Забава
Му праќала пораки на починатиот татко, а по четири години добила одговор
Чесити Петерсон на својот профил на „Фејсбук“ објавила фотографии од преписката, што значи дека е време да му дозволи на својот татко да почива во мир.
„Секој ден во изминатите 4 години пишував пораки до татко ми за да знае како сум. Денеска добив знак дека сè е добро и дека можам да го оставам да почива во мир.
Покојниот Џејсон Лигонс не бил нејзиниот биолошки татко, туку човекот што се грижел за неа уште од дете. И покрај сè, таа била многу приврзана кон него и неговата смрт била многу тешка за неа. За да си олесни себеси, секое утро и вечер таа му испраќала пораки во кои пишувала што се случува во нејзиниот живот.
Posted by Chastity Patterson on Четврток, 24 октомври 2019
Еден ден на пораката, во која вели дека утрешниот ден ќе ѝ биде тежок, ѝ пристигнал одговор.
„Здраво, душо! Јас не сум твојот татко, но ги добивав сите твои пораки во текот на овие четири години. Со нетрпение ги очекувам твоите утрински пораки и вечерни јавувања. Јас се викам Бред и ја изгубив ќерка ми во сообраќајна несреќа во 2014 година и твоите пораки ме одржуваа во живот. Кога ми праќаш порака, знам дека тоа е порака од Бога“, одговорил во својата порака Бред.
Posted by Chastity Patterson on Четврток, 24 октомври 2019
„Ти си прекрасна жена и посакувам мојата ќерка да можеше да стане како тебе. Сè ќе биде добро, само уживај секој ден и блескај со светлината што ти ја дал Бог. Жал ми е што мора да поминеш низ ова, ако ти значи нешто, јас многу се гордеам со тебе“, ја завршува Бред својата порака.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.