.
View this post on Instagram
Тие истакнуваат дека иако не носи бурма, на десната рака носи други прстени, а со овој потег сигнализира потенцијален развод со актерот Бен Афлек.
Светските медиуми веќе некое време пишуваат за наводниот развод на славниот пар.
Сомнежите се засилија кога се дозна дека Бен и Џенифер ја продаваат вилата што заедно ја купија пред една година. Џенифер претходно ја откажа турнејата и се појави сама на премиерата на својот нов филм.
Во голем дел од коментарите под ова видео се споменува нејзиниот изглед. Многумина забележале дека таа видно ослабела. „Убава си, но зошто ослабе толку многу килограми?“, „Многу си ослабела“, „Дали јас сум единствената што забележала дека Џенифер многу ослабе?“, се некои од коментарите.
Некои пишуваа дека Џенифер мора да била под голем стрес, со оглед на тоа што веќе подолго време на големо се зборува за разводот.
Забава
Влатко Стефановски слави 50 години кариера
Влатко Стефановски, композитор, текстописец, пејач, автор на применета музика за филмови и театарски претстави, годинава прославува јубилеј – 50 години успешна кариера.
В сабота на 6 јули ќе има целовечерен концерт во Ниш, в недела првпат ќе настапи во Белград како дуо со Васил Хаџиманов, во ботаничката градина на фестивалот „Џез во градината“, а на 16 декември во новореновираниот „Сава центар“.
Влатко е роден во типично театарско семејство. Неговите родители како уметници често патувале, па така набргу Стефановски се преселил во Скопје, во населбата Тафталиџе. Во рамките на домот Стефановски го сместил своето тонско студио „Езотерија“.